2023 жылдың 4-6 қаңтарында Халықаралық қысқы психологиялық мектеп - 2023 өз жұмысын бастады.

Әл-Фараби атындағы Қазақ ұлттық университетінде Қысқы психологиялық мектептерді өткізу игі дәстүрге айналды, оны Психологиялық инновациялар мен технологиялар орталығы (психол.ғ.д., доцент Ф.С.Ташимова), университеттің философия және саясаттану факультетінің жалпы және қолданбалы психология кафедрасы ұйымдастырды.

2023 жылы психологиялық мектептің тақырыбы «ИНТЕГРАТИВТІ ҚОЛДАНБАЛЫ ПСИХОЛОГИЯНЫҢ НЕГІЗДЕРІ МЕН ТЕХНОЛОГИЯЛАРЫ».

Жаңа жылдарыңызбен!

Алдағы жылы жаңа табыстар мен жетістіктер, жаңа идеялар мен тілектер, жаңа мүмкіндіктер мен ұмтылыстар, бақыттың жаңа көкжиектері мен шабыт кеңістігін тілеймін!

Үстіміздегі жылдың 27 желтоқсан күні әл-Фараби атындағы ҚазҰУ философия және саясаттану факультеті докторанттарының кезекті ғылыми-әдістемелік семинары өтті. Семинарға факультет деканы, философия ғылымдарының кандидаты, қауымдастырылған профессор Б.Б. Мейрбаев, деканның ғылыми зерттеу жұмысы және халықаралық байланыс жөнінен орынбасары А.Б. Альчимбаева, кафедра меңгерушілерінің ҒЗЖ және ХБ жөнінен орынбасарлары А.М. Текесбаева, А. А. Абжаппарова, А.Н. Карибаева, З.М. Садвакасова, А.С. Мустафина және 1,2,3 курс докторанттары қатысты.

ҚазҰУ-да «Europe and Asia: Cultural Diplomacy and Geopolitics of the EU» атты магистрлік қосдипломды білім беру бағдарламасы бойынша биыл бесінші жылғы түлектерге дипломдар табысталды. Философия және саясаттану факультетінің дінтану және мәдениеттану кафедрасының тәлімгерлері Жамиля Мұрат пен Татьяна Ячковская аталған бағдарлама бойынша білім алған. 2017 жылы бастау алған бағдарлама Әулие Охрид Клемент атындағы Софиялық университетпен (Болгария) Әл-Фараби атындағы ҚазҰУ арасындағы ынтымақтастық туралы келісім негізінде жүзеге асқан. Жоба дәріс, семинарлар, шеберлік сағаттар, дипломатиялық мектеп және тағылымдамаларды қамтиды.

2022 жылдың 8 желтоқсан күні әл-Фараби атындағы ҚазҰУ, Философия және саясаттану факультетінің деканы Б.Б. Мейрбаев Қазақстан Республикасы Қорғаныс министрлігінің тәрбие және идеологиялық жұмыс департаментінің басшысы генерал-майор С.Ж. Бурамбаевпен қызметтік келіссөз өткізді. 

06.12.2022 ж. «Саяси сауаттылық демократияның қозғаушы күші» тақырыбындағы «Саясаттану» оқу құралының таныстырылымы А.П.Чехов атындағы Орталық кітапханада өтті. 

Әл-Фараби атындағы Қазақ ұлттық университеті, философия және саясаттану факультетінің «6В03102-Мәдениеттану» мамандығы бойынша Польша мемлекетінің Варшава университетінде академиялық ұтқырлық бағдарламасы бойынша білім алушылар өз ойларымен бөлісті.

18.11.2022 ж. күні Философия және саясаттану факультетінің деканы Б.Б. Мейрбаевтың 1 курс докторанттарымен форсайт-кездесуі өтті. Докторанттармен ұйымдастырылған кезекті отырыстың бағдарламасында бірнеше сұрақтар қамтылды: PhD докторантура ғылыми бағдарламасының бағыттарымен тереңірек таныстырылым; әл-Фараби атындағы ҚазҰУ докторантураның ішкі ережелері; ғылыми тағылымдама талап-ережелері бойынша инструктаж.

2022 жылдың 17 қараша күні Түркия Республикасы, Анкара қаласында TÜRKSOY бас хатшылығының ұйымдастыруымен әл-Фараби атындағы Қазақ ұлттық университетінің профессоры, философия ғылымдарының докторы Ғабитов Тұрсын Хафизұлының және Хажеттепе университетінің профессорлары Өзкүл Чобаноғлы мен Сажиде Чобаноғлының түрік тілінде жарияланған «ҚАЗАҚ ЖӘНЕ ОҒЫЗ ХАЛЫҚ ФИЛОСОФИЯСЫ: ФОЛЬКЛОРЛЫҚ МЕТАЭТИКАЛЫҚ НЕГІЗДЕМЕ» атты ғылыми кітабының тұсаукесері өтті.

2022 жылдың 17 қарашасында, әл-Фараби атындағы Қазақ ұлттық университетінің Философия және саясаттану факультеті, жалпы және қолданбалы психология кафедрасының ұйымдастыруымен I Жарықбаев оқулары «Психология және педагогика дамуының өзекті мәселелері» атты халықаралық ғылыми-практикалық конференция өтті.