12 наурыз күні «Капернаум» фильмін талқылау мақсатында іс-шара өтті. Бұл іс-шара кафедраның қауымдастырылған профессор К.Ж.Алтаеваның ұйымдастырумен, «халықаралық құқық» мамандығының 2 және 3 курс студенттерінің қатысуымен өткен болатын. Капернаум – кедей бейруттық отбасыдағы кішкентай баланың жасына қарамай үлкен адамның өмірін сүруге тура келуі. Осыдан кейін біз баланың оқиғасын білеміз және оның әкесі мен анасына неге шағымданатынын оңай түсінеміз. Зейн - үйдің үлкен баласы, және ол жұмыс істейді, кішілеріне көмектеседі, олардың арасында сіз санап та алмайтындар көп. Ата-аналар балалардың ешқайсысын қауіпсіз өмірмен қамтамасыз ете алмайды, тіпті сүйіспеншілікпен, қамқорлықпен, таза киіммен де қамтамасыз ете алмайды. Бірақ ең бастысы, бұл адамдардың кедей болғаны соншалық, балалардың бірінде де туу туралы куәлігі жоқ. Демек, олар мектепке бара алмайды, ауруханада медициналық көмек ала алмайды. Ал олар өскенде олардың төлқұжаты болмайды. Тек қана бала тәрбиесі емес сонымен қатар қоғамда белең алып тұрған нашақорлық, қайыршылық сияқты мәселелер де қарастырылған. Осыдан шығатын түйін егер ата-ана баласының жақсы өмір сүруіне жағдай жасаса мұндай отбасылардың саны азаяр еді. Іс-шарада студенттер өз ойлары мен пікірін айтып, қызу талқыға түскен болатын.

2021 жылы 15 наурызда Microsoft Teams платформасында көшбасшылықты дамыту жөніндегі халықаралық сарапшы, Корвинус Университетінің (Венгрия) менеджмент профессоры Золтан Бузада PhD докторы халықаралық қатынастар және әлемдік экономика кафедрасымен бірге Әл-Фараби атындағы ҚазҰУ студенттері үшін керемет мастер-класс өткізді. Мастер-класстың тақырыбы АҒЫМ психикалық жағдайын құру арқылы қызметкерлердің жұмысқа деген көзқарасын өзгертіп мемлекеттің және ұйымдардың бәсекеге қабілеттілігін арттыру болды.

«Рухани жағыру» бағдарламасын іске асыру аясында, сондай-ақ студенттер арасында салауатты өмір салтын қалыптастыру, нашақорлыққа қарсы деструктивті мінез-құлық дағдыларын қалыптастыру мақсатында әл-Фараби атындағы ҚазҰУ халықаралық қатынастар факультетінің халықаралық құқық кафедрасы студенттер мен Алматы қаласындағы ЖИТС-тің алдын алу және оған қарсы күрес жүргізу орталығының әлеуметтік дәрігері Үсенул Мадина Мешірқызы «АИТВ-инфекциясының алдын-алу» тақырыбында онлайн-кездесуі ұйымдастырды. Дәрілер студенттерге «АИТВ-инфекциясының алдын-алу» туралы арнайы дәріс оқыды.

Аталған іс-шараның қатысушылары әл-Фараби атындағы ҚазҰУ халықаралық қатынастар факультеті мен заң факультетінің студенттері, сонымен қатар Халықаралық бизнес университетінің «Логистика» мамандығының студенттері болды.

Бұл танымдық іс-шара тыңдаушыларға адамның иммунитет тапшылығы вирусын жұқтыру жолдарын түсіндіру, АИТВ-инфекциясын жұқтырмау жолдары туралы білім деңгейін арттыру, АИТВ-инфекциясының алдын алу шараларымен таныстыру, АИТВ-инфекциясын жұқтырған науқастарға дұрыс көзқарасты қалыптастыру мақсатында өткізілді.

