«Құрмет иесі» марапатын табыстау. 2023 жылдың 13-ші желтоқсан күні Әл-Фараби атындағы ҚазҰУ-нің механика-математика факультетінде Есептеу ғылымдары және статистика кафедрасы мен Республикалық жанұялық «Игілік» журналының ұйымдастыруымен Тұрақты даму мақсаттарының (ЦУР) 11.2-пунктіне сәйкес «Құрмет иесі-4» Тұлғалар жинағының тұсаукесер-марапаты өтті.

Механика-математика факультетінде TIMES HIGHER EDUCATION IMPACT RANKINGS (17 ЦУР) рейтингінің «Салауатты өмір салты және игілік» атты 3-пунктіне сәйкес факультеттің 3 курс студенттері мен куратор-эдвайзерлері үшін «АИТВ: Фактілер, аңыздар мен алдын алу» атты дәріс ұйымдастырды.

2023 жылғы 21 қараша күні  «математика» мамандығының 1-2 курсында оқитын 50 студентімен бірге Ғабит Мүсірепов атындағы Қазақ Мемлекеттік Академиялық балалар мен жасөспірімдер театрына барып, Сайын Мұратбековтың «Жусан иісі» шығармасы бойынша сахналанған қойылымды көріп қайттық.

2023 жылдың 18 қарашасында Алматыда 11 жоғары оқу орнының техникалық мамандықтарында оқитын студенттер арасында Ш.Құдайбердіұлының 165 жылдығына, Сұлтанмахмұт Торайғыров 

пен Мағжан Жұмабайұлының 130 жылдығына арналған «Шәкәрім, Мағжан, 

Сұлтанмахмұт тағылымы» атты қалалық байқау өтті.

Қараша айының 17-жұлдызында қазақстандық спортшы, мемлекет қайраткері, Қазақстан Парламенті Мәжілісінің депутаты, ережесіз жекпе-жектен ҚР еңбек сіңірген спорт шебері, Азия, Еуропа құрылықтарының чемпионы, ережесіз жекпе жек бойынша әлемнің үш дүркін чемпионы Ардақ Назаров Ақпараттық технологиялар және Механика-математика факультеттерінің студенттері мен оқытушы-профессорлар құрамымен тағы кездесті.

Механика-математика факультетінің оқытушы-профессорлары 2023 жылғы қарашаның 16 күні университет деңгейінде өткен «Біз – Жаңа Қазақстан жастарымыз» байқауына барып, өнерпаз жастарымызға қолдау көрсетті. Мехматтың білімгерлері келесі номинациялар бойынша жүлделі ойындарды иеленіп, факультеттің атын көкке шығарып, сый-сыяпаттарға ие болды.

Халықаралық студенттер күні қарсаңында (15 қараша күні) механика-математика факультетінің деканы, ф.-м.ғ.д., профессор У.С.Әбдібеков бастаған оқытушы-ғалымдар, т.ғ.д., профессор Ш.А.Джомартова, ф.-м.ғ.к., профессор Т.Е. Елдесбай, ф.-м.ғ.д., профессор С.Т.Мухамбетжанов пен аға куратор Б.Қ.Әбенов №6 Студенттер үйінің тұрғындарымен «Біз де студент болғанбыз» атты кездесу өткізді. 

Қарашаның 14 күні механика-математика факультетінің студенттері кураторларымен бірге Ғ.Мүсiрепов атындағы Қазақ Мемлекеттiк академиялық Балалар мен жасөспiрiмдер театрына, белгiлi қырғыз жазушысы Шыңғыс Айтматовтың «Шынарым менiң, шырайлым менiң» повесiнiң негiзiнде сахналанған «Қызыл орамалды Шынарым» қойылымын тамашалап қайтты.

Механика-математика факультеті 2023 жылғы 13 қараша күні “INNOVERSE TALDYQORGAN” жеке меншік мектебінің өтініші бойынша аталмыш мектептің оқушыларымен ашық есік күнін өткізіп, кәсіби бағыттау жұмыстарын жүргізді және мектеп түлектерін университет кампусы мен мұражайларын аралатты.

10.11.2023 күні механика-математика факультеті деканының оқу-әдістемелік жұмыстар және тәрбие ісі жөніндегі орынбасары Ш.Ә.Джомартова мен аға куратор-эдвайзер Б.Қ.Әбенов кафедралардың аға кураторларымен және студенттік топтар кураторларымен кезекті бас қосу шарасын өткізді.