05.10.2022 ж. факультет деканы Б.Б. Мейрбаев пен дінтану және мәдениеттану кафедрасының меңгерушісі А.Д. Курманалиева Түркия Республикасының Алматы қаласындағы бас консулдығының Дін істері жөніндегі атташелігі Дін істері жөніндегі Атташе Эмруллаһ Үзүм мырза мен Түркия Республикасының Дианет қорының Орталық Азиядағы координаторы Осман Түрікпен кездесу өткізді. Кездесу барысында факультетте Қысқы мектеп өткізу туралы жоба тақыланды.
2022 жылдың 17 қазан күні Философия және саясаттану факультетінің Дінтану және мәдениеттану кафедрасы Alternative Perspectives and Global Concernes орталығымен бірге «Splendour (Hod)» Қазақстаннан келген көзқарастар» тақырыбында халықаралық вебинар өткізді. Вебинарлардың спикерлері: Мандевиль академиясының профессоры Рико Снеллер (Нидерланды), профессор Amira Fayyad (Египет).
11.07.2022 ж. PhD доктор, Канзас мемлекеттік университетінің (АҚШ) профессоры Джонатан Махоней әл-Фараби атындағы ҚазҰУ философия және саясаттану факультетіне келді. Профессор Махоней факультет деканының ғылыми-инновациялық қызмет және халықаралық ынтымақтастық жөніндегі орынбасарымен Аликбаева Маржан Башановнқызымен және дінтану және мәдениеттану кафедрасының меңгерушісі Құрманалиева Айнұр Дүрбеленқызымен кезедсті. Кездесу барысында білім беру саласындағы ынтымақтастық, бірлескен ғылыми зерттеулер жүргізу және т.б. мәселелер талқыланды.
05.05.2022 ж. Әл-Фараби атындағы Қазақ ұлттық университеті, философия және саясаттану факультеті дінтану және мәдениеттану кафедрасының докторанттары Ержанов Еркебулан, Осербаев Елдос, Құрманбек Ақайдар және Канагатов Манат Анкара қаласы мәдениет басқармасының ұйымдастыруымен өткен “Түркі халықтары мәдениетіндегі отбасылық құндылықтар” атты халықаралық конференцияға қатысты.
20 сәуірде мәдениеттану мамандығының магистранттары Ықылас Дүкенұлы атындағы музыкалық аспаптар мұражайына барды. Нағыз қазақ қазақ емес, нағыз қазақ - домбыра. Дәстүрлі музыкалық аспапқа мұндай құрметпен қараудың да өзіндік себебі бар.
2022 жылы 7 сәуірінде Философия, саясаттану және дінтану институтында Қазақстандық Философиялық Конгрестің және әл-Фараби ат. ҚазҰУ-дың философия және саясаттану факультеті дінтану және мәдениеттану кафедрасы «Қазақтану» орталығының ұйымдастыруымен болашақ жаңа Қазақстанға қандай философияның қажет екендігі туралы халықаралық дөңгелек үстел өткізілді.
Әл-Фараби атындағы Қазақ ұлттық университетінде I халықаралық Фараби форумының ашылу салтанаты өтті. Ауқымды шара Екінші ұстаз атанған ғұлама ескерткішіне гүл шоқтарын қоюмен басталды. Оған Әл-Фараби атындағы ҚазҰУ-дың Басқарма Төрағасы – Ректор Жансейіт Түймебаев, Өзбекстан Республикасының Алматыдағы бас консулы Аброр Фатхуллаев және белгілі фарабитанушы ғалымдар, этномәдени орталық өкілдері қатысып, баба рухына тағзым етті.
Халықаралық әйелдер күні қарсаңында Әл-Фараби атындағы ҚазҰУ Философия және саясаттану факультетінің жалпы және қолданбалы психология кафедрасы «Заманауи әйел: білім, кәсіп, мансап» тақырыбында дөңгелек үстел өткізді.
2022 жылдың 7 қаңтары әл-Фараби атындағы Қазақ ұлттық университетінің дінтану және мәдениеттану кафедрасының аға оқытушысы Есекеева Эмина Фансатқызы Адам құқықтарын зерттеу және демократиялық даму орталығы мен Сыни тұрғыдан ойлау орталығының (орталық) «Баламалы перспективалар және жаһандық алаңдаушылық» (Alternative Perspectives and Global Concern) бағдарламасы аясында «Адам жанын бақтандыру» тақырыбындағы халықаралық семинарға қатысты.
01.01.2022 мен 31.05.2022 аралығында Массачусетс Дартмут университетінің (АҚШ) профессоры, PhD докторы Дилшод Ачилов әл-Фараби атындағы ҚазҰУ-дың дінтану және мәдениеттану кафедрасына Фулбрайт халықаралық бағдарламасы аясында келді.