Кездесу барысында ЖИТС орталығының өкілі вирустың таралу жолдары, оның адам ағзасында даму ерекшеліктері, алдын-алу шаралары туралы егжей-тегжейлі айтып, тегін тексеруден өтуге болатындығын кеңес етті, сонымен қатар барлық студенттердің сұрақтарына жауап берді. Тыңдаушылар адамның иммунитетін жоятын қатерлі ауру мен оның дамуына әкелетін вирус туралы көптеген пайдалы және жаңа ақпарат алды. Сондай-ақ, ерекше қызығушылық танытқан студенттер Кумарова Асем мен Абишева Аружан онлайн-кездесу тақырыбы бойынша презентациялар дайындап, баяндамалар жасады. Онлайн-кездесудің ең маңызды нәтижесі – әрбір тыңдаушының өзі үшін жауапкершілікті мінез-құлық және салауатты өмір салтын ұстану АИТВ-ның алдын-алуға негіз болатындығы туралы қорытынды жасағаны.

ҚАЗҰУ ЖОҒАРЫ КӨРСЕТКІШТЕРГЕ ҚОЛ ЖЕТКІЗДІ

Әлемнің 1200-ден астам университеттерін бес пәндік бағыт бойынша сараптаған «QS World University Ranking by Subject 2021» пәндік рейтингінің нәтижелері бойынша әл-Фараби атындағы ҚазҰУ өзінің көрсеткіштерін жақсартып, позициясын нығайтты. ҚазҰУ өткен жылмен салыстырғанда «Өнер және гуманитарлық ғылымдар» пәні бойынша өз көрсеткіштерін 277-ден 156-шы орынға, «Әлеуметтік ғылымдар және менеджмент» пәні бойынша 351-ден 257-ші орынға көтеріп, оң нәтижеге қол жеткізді.

https://www.kaznu.kz/kz/3/news/one/23732/

ТҮЛЕКТЕР КҮНІ ТАЛҚЫЛАНДЫ

Қазақстан Республикасы Конституциялық Кеңесінің төрағасы, әл-Фараби атындағы ҚазҰУ-дың Түлектер қауымдастығының президенті, заң ғылымдарының докторы, профессор Қайрат Әбдіразақұлы Мәми және Қазақстан Республикасы Тұңғыш Президенті Қорының Атқарушы Директорының орынбасары Игорь Иванович Рогов университетке ат басын бұрып, ректор Жансейіт Түймебаевпен ҚазҰУ-дың Түлектер күнін ұйымдастыру және өткізуге қатысты мәселелерді талқылады.

https://www.kaznu.kz/kz/3/news/one/23719/

ШВЕЙЦАРИЯ ЕЛІМЕН ӨЗАРА ЫНТЫМАҚТАСТЫҚ

«Әл-Фараби атындағы ҚазҰУ» КЕАҚ Басқарма төрағасы – ректор Жансейт Түймебаев Швейцария елінің экономика және менеджмент бойынша қолданбалы жоғары мектебінің ректоры Доминик Джорданмен онлайн кездесіп, тараптар өзара ынтымақтастық туралы меморандумға қол қойды.

https://www.kaznu.kz/kz/3/news/one/23714/

ҚАЗҰУ ӨНЕРТАПҚЫШТАРЫНЫҢ ЖАҢА ЖОБАСЫ – НОУ-ХАУ

Әл-Фараби атындағы ҚазҰУ магистранттары ауаның ластану деңгейін өлшейтін және ауа сапасын нақты уақыт режимінде тексеретін жаңа құрылғы ойлап тапты.

https://www.kaznu.kz/kz/3/news/one/23712/

ҚАЗҰУ СТУДЕНТТЕРІНЕ Ө. ЖОЛДАСБЕКОВ АТЫНДАҒЫ ШӘКІРТАҚЫ БЕРІЛДІ

Техника ғылымдарының докторы, профессор, ҚазКСР ҒА және ҚР ҰҒА академигі, көрнекті механик-ғалым, белгілі мемлекет және қоғам қайраткері, Қазақстан ғылымы мен жоғары білім саласындағы ірі ұйымдастырушы Өмірбек Арысланұлы Жолдасбековтің 90 жылдығына байланысты ұйымдастырылған мерейтойлық шаралар барысында әл-Фараби атындағы ҚазҰУ студенттеріне Ө.А. Жолдасбеков атындағы шәкіртақы тапсырылды.

https://www.kaznu.kz/kz/3/news/one/23711/