2023 жылы ақпан айының 24 күні «Биология және биотехнология» факультетінің оқытушылар құрамының ұйымдастыруымен оқушыларға кәсіби бағыт бағдар беруге арналған офлайн және онлайн форматта өткен «Ашық есік күні» өткізілді. Ашық есік күніне 10 мектептен 55 оқушы мұғалімдерімен келіп офлайн, 5 мектептен 30 оқушы қатысып кәсіби бағыт бағдар алып, университетіміз жайлы көптеген ақпараттармен танысып, факультетіміздегі мамандықтар бойынша білімдерін кеңейтті. Көкейінде жүрген сұрақтарын қойып, жауап алды.

Биоалуантүрлілік және биоресурстар кафедрасының кәсіби бағыт бағдар жұмыстарына жауапты, аға оқытушысы Джумаханова Г.Б.

Биоалуантүрлілік және биоресурстар кафедрасы 

www.kaznu.kz

2023 жылдың 24 ақпанында әл-Фараби атындағы Қазақ ұлттық университетінің биология және биотехнология факультеті биоалуантүрлілік және биоресурстар кафедрасының PhD-докторанты Амалова Ақерке Ықыласқызының философия докторы (PhD) дәрежесін алу үшін әл-Фараби атындағы ҚазҰУ диссертациялық кеңесінде «Екі ата-аналық карталанатын популяцияны пайдалану негізінде жұмсақ бидайдың өнімділік компоненттері мен дән сапасының сандық белгілер локустарын анықтау» тақырыбында диссертациялық жұмысы «6D060700 – Биология» мамандығы бойынша қорғалды.

Fылыми кенесшілер:

1.Туруспеков Ерлан Кенесбекович – профессор, Өсімдіктер биологиясы және биотехнологиясы институты, молекулалық генетика зертханасының меңгерушісі (Алматы қ., Казақстан);

2.Саймон Гриффитс – PhD, дәнді дақылдар генетикасы бөлімінің жоба жетекшісі, Джон Иннес орталығы (Норвич қ., Ұлыбритания).

Диссертациялық жұмыс заманауи әдістемелерді пайдалану арқылы жоғары деңгейде орындалды. Диссертациялық кеңес философия докторы (PhD) дәрежесін беруге бірауыздан дауыс берді. Биоалуантүрлілік және биоресурстар кафедрасының ұжымы А.Ы. Амалованы және ғылыми жетекшілерін құттықтап, толағай шығармашылық табыстар тілейді.

Биоалуантүрлілік және биоресурстар кафедрасы 

www.kaznu.kz

2023 жылдың ақпан айының 17-ші жұлдызында әл-Фараби атындағы Қазақ Ұлттық университеті, Биология және биотехнология факультеті, Биоалуантүрлілік және биоресурстар кафедрасының PhD докторанты Шарахметов Саят Ермұханбетұлының «8D08401 - Балық шаруашылығы және өнеркәсіптік балық аулау» мамандығы бойынша философия докторы (PhD) дәрежесін алу үшін үшін ұсынылған «Алакөл бассейніндегі балықтардың қауымдастығы және олардың популяцияларының жағдайы» тақырыбындағы диссертациясын сәтті қорғады. Бұл осы мамандық бойынша Республика аймағында қорғалған тұңғыш диссертация.

Қорғауға диссертациялық кеңестің 12 мүшелері, 2 ресми рецензент, отандық ғылыми жетекшісі биоалуантүрлілік және биоресурстар кафедрасының қауымдастырылған профессоры, б.ғ.к. Мамилов Надир Шамилевич және шетелдік ғылыми жетекшісі РҒА «И.Д. Папанин атындағы Ішкі суқоймалар биологиясы институтының» жетекші ғылыми қызметкері, б.ғ.к., Лёвин Борис Александрович (Борок, Ресей) қатысты. Қорғау сәтті өтті және диссертациялық кеңес құрамы диссертациялық жұмысты өте жоғары бағалап, Саят Ермұханбетұлы Шарахметовке бірауыздан философия докторы (PhD) дәрежесін беруге шешім қабылдады.

