2023 жылдың 29 қыркүйегінде әл-Фараби атындағы ҚазҰУ-дың Философия және саясаттану факультетінде Тұрақты даму мақсаттарын жүзеге асыру аясында саясаттанушылар, конфликтологтар, әлеуметтанушылар, мәдениеттанушылар және дінтанушыларға арналған «Коммуникацияны тиімді басқару» тақырыбында семинар-тренинг өтті. Іс-шара Алматы қалалық Қоғамдық даму басқармасының қаржылық қолдауымен өтуде. Спикер: Алматы қаласының Азаматтық Альянсы төрағасы Әбдіхалықов Қайыржан Саясатұлы. Шақырылған қонақ дәріскер: саясаттанушы Қаражанов Замир Ануварович. 

Әл-Фараби атындағы Қазақ ұлттық университеті, философия және саясаттану факультетінің 11 студенті халықаралық академиялық ұтқырлық бағдарламасы аясында шетелдің іргелі оқу орындары Польша мемлекетінің Варшава университеті мен Познани қаласында орналасқан Адам Мицкевич университетіне білім алуға мүмкіндік алды.

Қыркүйек айы тез ұшып өтті, бірақ көптеген «жаңа» студенттердің университеттік өмірге бейімделу процестері қызып тұр. Балаларға жаңа ортаға, күн тәртібіне, оқу процесіне үйренуге тура келеді, бұл әрдайым оңай бола бермейді. Көптеген бірінші курс студенттері үшін – бұл ата-аналарынан алыс өз бетінше өмір сүрудің алғашқы елеулі тәжірибесі. 

25 қыркүйекте Философия және саясаттану факультетінде «Мінез акцентуациялары және коммуникация» 1 курс кураторларына арналған оқыту семинары өтті. Мұндай семинарлардың негізгі мақсаты – куратор-мұғалімдерге көмектесу, студенттермен жұмыс істеуде қолдана алатын психологиялық білімдер мен құралдармен қамтамасыз ету. Жасыратыны жоқ, кешегі мектеп оқушылары үшін университетке бейімделу оңай емес. Көптеген балалар үшін университетте оқу тәуелсіз өмірдің алғашқы тәжірибесі болып табылады. Дәл осы кезеңде бірінші курс студенттеріне психологиялық қолдау мен көмек қажет.

Тұрақты дамудың бейбітшілік,әділдік және тиімді институттар құру мақсаты аясында 24-ші қыркүйек Мәуліт мерекесі өтті. Мәуліт мерекесіне орай Алматы қаласы Республика сарайында республикалық "Ізгілік жаршысы-Мұхаммед" атты рухани мәуліт іс шара кеші өтті.

Философия және саясаттану факультетінің ұжымы Патрис Лумумба атындағы Ресей халықтары достығы университеті делегациясы құрамындағыРесей Федерациясының еңбек сіңірген ғылым қайраткері, Патрис Лумумба атындағы Ресей халықтары достығы университеті ректорының ғылыми жұмыс жөніндегі кеңесшісі, белгілі ғалым, философия ғылымының докторы, профессор Нұр Серікұлы Қирабаевпен кездесіп, әріптестік қатынастарды одан әрі арттыру бойынша пікір алмасты.     

13.09.2023 ж. әл-Фараби атындағы ҚазҰУ Студенттік қалашық әкімшілігі қызметкерлерінің ұйымдастыруымен №9 студенттер үйінде тұратын философия және саясаттану факультетінің бірінші курс студенттерімен жиналыс болып өтті. Жиналысқа Бостандық АПБ полиция қызметкері В.Б. Сисенова, педагог-психолог Т.А. Мейрамбекұлы, факультет деканы орынбасары Ө.А. Өмірбекова, студенттік қалашық қызметкерлері Е.Т. Қалшаев, Б.Б.Дихан, Б.Б.Сатылғанова, Қ.Оразханқызы қатысты. Студенттерді Ар-намыс кодексімен, студенттер үйінде тұру ережелерімен таныстырып көкейтесті сұрақтарына түсініктемелер берілді.

08.09.2023 Философия және саясаттану факультеті,саясаттану және саяси технологиялар кафедрасы аға оқытушысы саясаттанушы-конфликтолог Ахмаганбетов Руслан Муханбеткалиұлы бастамасымен "Тұрақты даму және жер мәселесі" тақырыбында тікелей эфир өткізілді.

07.09.2023 күні Әл-Фараби атындағы Қазақ ұлттық университеті философия және саясаттану факультетінің деканы, қауымдастырылған профессор Б.Б. Мейрбаев Иран Ислам Республкасының Алматы қаласындағы Бас Консулдығының Мәдени кеңесшісі Хусейн Ағазадемен кездесу өткізді. Шараға дінтану және мәдениеттану кафедрасының меңгерушісі А. Д. Құрманалиева, деканның ғылыми-инновациялық қызмет және халықаралық байланыстар жөніндегі орынбасары А.Б. Альчимбаева және професорлық-оқытушылар құрамы қатысты.

16.08.2023 - 18.08.2023 әл-Фараби атындағы Қазақ Ұлттық университетінде «Интегративті қолданбалы психологияның негіздері мен технологиялары» тақырыбында VII Халықаралық жазғы психология мектебі өтуде.