2021 жылғы 22 қазанда онлайн-режимде Қазақстан Республикасы Тәуелсіздігінің 30 жылдығына арналған: «Қазақстанның ДСҰ-ға қатысуы: алғашқы қорытындылары мен келешегі» тақырыбында дөңгелек үстел өтті. Дөңгелек үстелді әл-Фараби атындағы Қазақ ұлттық университетінің халықаралық құқық кафедрасы, халықаралық қатынастар факультеті жанындағы «ДСҰ және халықаралық сауда құқығы» орталығы ұйымдастырды.

2021 жылдың 07 ші қазан күні халықаралық қатынастар факультеті, дипломатиялық аударма кафедрасында Қазақстан Республикасы Тәуелсіздігінің 30 жылдығы және Қазақстан халықтарының тілдері Күні мерекесіне арналған "Тіл – бұл халық тарихының нағыз шежіресі" атты студенттік тілдер фестивалі өткізілді.

Дидактикалық мақсатқа жету тәсілдерінің бірі – жоба әдісі шетел тілін оқытуда бірнеше жылдардан бері қолданылып келеді. Үстіміздегі оқу жылында, «Халықаралық қатынастар», «Халықаралық құқық» және «Аймақтану» мамандықтары бойынша оқитын 3 курс пен 4 курс студенттері француз тілін оқыту барысында жүзеге асырылып жатқан «Шәкіртақы ұтып алуыңызбен құттықтаймын» атты жоба шеңберінде және 26 қыркүйекте аталып өтетін Еуропа тілдері күні қарсаңында француз тілінде «Шетелде оқуға мүмкіндік беретін шәкіртақы бағдарламалары» атты вебинар ұйымдастырды. Вебинарға Халықаралық қатынастар факультетінде француз тілін меңгеріп жатқан студенттер мен оқытушылар шақырылды.

          IQAA-Ranking Білім сапасын қамтамасыздандыру бойынша тәуелсіз агенттігі жылдық рейтингінің нәтижелері жарияланды. Биылғы жылы университеттер бакалавриат пен магистратураға арналған 300-ден астам білім беру бағдарламалары туралы мәліметтер берді. Бағдарламалар рейтингіне қатысқан университеттердің білім беру бағдарламаларының жалпы саны 1000-ға жуықтады.

Университеттің үздік студенттері Түлектер қауымдастығының Құрмет грамотасымен марапатталды. Суретте әл-Фараби ҚазҰУ Түлектер қауымдастығының өкілі Мәми Қ., 4 курс студенті Сматулла Ақжарқын

2021 жылғы 26-27 мамырда "Covid және RCEP контекстінде Brexit-тен кейінгі Халықаралық экономикалық құқыққа Еуразиялық сын-қатерлер" халықаралық құқық бойынша 5-ші Қазақстан-Француз-Корей халықаралық ғылыми конференциясы өтті.

Конференцияны ұйымдастырушылар: Норман Гавр университеті, LexFEIM зерттеу орталығы (Франция) Кан Нормандия университеті, ДЕМОЛОМБА институты (Франция) ИнХа университетінің Заң факультеті (Оңтүстік Корея) Қазақ ұлттық университеті. әл-Фараби, Халықаралық қатынастар факультеті, халықаралық құқық кафедрасы 5-ші Қазақстан-Француз-Корей бірлескен халықаралық ғылыми конференциясы халықаралық сауда құқығы саласындағы өзекті проблемаларды талдауға бағытталған. Еуразия әлеуеті ретінде әлем халқының жартысын құрайды немесе егер ол экономикалық және аймақтық интеграцияланған болса, жер бетіндегі ең үлкен тұтыну нарығы мен өндірістік әлеуетті білдіреді. Осы геосаяси және геоэкономикалық жағдайға сүйене отырып, 2021 жылғы бұл конференция Еуразиялық экономикалық интеграцияға қол жеткізуге бола ма, жоқ па, соны зерттейтін проблемалық немесе аналитикалық саланы дамытады. Конференцияға қатысушылар осы байланыстарды немесе осы оқиғалар (ЕО-дағы оқиғалар, АҚШ-тағы сайлау, пандемия), сондай-ақ Беларусьтегі жағдай, Қытай БРИ-дің прогресі және қазақстандық "Нұрлы жол" бағдарламасы сияқты басқа да еуразиялық оқиғалар арасындағы қарым-қатынастарды Еуразияның барлық субөңірлеріне әсер ететін динамика ретінде және осы қатынастар мен осы қатынастар олардың континентте құқықтық реттелуінің Халықаралық экономикалық динамикасының құрылымын қалай қалыптастыратыны бойынша талдайды. Конференцияға қатысушылардың ЕО, Әлемдік экономика және Еуропа мен Азиядағы саяси тұрақтылық үшін BREXIT салдарларын зерделеуінен басқа, Еуразияның интеграциялық бірлестіктеріндегі ұқсас жағдайлардың ықтимал тәуекелдерін, жекелеген мемлекеттер мен бүкіл өңір үшін теріс салдарларды және оларды барынша азайту тәсілдерін қарау күтілуде.

