Майя Хажетдинқызы Шығаева 1927 жылы қаңтардың 21 жұлдызында Астрахань қаласында дүниеге келді.
1949 жылы Алматы мемлекеттік медицина институтын бітіргеннен кейін; Кейіннен микробиология және вирусология институтын болып аталды. Бұл институтта ол аспиранттан институт директорының ғылыми жұмысы жөніндегі орынбасарына дейін қызмет атқарды.
Қазан айында ұйымдастырылған микробиология кафедрасына 1971 жылы 30 желтоқсан айында кафедра меңгерушісі қызметіне бекітілген. Осы аталған кафедрада 28 жыл бойы үздіксіз кафедра меңгерушісі қызметін атқарған.
Микробиолгияның өзекті бағыттары бойынша (физиология, генетика, экология) Қазақстанның жоғарғы оқу орындарында және ғылыми мекемелерде жұмыс жасаған 5 ғылым докторын, 41 ғылым кандидаттарын дайындаған.
Профессор М.Х.Шығаева 400 жуық ғылыми жұмыстардың авторы, соның ішінде 10 монография, 2 брошюра, 50 авторлық куәлік, алдын ала патент және патенттердің иегері болған, “СССР ойлап-тапқыры” белгісімен марапатталған. ҚР ЖАК Президумының мүшесі болды. Қазіргі кезде ол 2 арнайы диссертациялық кеңестің мүшесі болған, ҚР ҒА президумының биология ғылыми бөлімінің бюро мүшесі болған, әл - Фараби атындағы ҚазҰУ ғылыми кеңесінің мүшесі болған.
М.Х. Шығаеваның ғылыми – педогогикалық және қоғамдық жұмыстарын мемлекетіміз жоғары бағалаған. Ол ҚазССР Жоғарғы Кеңесінің грамотасымен, “Халықтар достығы” және “Парасат” ордендерімен, “В.И.Лениннің 100 жылдығына арналған” және “Еңбек ардагері” медальдарымен марапатталған. Оның есімі Қазақстанның алтын кітабына енген. Жоғарғы оқу орнын өркендетуге қосқан үлесі үшін жоғарғы және арнайы орта білім министрлігінің “Жұмыстағы ерекше жетістіктері үшін” белгісімен және ҚР білім және ғылым минстрлігінің “Білім озаты” белгісімен марапатталған. 2000 жылы Биография институты (АҚШ) “2000 жыл Әйелі” титулымен марапатталған. 2008 жылы «Астананың 10 жылдығы» медалымен марапатталды. 2009 жылы әл-Фараби атындағы ҚазҰУ-нің 75 жылдығына орай ғылым мен білімге қосқан орасан еңбегі үшін ерекше «Үлкен Алтын белгі» медалымен марапатталған.
Бүгін Майя Хажетдиновға 94 жас толатын еді, оның жарқын бейнесі ғылым жолында жүрген ғалымдардың, оқушыларының, бала-шағаларының жадында әрдайым сақталады. Жатқан жеріңіз жайлы болсын, Ұлы Ұстаз!