Халықаралық әл-Фараби орталығында Әл-Фараби атындағы Қазақ ұлттық университеті, Философия және саясаттану факультетінің деканы Мейрбаев Бекжан Берікбайұлы мен Бүкіл Азия елдеріндегі Иран мәдени өкілдіктерін бақылайтын бөлімнің басшысы доктор Адел Кхани мырзамен кездесу.
2023 жылдың 5 шілде күні Әл-Фараби атындағы Қазақ ұлттық университеті Философия және саясаттану факультетінің түлектеріне диплом табыстау рәсімі өтті. Әл-Фараби кітапханасында өткен салтанатты жиынға университет басшылығы тарапынан Басқарма мүшесі– Әлеуметтік даму жөніндегі проректор Айдосов Нұржан Сарсынбекұлы, факультеттің профессор-оқытушылар құрамы, ата-аналар және бітіруші түлектер қатысты.
2023 жылдың 12 маусымында Каритас әлеуметтік жұмыс колледжінің (Caritas-College of Social Work) өкілдері философия және саясаттану факультетінің деканы Б.Б. Мейрбаев және әлеуметтану және әлеуметтік жұмыс кафедрасының меңгерушісі Г.С. Абдирайымовамен кездесті. Іс-сапар асында Erasmus+ оқытушылармен тәжірибе алмасу бағдарламасы негізінде колледж директоры Ph.D. Martin Bednář, студенттік тәжірибе орталығының жетекшісі Štěpán Žáček және оқытушы Lenka Tkadlčíková-лармен кездесу өтті.
«Исламдағы күрделі теологиялық сұрақтарды талқылау, сондай-ақ деструктивті діни ағымдардың идеологиясын теріске шығару бойынша әдістемелік құрал әзірлеу» мемлекеттік тапсырысы аясында әзірленген «Деструктивті діни ағымның ұстанушыларын дәстүрлі құндылықтарға бейімдеуге және оңалтуға қатысты» әдістемелік құралын 2023 жылдың 8 маусым күні дінтану және мәдениеттану кафедрасының Жұмыс берушілері – Алматы қаласы Дін істері жөніндегі басқармасы студенттердің оқу барысында пайдалануы үшін кафедра қорына сыйға тартты.
Әл-Фараби атындағы ҚазҰУ-дың әлеуметтану және әлеуметтік жұмыс кафедрасында 2023 ж. 2 маусымында аралас офлайн/онлайн форматта «Орнықты даму саласындағы мақсаттарға қол жеткізуде әлеуметтік жетімдіктің алдын алу» әлеуетті арттыру жөніндегі сессия өтті. Аталмыш сессия ҚазҰУ-дың әлеуметтану және әлеуметтік жұмыс кафедрасының Гонконг Политехникалық университетінің (PolyU) қолданбалы әлеуметтік ғылымдар Департаментімен бірлескен үш жылдық халықаралық жобасы аясында ұйымдастырылды.
Университетіміздің үздік студенттері «Мәдениеттану» мамандығы бойынша XV Республикалық пәндік олимпиададан І орынды қанжығасына байлап келді.
Лондондағы Қазақстан Республикасының Елшілігінде 2023 жылдың 2 мамыр күні Қазақстан Республикасының Ғылым және жоғары білім министрі Саясат Нұрбек мырза «Болашақ» бағдарламасы бойынша Ұлыбританияда білім алып жатқан қазақстандық студенттермен кездесуде әл-Фараби атындағы ҚазҰУ Философия және саясаттану факультеті «Педагогика және психология» мамандығының 2 курс докторанты Шапамбаева Айдана XIX-шы жыл сайынғы Дүниежүзілік білім форумына қатысты.
2023 жылы 27 -28 сәуір күндері аралығында Ш.Есенов атындағы Каспий технологиялар және инжиниринг университеті (Yessenov university) базасында «Педагогика және психология» мамандығы бойынша XV Республикалық студенттік пәндік олимпиадада әл-Фараби атындағы ҚазҰУ, педагогика және психология білім беру бағдарламасының студенттерінен құралған “Фараби жастары” командасы 1-ші орынды иеленді.
2023 жылы 28 сәуір күні әл-Фараби атындағы ҚазҰУ базасында Философия және саясаттану факультеті Саясаттану және саяси технологиялар кафедрасының ұйымдастыруымен «6В03106-Саясаттану» мамандығы бойынша студенттердің Республикалық пәндік олимпиаданың 2-ші кезеңі жоғары дәрежеде өтті. Олимпиаданың өту формасы-ғылыми жұмыстар/жобалар конкурсы.
Тұрақты даму мақсаттарының 16-шы «Бейбітшілік, әділдік және тиімді институттар» мақсаты аясында «Дерадикализация бағытындағы заманауи әдіс-тәсілдер» тақырыбында ұлттық дәрежеде семинар өткізілді.
