10 ақпан, жұма күні Халықаралық қатынастар факультетінде әл-Фараби атындағы ҚазҰУ жанындағы БҰҰ туралы академиялық Аймақтық ресурстық-ақпараттық орталығының ұйымдастыруымен ғылымдағы әйелдер мен қыздар халықаралық күніне арналған панельдік пікірталас өткізілді. Халықаралық дөңгелек үстел аясында ТДМ (тұрақты даму мақсаттары) – 4, 5, 9,10 және 17 қарастылды.

  Халықаралық панельдік пікірталас факультет басшылығының, Алматыдағы БҰҰ Жаһандық коммуникациялар департаментінің өкілі – Властимил Самектің және Орталық Азия мен Ауғанстанға арналған "Spotlight Initiative" өңірлік бағдарламасының коммуникациялар жөніндегі үйлестірушісі, БҰҰ ҚӨК – Олеся Журавлеваның қатысуымен өтті.

Панельдік пікірталас аясында гендерлік теңсіздікті және әйелдердің Қазақстандағы және әлемдегі ғылымдағы рөлін қозғайтын өзекті мәселелер бойынша 2 баяндама ұсынылды. Іс-шара достық атмосферада өтті, онда барлық қатысушылар әйелдердің ғылымдағы өзекті мәселелері мен жетістіктері туралы әңгімелесу мүмкіндігін пайдаланды. Қатысушылар мен шақырылған қонақтар арасында қызықты пікірталас өткізілді.

Іс-шара қорытындысы бойынша "Үздік баяндама" және "Үздік пікірталасшы" номинацияларына қатысқаны үшін электрондық сертификаттар мен грамоталар жіберілді.