Халықаралық қатынастар факультетінде Жеңістің 76 жылдығы және екінші дүниежүзілік соғыстың аяқталуына арналған халықаралық дөңгелек үстел өтті.

2021 жылдың 4 мамырында Халықаралық қатынастар факультетінің халықаралық құқық кафедрасының студенттері Қазақстан Республикасы Тәуелсіздігінің 30 жылдығы мен ҚР ІІМ Мақан Есболатов атындағы Алматы академиясының 65 жылдығына арналған "Жастар және ғылым" атты жоғары оқу орындары арасындағы ғылыми конференцияға қатысты. Конференция қорытындысы бойынша бірінші орындарды үздік баяндамалар үшін 4 курс студенті Марван Даулен және 3 курс студенті Аппаз Алмас алды, олардың жетекшісі з.ғ. к., доцент Тусупова Алмагуль Жагалтайқызы болды. Халықаралық құқық кафедрасы өзінің құттықтауын білдіреді және алдағы уақытта да табыс тілейді!

Сәуірдің 29 жұлдызы күні әл-Фараби атындағы Қазақ Ұлттық Университетінің Халықаралық қатынастар факультетінің Халықаралық құқық кафедрасында аға оқытушы Бегжан А.М. мен «Халықаралық құқық» мамандығы бойынша 1-курс магистранты Шірінбек А.К. ұйымдастыруымен 1 мамыр – Қазақстан халықтарының бірлігі күніне орай «Бірлігі жарасқан Қазақстан» атты тәрбиелік іс-шара өтті.

Іс-шараға «Халықаралық құқық» мамандығының 1,2,3-курс студенттері белсене қатысып, баяндамалар жасады. Мерекелік іс-шара басында Шірінбек А.К. халықтар бірлігі күнінің маңызы мен шығу тарихы, Қазақстанды мекен етіп жатқан халықтар, олардың Қазақстанға қоныс аударуы мен олардың тату-тәтті өмірі, Қазақстан Халықтары Ассамблеясының қызметі жайында ақпаратпен бөлісті. Іс-шарада ерекше көзге түсіп, тиянақты дайындалып, айрықша белсенділік көрсеткен – «Халықаралық құқық» мамандығының 2-курс ағылшын тобының студенттері болды. Ағылшын тобында халықаралық студенттердің білім алып жатқандығына байланысты топ студенттері өз ұлттарының, атап айтқанда, ауған, кәріс, қытай, орыс, түрік ұлттарының мәдениетін, әдебиетін, ұлттық мерекелері мен құндылықтарымен таныстыратын  баяндамалар көрсетіп, қызықты мәліметтермен бөлісті. Сонымен қатар халықаралық студенттер қазақ халқының басқа ұлттарға деген достығы мен қонақжайлығын ерекше атап өтіп, бейбіт елде білім алып жатқандықтарына ризашылығын білдірді. Іс-шара соңында студенттер өз ойларымен бөлісіп, іс-шараның жоғары деңгейде өткендігін атап өтіп, ұлтаралық татулықты басты мақсатқа қойған елімізбен мақтанатындығын жеткізіп, ізгі тілектерін білдірді.