Биоалуантүрлілік және биоресурстар кафедрасының ұжымы С.Е. Шарахметовты және ғылыми жетекшілерін құттықтап, шығармашылық табыстар мен өркендеуді тілейді.

Биоалуантүрлілік және биоресурстар кафедрасы 

www.kaznu.kz

2023 жылы 27 қаңтарда әл-Фараби атындағы атындағы Қазақ Ұлттық университеті, Биология және биотехнология факультеті, Биоалуантүрлілік және биоресурстар кафедрасының PhD докторанты «6D061300 - Геоботаника» мамандығы бойынша философия докторы (PhD) дәрежесін алу үшін ұсынылған Оразов Айдын Ерғалиұлының «Шығыс Қазақстан жағдайындағы сирек және эндем Ледебур бадамы (Amygdalus ledebouriana Schlecht.) өсімдік түрінің популяцияларының жағдайын зерттеу» тақырыбындағы диссертациясын сәтті қорғады. Қорғауға диссертациялық кеңестің 12 мүшелері, 2 ресми рецензент, отандық ғылыми жетекшілері биоалуантүрлілік және биоресурстар кафедрасының профессоры, б.ғ.д. Мұхитдинов Наштай Мұхитдинович және б.ғ.к., профессор Тұрыспеков Ерлан Кенесбекович. Шетелдік ғылыми жетекшісі Дебрецен университетінің профессоры, PhD Шрамко Габор (Дебрецен, Венгрия) қатысты. Қорғау сәтті өтті және диссертациялық кеңес философия докторы (PhD) дәрежесін беруге 100% бірауыздан қолдап дауыс берді. Биоалуантүрлілік және биоресурстар кафедрасының ұжымы А.Е. Оразовты және ғылыми жетекшілерін құттықтап, толағай табыстар тілейді.

Биоалуантүрлілік және биоресурстар кафедрасы 

www.kaznu.kz

ҚР РҒА академигі, биология ғылымдарының докторы, профессор Қ. а. Сапаровтың 80 жылдығына арналған "биология ғылымдарын дамытудың инновациялық аспектілері"тақырыбындағы халықаралық дөңгелек үстел 

2022 жылғы 1 желтоқсанда "әл-Фараби атындағы Қазақ ұлттық университеті" биология ғылымдарының докторы, ҚР ҰҒА құрметті академигі, РҒА академигі, профессор Қуандық Әбенұлы Сапаровтың 80 жылдығына арналған "биология ғылымдарын дамытудың инновациялық аспектілері" атты дөңгелек үстел өтті. Конференцияда биоалуантүрлілік пен экологияны сақтау мәселелері қаралды. Ауаның, топырақтың және судың ластануы, өсімдіктер мен жануарлар әлемінің түрлерін сақтау қазіргі уақытта өзекті тақырып болып табылады. Осыған байланысты биоэкология саласында ауқымды конференция өткізілді.

 Дөңгелек үстелге әл-Фараби атындағы ҚазҰУ және басқа университеттердің оқытушылары, ғылыми қызметкерлері, докторанттар, магистранттар, студенттер қатысты. Барлығы 46 адам.

Шақырылған қонақтар: ҚР Ұлттық Инженерлік академиясының академигі, ҚР жоғары оқу орындары қауымдастығының президенті, "Тұран" университетінің ректоры э.ғ. д., профессор Алшанов Рахман Алшанұлы, Винсент Чан, БАӘ Халифа университетінің биомедициналық инженерия профессоры (Vincent Chan, Khalifa University).

Дөңгелек үстел барысында ҚР ҰҒА академигі, биология және биотехнология факультетінің деканы, б.ғ. д., профессор Заядан Болатхан Қазыханұлы, биоалуантүрлілік және биоресурстар кафедрасының меңгерушісі, б.ғ. д., профессор Курманбаева Меруерт Сакеновна, сол кафедраның профессорлары: б.ғ. д.профессор Нуртазин Сабыр Темиргалиевич және б. ғ. д., профессор Шалахметова Тамара Минажевна сөз сөйледі. әл-Фараби атындағы ҚазҰУ биофизика және биомедицина кафедрасының профессоры, б.ғ. д.Тулеуханов Султан Тулеуханович, Абай атындағы "Қазақ ұлттық педагогикалық университеті профессоры б.ғ. д., Тунгушбаева Зина Байбағысқызы және басқа да қонақтар ғалым және педагог Қ. Ә. Сапаровтың ҚР-дағы биология ғылымы мен білім беруді дамытуға қосқан зор үлесін атап өтті

