2023 жылдың 24 ақпанында 1 курс студенттерімен эдвайзер Әліпқызы Раминамен бірге «Қоғам және оның қиындықтары» тақырыбында дөңгелек үстел өткізілді. Бұл іс-шара тәрбиелік сипатта болды, оның аясында қазақстандық қоғамның, атап айтқанда, жастардың өзекті мәселелері қозғалды, сонымен қатар талқылау және олардың ең ұтымды шешімдері болды. Дөңгелек үстел әл-Фараби атындағы Қазақ ұлттық университетінің халықаралық қатынастар факультетінің 1-4 курс студенттеріне арналған. 

"Халықаралық құқық" білім беру бағдарламасының 3 курс студенттері Сүлейман Демирел атындағы университет пен "Synergy Partners" Заң фирмасы бірлесіп ұйымдастырған жыл сайынғы Республикалық құқықтық турнирде 1 орын иеленіп жеңімпаздары атанды.

әл-Фараби атындағы Қазақ ұлттық университетінің профессоры,  дипломатиялық аударма кафедрасының меңгерушісі Сейдикенова Алмаш Смайылқызы Францияның Пуатье университетінде Эразмус бағдарламасы аясында Франция, Албания, Польша, Хорватиядан келген  оқытушы- профессорлар құрамы мен магистрант, докторанттарға "Жаңа  Қазақстандағы тіл саясаты" тақырыбында көшбасшылық дәріс оқыды. 

Бейсенбі, 16 ақпан күні БҰҰ-ның Алматыдағы өкілдігінде БҰҰ-ның Қазақстандағы алғашқы өкілдігінің ашылу күніне арналған "БҰҰ-ның Қазақстандағы 30 жылы: жастардың көз-қарасы" атты дөңгелек үстел өткізілді. Іс-шараны Алматы қаласындағы жаһандық коммуникациялар департаментінің өкілдігі және әл-Фараби атындағы ҚазҰУ жанындағы БҰҰ туралы Академиялық аймақтық ресурстық-ақпараттық орталығы ұйымдастырды.

17 ақпан күні сағат 11:30-да халықаралық қатынастар факультетінде Германия Федеративтік Республикасының Алматы қаласындағы Бас консулы Марио-Инго Зоостың «Қазіргі кезеңдегі Қазақстан-Германия қарым-қатынастары» тақырыбындағы жария дәрісі өтті. 

10 ақпан, жұма күні Халықаралық қатынастар факультетінде әл-Фараби атындағы ҚазҰУ жанындағы БҰҰ туралы академиялық Аймақтық ресурстық-ақпараттық орталығының ұйымдастыруымен ғылымдағы әйелдер мен қыздар халықаралық күніне арналған панельдік пікірталас өткізілді. Халықаралық дөңгелек үстел аясында ТДМ (тұрақты даму мақсаттары) – 4, 5, 9,10 және 17 қарастылды.

2023 жылғы 7 ақпанда  әл-Фараби атындағы Қазақ ұлттық университетінің Халықаралық қатынастар факультетінің Дипломатиялық аударма кафедрасы "Шет тілдерін оқытудағы ұлттық құндылықтардын ұсыну ерекшеліктері: Қазақстандық және шетелдік тәжірибе" атты дөңгелек үстел өткізеді. 

Жұма, 27 қаңтарда халықаралық қатынастар факультетінде Әл-Фараби атындағы ҚазҰУ жанындағы БҰҰ туралы Академиялық аймақтық ресурстық-ақпараттық орталығының Халықаралық білім күніне арналған пікірталас үстелі болып өтті.

Қазақстан Республикасының Сыртқы істер министрлігі Әл-Фараби атындағы Қазақ ұлттық университетінің ғалымы Мәшімбаева Гүлмира Амангелдіқызын «Дипломатиялық қызметке – 30 жыл» медалімен марапаттады. Ғалымға атаулы марапатты ҚР СІМ Алматы қаласы өкілдігінің басшысы Бақытжан Бөлегенов табыстады.

2023 жылдың қаңтар айының 25 жұлдызында Францияның Гавр университетінің мәдени, тұрақты даму және әлеуметтік жауапкершілік жөніндегі проректоры, т.ғ.д., профессор Жан-Ноэль Касторио (Jean-Noël Castorio) мен Іргелі құқықтар, халықаралық алмасулар және теңіз құқықтарын зерттеу лабораториясының (LexFeim) директоры, Әл-Фараби атындағы ҚазҰУ «Еуропалық құқық» ғылыми орталығының тең құрылтайшысы, с.ғ.д., профессор Пьер Шабаль (Pierre Chabal) халықаралық қатынастар факультетіне іс-сапармен келді.