Әл-Фараби атындағы Қазақ ұлттық университетінің философия және саясаттану факультеті Философия кафедрасы және Әл-Фараби орталығының ұйымдастыруымен ІІІ Қазақстандық философиялық конгресс аясында Ағын Хайроллаұлы Қасымжановтың 90 жылдығына және Қазақстан Республикасы Тәуелсіздігінің 30 жылдығына арналған «Ағын Қасымжанов – ғалым-философ, фарабитанушы» атты халықаралық дөңгелек үстел өтті.
Әл-Фараби атындағы Қазақ ұлттық университеті философия және саясаттану факультетінің дінтану және мәдениеттану кафедрасы мен әл-Фараби орталығы және «Қазақстан мұсылмандары діни басқармасы» республикалық ислам діні бірлестігі, сондай-ақ Ахмет Ясауи университетінің әлеуметтік-гуманитарлық ғылымдар факультеті және теология факультетінің ұйымдастыруымен 2021 жылдың 16 қарашасында философия ғылымдарының докторы, профессор Орынбеков Мұханмадияр Серікбекұлының 75 жылдығы және Халықаралық толеранттылық күніне арналған «Дінтанудағы қазіргі заман тенденциялары. Постнормальды кезең мәселелері: антропологиялық дискурс» атты халықаралық ғылыми-практикалық конференцияға өтті.
Әл-Фараби атындағы Қазақ ұлттық университетіне қысқа мерзімді бағдарламалар аясында философия ғылымдарының докторы, профессор, Қалмақ мемлекеттік университетінің (Ресей Федерациясы) философия және мәдениеттану кафедрасының меңгерушісі Валерий Николаевич Бадмаев шақырылды. Ол 15.11.2021 ж. бастап 12.12.2021 ж. аралығында дінтану және мәдениеттану кафедрасында «Буддизм философиясы және мәдениеті» дәрістерін оқып, студенттер мен магистранттардың немесе PhD докторанттар контингентіне кеңес береді.
2021 жылғы 27 қазанда Ресейдің Тұңғыш Президенті Б.Н. Ельцин атындағы Урал федералдық университетінің базасында әл-Фараби атындағы Қазақ ұлттық университетімен бірлесе отырып, «Жастардың инновациялық әлеуеті: спорт, мәдениет, білім» халықаралық жастар ғылыми-зерттеу конференциясы өтті.
Мемлекет басшысының тапсырмасына сәйкес 2021-2022 оқу жылында барлық санитарлық-эпидемиологиялық нормаларды сақтай отырып, дәстүрлі білім беру жүйесі қамтамасыз етіледі.
Философия және саясаттану факультетінде білім беру сапасын жоғарылату, жаңашылдыққа негізделген бағдарламаларды айқындау, озық тәжірибелермен бөлісу және оқытушыларды ынталандыру мақсатында, профессор-оқытушы құрамның арасында «Оқу үдерісін үздік әдістемелік қамтамасыз ету» бағытында конкурс өткізілді.
2021 жылдың 16 маусымында сағат 11:00-де COVID-19 қарсы вакцина алуға байланысты Әл-Фараби атындағы ҚазҰУ Медицина және денсаулық сақтау факультеті мамандарымен бірге Философия және саясаттану факультеті оқытушылары мен білім алушыларына түсіндірме-кездесу болды. Қызығушылық танытып, толғандырған сұрақтарына жауап алғысы келген барлық оқытушылар мен білім алушылар қатысты. Баршаны толғандыратын сұрақтар қойылып, кәсіпқой мамандардан нақты, дұрыс жауаптар алынды. Ұжымдық иммунинет қалыптастырып, қалыпты өмірге қайта оралуға тағы да бір игі қадам жасалды.
Әл-Фараби атындағы Қазақ ұлттық университеті, философия және саясаттану факультеті онлайн режимінде «Түлектер күні – 2021» кездесуін өткізді. Кездесуге философия және саясаттану факультетін бітірген түлектер, сонымен қатар факультет оқытушылары қатысты. Кездесуді факультет деканы м.а., философия ғылымдарының кандидаты, доцент Өмірбекова Әлия Өмірбекқызы жүргізді.
«Қазақ философиясы – Тәуелсіз Қазақстанның жаңғыруының негізі» атты республикалық бейнебаян байқауы 14.04.2021 -06.05.2021 аралығында өтті.
Дінтану және мәдениеттану кафедрасы ұжымы мен кафедраның мәдениеттану мамандығында оқитын бакалавриат, магистратура, докторантура бөлімінің студенттері мен жас ғалымдары Алматы галереясында өтіп жатқан қазақстандық танымал суретші Анар Әбжанованың «Көктүстің 50 реңі» атты көрмесінде болды.