Дөңгелек үстел барысында Сапаров Қуандық Әбенұлының өмірі мен шығармашылығына арналған "Ғибратты ғұмыр" кітабының тұсаукесері өтті. Бұл ретте әл-Фараби атындағы ҚазҰУ-да басылымның Жастарға, ұрпақтар сабақтастығына тәрбиелік маңыздылығы атап өтілді.

Биоалуантүрлілік және биоресурстар кафедрасы 

www.kaznu.kz

Республика күні қарсаңында ҚазҰУ Басқарма Төрағасы-Ректоры, филол.ғ. д., профессор Ж. Қ. Түймебаев биоалуантүрлілік және биоресурстар кафедрасының доценті, ұлағатты ұстаз Абибулла Аметұлын, "Ерен еңбегі үшін" төсбелгісімен марапаттады. Кафедра ұжымы Абибулла Аметұлын "Ерен еңбегі үшін" төсбелгісімен шын жүректен құттықтайды ! Сізге зор денсаулық, отбасылық бақыт, үлкен шығармашылық табыс және ғылыми жетістіктер тілейді!

Биоалуантүрлілік және биоресурстар кафедрасы

www.kaznu.kz

2022 жылы 30 қыркүйекте әл-Фараби атындағы атындағы Қазақ Ұлттық университеті, Биология және биотехнология факультеті, Биоалуантүрлілік және биоресурстар кафедрасының PhD докторанты «6D061300 - Геоботаника» мамандығы бойынша философия докторы (PhD) дәрежесін алу үшін ұсынылған Чилдибаева Асел Жумагуловна «Іле және Шарын өзендерінің жайылмасында сирек кездесетін, эндемдік Rosa iliensis Chrshan. өсімдігінің популяцияларының қазіргі жағдайын зерттеу» тақырыбындағы диссертациясын сәтті қорғады. Қорғауға диссертациялық кеңестің 12 мүшелері, 2 ресми рецензент, отандық ғылыми жетекшісі биоалуантүрлілік және биоресурстар кафедрасының доценті, б.ғ.к. Аметов Абибулла Аметович және шетелдік ғылыми жетекшісі Анадолу университетінің профессоры, PhD Гүлмира Өзек (Ескишехир, Түркия) қатысты. Қорғау сәтті өтті және диссертациялық кеңес философия докторы (PhD) дәрежесін беруге 100% бірауыздан қолдап дауыс берді. Биоалуантүрлілік және биоресурстар кафедрасының ұжымы А.Ж. Чилдибаева мен ғылыми жетекшілерін құттықтап, толағай табыстар тілейді.

Биоалуантүрлілік және биоресурстар кафедрасы

www.kaznu.kz 

2022 жылдың 22 қыркүйек айында Әл-Фараби атындағы атындағы Қазақ Ұлттық университеті, Биология және биотехнология факультеті, Биоалуантүрлілік және биоресурстар кафедрасының PhD докторанты «6D060700 - Биология» мамандығы бойынша философия докторы (PhD) дәрежесін алу үшін ұсынылған Жумагул Молдир Жакыпжановнаның «Жойылып бара жатқан Rhodiola rosea L. популяциясының экоморфологиялық және молекулалық-генетикалық сипаттамасы» тақырыбындағы диссертациясын сәтті қорғады. Қорғауға диссертациялық кеңестің 12 мүшелері, 2 ресми рецензент, отандық ғылыми жетекші Биоалуантүрлілік және биоресурстар кафедрасының меңгерушісі, б.ғ.д., профессор Курманбаева Меруерт Сакеновна және шетелдік ғылыми жетекші Венгрия ауыл шаруашылығы және жаратылыстану ғылымдары университетінің профессоры Мария Хен (Будапешт, Венгрия) қатысты. Қорғау сәтті өтті және диссертациялық кеңес философия докторы (PhD) дәрежесін беруге 100% бірауыздан жақтап дауыс берді. Биоалуантүрлілік және биоресурстар кафедрасының ұжымы Жумагул М.Ж. мен ғылыми жетекшілерін құттықтап, толағай табыстар тілейді.

