Әл-Фараби атындағы Қазақ ұлттық университетінің биология және биотехнология факультетінің Биотехнология кафедрасында Биоинженерия және биоматериалдар саласындағы жетекші маман, физика-математика ғылымдарының докторы, Elsevier академиялық баспасының 15 журналында еңбек сіңірген рецензент (TOP 10th PERCENTILE), СумМУ профессоры Александр Дмитриевич Погребняк жұмыс істейді. А.Д. Погребняк Scopus және Google Scholar мәліметтері бойынша Украинаның топ-10 ғалымдарының ішінде құрметті 8-ші орында. Scopus базасында h-индексі 47, h-Google Scholar базасында h- индексі - 53.

А.Д.Погребняк еңбек сіңірген профессор ретінде Украина Президентінің стипендиясына ие болды. 2022 жылы профессор А. Д. Погребнякқа Украина Президентінің Жарлығымен Украинаның еңбек сіңірген Ғылым және Техника қайраткері атағы берілді.

Қызмет ету барысында АҚШ, Германия елдерінің жетекші институттарында, сондай-ақ Жапония, Франция, Германия, Австралия, Италия, Финляндия, Польша, Оңтүстік Корея, Қытай, Греция, Қазақстан елдерінің ғалымдарымен жұмыс істеген. Профессор А.Д.Погребняк 65-тен астам мемлекеттік келісімшарттарды, шаруашылық келісімшарттарды, мемлекеттік тапсырыстарды, халықаралық гранттарды, ХҒТО (Халықаралық ғылыми-техникалық орталық), ҒТҚО (ғылыми-техникалық қызметтер орталығы) тапсырыстарын іске асырған.

Әл-Фараби атындағы Қазақ Ұлттық Университетінің биотехнология кафедрасында Лейбниц ауылшаруашылық ландшафтты зерттеу орталығының (Zalf) жетекші профессоры (Германия), СКОПУС-2019 мәліметтері бойынша "Top scientist of the year 2019" марапатының иегері, американдық микробиологтар қоғамының мүшесі, Қытай Ғылым академиясының академигі Егамбердиева Дильфуза Рустамовна жұмыс жасайды. Өсімдіктер биотехнологиясы бағытында жұмыс істейді, "Скопус" деректер базасында сілтеме индексі 3159, ал h-индексі 34 құрайды.

Бернард Файе (Bernard Faye), 1974 жылы Лион (Франция) ветеринарлық медицина мамандығының докторанты, 1980 жылы жануарларды тамақтандыру және эндокринология саласындағы MSci, 1995 жылы Париж университетінің докторы және 1998 жылы Монпелье университетінің HDR докторы дәрежесін алды. Ол агрономиялық зерттеулер бойынша халықаралық ынтымақтастық орталығында (CIRAD - Франция) мал шаруашылығы секторындағы жобалардың ғылыми жетекшісі және ФАО (Сауд Арабиясы, Марокко, Мавритания, Чад, Қазақстан) түйелер бойынша халықаралық сарапшы болып табылады.

Африка елдеріндегі сегіз жылдық тәжірибесінен кейін (Нигер, Эфиопия) "Мал шаруашылығындағы минералды жетіспеушілік эпидемиологиясы" тақырыбында 1995 жылы Жануарлар эпидемиологиясы бойынша докторлық диссертациясын қорғады (Париж университеті), содан кейін 1998 жылы Монпелье университетінің зерттеу тобын басқару біліктілігі мамандығы бойынша HDR дипломын алды.

Африка елдеріндегі зерттеулерінен кейін ол ұлттық агрономиялық зерттеулер институтына-INRA, Клермон-Феррон (Франция) экопатология зертханасында эпидемиолог ретінде қызмет атқарып, он жыл бойы осы зертхананы басқарды (тақырыбы: Сүтті мал шаруашылығы жүйелеріндегі аурулардың қауіп факторларын зерттеу).

1996 жылы ол CIRAD – Montpellier-де мал шаруашылығы бағдарламасының жетекшісі ретінде қызмет атқарды (1996-2007), ал 2010 - 2015 жылдар аралығында Сауд Арабиясындағы Хардж қаласы түйе шаруашылығы орталығында ФАО Халықаралық кеңесшісі болып қызмет атқарды. Осы уақыт ішінде ол Африка, Азия, Латын Америкасы және Океанияның 50-ден астам елінде көптеген сараптамалар жүргізді. 2016 жылдан бастап ФАО, ХЭБ, ДДСҰ және жеке сектор үшін тәуелсіз халықаралық түйе шаруашылығы бойынша сарапшы болып табылады.

Ол француз ветеринарлық академиясы және "Chevalier du mérite agricole" (ауыл шаруашылығы министрлігінің жоғары марапаты) үздігі белгісімен марапатталды. Сондай-ақ, ол 23 кітап пен тараулардың және 700-ден астам ғылыми жұмыстардың авторы. Б. Файе ISOCARD (халықаралық түйелерді зерттеу және дамыту қоғамының) негізін қалаушылардың бірі, осы қоғамның алғашқы төрағасы (2006-2009) және 2018 жылдан бастап қайтадан төраға болып сайланды.