Сегізінші семестрде «5В060300-Механика» мамандығының оқу жоспарына сәйкес механика кафедрасының 25 студенті Алматы қаласының Республикалық физика-математика мектебінде педагогикалық практикадан өтті.
Механика кафедрасының бірінші курс докторанттары университетіміздің "Айналаңды нұрландыр" атты инновациялық бағдарламасы аясында 14-сәуір күні «Фурманов шыңы» бағыты бойынша экологиялық сенбілік ұйымдастырды. Тауды қоқыстардан тазартты. Бұл акцияға Францияның Нанси университетінен (Nansy-Universite) келген профессор Оливие Ботелла да қатысты.
2019 жылдың 7 сәуірі мен 14 сәуірі аралығында әл-Фараби атындағы Қазақ ұлттық университетінің механика-математика факультетіне Францияның Нанси университетінің профессоры Оливьер Ботелла іс сапармен келді. Ол өзінің қысқа мерзімді сапары барысында қос дипломдық бағдарлама бойынша механика кафедрасының«Геоэнергетика» мамандығында білім алушы магистранттарға дәріс оқыды.
Әл-Фараби атындағы ҚазҰУ механика-математика факультеті механика мамандығының магистранттары – Азамат Асқар, Әбілқас Ақмаржан, Болысбек Дәрежат және Ердеш Елнар AGH Technology and Science университетінде (Краков, Польша) «Modern methods in design and manufacturing of machines» бағдарламасы бойынша шетелдік тағылымдамадан өтті.
Әл-Фараби атындағы ҚазҰУ механика-математика факультеті механика кафедрасының бірінші курс докторанттары "Айналаңды нұрландыр" атты инновациялық бағдарламасы аясында 14-сәуір күні «Фурманов шыңы» бағыты бойынша экологиялық сенбілік ұйымдастырады.
Механика кафедрасының 1 курс докторанттары Тукешова Г., Меркибаева Б. және Кайыров Р. педагогикалық практика аясында "Махаббат - өмір өзегі" тақырыбында ашық кураторлық сағат өткізді (11.04.2019). Кураторлық сағатқа "Механика" мамандығының 2 курс студенттері, қатысты.
Қазақ ұлттық университетінің қабырғасында механика кафедрасының бірінші курс докторанттары Айдашева Г., Ахметова Б. «Механика 18-3» кураторлық топпен, жетекші эдвайзер - О.Байысбаевамен бірге «Балалар ана бақыты» тақырыбында ашық тәрбие сабағын өткізді.
Механика кафедрасының бірінші курс докторанттары Босинов Д.Ж., Кутимов Қ.С., Ембергенова Д.Б. куратор-эдвайзер Туралина Д.Е. жетекшілігімен “Азаматтық қайырымдылық қоғамды қалыптастыру”, инновациялық жобасы аясында, «Экологиялық мәселелер» тақырыбында ашық тәрбиелік сабақ өткізді.
Механика кафедрасының бірінші курс докторанттары Г.Айдашева мен Б. Ахметова куратор-эдвайзер О.Байысбаеваның жетекшілігімен докторанттарға арналған педагогикалық практика аясында «Ана бақыты - балада!» тақырыбында ашық кураторлық сағат өткізді.
Механика кафедрасының бірінші курс докторанттары Кушекбай А., Бижанова С және Жұмабек Т. куратор-эдвайзер А.Исмаилованың жетекшілігімен докторанттарға арналған педагогикалық практика аясында «Ұлыстың ұлы күні – Әз Наурыз!» тақырыбында ашық кураторлық сағат өткізді.