Биоалуантүрлілік және биоресурстар кафедрасы 

www.kaznu.kz

Биоалуантүрлілік және биоресурстар кафедрасының зоология пәнінің оқытушысы және докторанты, әрі Зоология институтының кіші ғылыми қызметкері Назерке Бижанова ИЫҰ (Ислам Ынтымақтастығы Ұйымы) 4-ші Атқарушы Модельді конференциясына қатысты. ИЫҰ моделі лекциялар мен семинарларды, халықаралық симуляциялық конференцияны қамтыды және ресми жабылу рәсімімен аяқталды.

«Аймақтық даму мен қауіпсіздікке қол жеткізу үшін халықаралық ынтымақтастықтың маңыздылығы» тақырыбында өткен ИЫҰ 4-ші Атқарушы моделінің 5 күндік халықаралық симуляциялық конференциясына 30-дан астам елден 100-ден астам жас өкілдер қатысты. Әзербайжандағы ИЫҰ-ға мүше елдерден – Палестина, Пәкістан, Қазақстан, Марокко және Алжирдің елшілері, сондай-ақ ICYF Еуразиялық аймақтық орталығының (ICYF-ERC) бас директоры Эльмаддин Мехдиев мырза және Әзірбайжан Республикасының спорт саласы және жастар министрлігінің министр орынбасары Фархад Гаджиев мырза және басқа да көптеген халықаралық ғалымдар жобаның онлайн-дәрістері мен конференцияларына қатысып, ұлттық даму, халықаралық ынтымақтастық, тұрақты даму және экологиялық проблемалар сияқты маңызды мәселелерді талқылады. Дәрістер барысында Қазақстанның Әзербайжандағы Елшісі Сержан Әбдікәрімов мырза Қазақстан тәуелсіздігінің 30 жылдығы туралы айтты, біздің жылдар бойғы күш-жігеріміз туралы және біз қаншалықты алға жылжығанымызды, бүгінгі күнде прогресс пен орнықты даму дәуіріне елімізді айналдырғанымыз туралы сөйледі.

Жобаны ICYF-ERC Әзірбайжан Республикасы Жастар және спорт министрлігімен (https://icyf-erc.org/, https://www.facebook.com/icyferc/ және www.mys.gov.az) серіктестікте ұйымдастырды.

Назерке Бижанова және тағы бірнеше қатысушылар жобадағы белсенділіктері мен үздік көрсеткіштері үшін марапатталды.

ҚазҰУ-дың Биоалуантүрлілік және биоресурстар кафедрасы және Биология және биотехнология факультеті әл-Фараби Назерке Бижанованы құттықтайды және болашақта жаңа табыстар тілейді!

Биоалуантүрлілік және биоресурстар кафедрасы 

www.kaznu.kz 

СОVID-19 пандемиясына қарсы жалғасып келе жатқан карантинге байланысты биоалуантүрлілік және биоресурстар кафедрасы Тәуелсіздігіміздің 30 жылдығына арналған Түлектер күнін қашықтықтан өткізді.

Онлайн іс-шараға шамамен 30 адам қатысты, оның ішінде биология және биотехнология кафедрасы мен факультетінің түлектері.

Факультет деканы, б.ғ. д., профессор Заядан Б. К. іс-шараға қатысқан барлық түлектерді құттықтады. Деканның айтуынша, кафедра профессорлары-біздің университеттің мақтанышы және биоалуантүрлілік және биоресурстар кафедрасын дамытуға одан әрі өз үлестерін қосуға үндеу жасады.

Іс-шараның модераторы және биоалуантүрлілік және биоресурстар кафедрасының меңгерушісі, б.ғ.д. Құрманбаева М. С. да өз құттықтауларын айтып, кафедраның болашақ түлектеріне барлық жақсылықтарды тіледі. Кейін қатысушылар университеттің әнұранын тыңдап, ҚазҰУ ректорының құттықтауларын тыңдады. Әл-Фараби атындағы Қазақ ұлттық университеті, ф.ғ.д., профессор Түймебаев Ж.Қ және Қазақстан Республикасы Конституциялық Кеңесінің Төрағасы, Түлектер Қауымдастығының Президенті атынан әл-Фараби атындағы ҚазҰУ, з.ғ.д., профессор Мәми Қ. А.

Негізгі бөлімде кафедра жетістіктерімен видеоролик көрсетілді – жылыжайлар (Smart Green House), Жолдасбеков атындағы студенттер сарайында орналасқан «Қысқы бақ көрсетілді», «Аквапоника» (университет аумағындағы жасанды су айдыны), «Балықтар мен өсімдіктердің сәндік түрлерін өсіру орталығы» ҒЗО, кафедра жүргізетін ландшафтық және басқа да жұмыстар. Видеоролик факультет пен кафедра түлектерінің зор үміт артып отырған баяндамаларымен жалғасты. Бірінші кезекте репродуктолог-эмбриолог, биология ғылымдарының докторы, Қазақстан репродуктивті медицина қауымдастығының вице-президенті, Бүкіләлемдік репродуктивті медицина қауымдастығының (WARM) мүшесі, Адамдардың Еуропалық қауымдастығының мүшесі Репродукция және эмбриология, Ресейлік репродукция ассоциациясының мүшесі, ҚР Президенті жанындағы әйелдер істері және отбасылық-демографиялық саясат жөніндегі ұлттық комиссияның мүшесі С.Б Байкошкарова сөз сөйледі. Одан кейін Қазақстан Республикасының әл-Фараби атындағы ғылым және техника саласындағы 2015 жылғы Мемлекеттік сыйлығының лауреаты С.Р. Темірханов сөз сөйледі. Биология ғылымдарының докторы, Қазақстан Республикасы Білім және ғылым министрлігі Ғылым комитеті Зоология институтының бас директоры Р.В Ященко. Сонымен қатар биология ғылымдарының кандидаты, Гидробиология және экология институтының бас директоры М.Т.Баймуханов, биология ғылымдарының кандидаты, зоология институты бас директорының орынбасары М.А.Чирикова, техника ғылымдарының кандидаты, зоология институтының ғылыми хатшысы С.К.Хасенова, кафедрамыздың аға оқытушысы докторант А.Ж Чилдибаева, кафедрамыздың биология ғылымдарының кандидаты Н.С.Сапаргалиева сөз сөйледі. Бейнероликті Лотарингия университетіндегі (Франция) Абай-Верн бағдарламасы бойынша магистратураны бітіріп қос диплом алып , қазіргі таңда кафедрамыздың докторанты Б.Т Бердикулов аяқтады. Онлайн іс-шараның қорытынды бөлімінде факультеттің түлектері: С.Р. Темірханов, С.К.Хасенова, Н.С.Сапаргалиева, А.Ж Чилдибаева, Б.Абырой, М.Мамырбай, Б.Т Бердикулов және уақыт айырмасына қарамастан Германияның Бонн университетінде магистратура дәрежесі бойынша білім алып оқып жатқан түлегіміз Тұрысбек Бексұлтан сөз сөйледі. Онлайн қарым-қатынас қызу өтті, қатысқан түлектер риза болды. Соңында кафедра меңгерушісі М.С. Құрманбаеваның құттықтау сөзінен кейін, іс-шараға қатысушылар университет дайындаған "ҚазҰУтүлектерінің қоштасу вальсін" тамашалады.

Кафедраның ең ірі онлайн іс-шарасын ұйымдастырушылар: кафедра меңгерушісі Курманбаева М. С. (модератор), жас оқытушы Тілешова М. (бас ұйымдастырушы) . Биоалуантүрлілік және биоресурстар кафедрасының оқытушысы

Тілешова М.Т

Биоалуантүрлілік және биоресурстар кафедрасы 

www.kaznu.kz