2023 жылғы 23 ақпанда әл-Фараби атындағы ҚазҰУ Ғылыми кітапханасында жыл сайынғы Тәжібаев оқулары - «Білім және психологиялық-педагогикалық ғылым: жүйелілік, сабақтастық, инновациялылық» халықаралық ғылыми-практикалық конференциясы өтті.
Ұйымдастырушылар – жалпы және қолданбалы психология кафедрасы, әл-Фараби атындағы ҚазҰУ-дың философия және саясаттану факультеті.
2023 жылдың 17 ақпан күні әл-Фараби атындағы Қазақ ұлттық университетінің Ғылыми кітапханасында Философия және саясаттану факультеті педагогика және білім беру менеджменті кафедрасының профессоры, көрнекті ғалым, педагогика ғылымдарының докторы Шәркүл Таубайқызы Таубаеваның 75 жылдығына арналған «Үздіксіз білім беру жүйесіндегі педагогтердің зерттеу мәдениетін дамыту: тәжірибе және инновациялар» тақырыбында халықаралық ғылыми-практикалық конференция онлайн және офлайн форматында өтті.
Әл-Фараби атындағы Қазақ ұлттық университеті, философия және саясаттану факультетінің деканы Мейрбаев Бекжан мен дінтану және мәдениеттану кафедрасының меңгерушісі Айнұр Құрманалиева Нұр-Мүбарак Египет ислам мәдениеті университетінің ректоры Мухаммад аш-Шаххат Абдулхамид Мухаммад ал-Жинди мырзамен кездесіп, алдағы уақыттағы мамандарды дайындау барысында екі университет арасындағы ұзақ уақыттар бойы жалғасын тауып келе жатқан ынтымақтастықты ары қарай жетілдіре түсу жөнінде ой бөлісті.
Әл-Фараби атындағы Қазақ ұлттық университеті кітапханасында «Радикализмнің алдын алудағы Қазақстан мен Түркияның тәжірибесі: теориялық мәселелер мен практикалық шешімдер» атты халықаралық қысқы мектеп өтті. Оған кәсіби теологтар мен философтар және білім алушы жастар қатысты.
Әл-Фараби атындағы Қазақ ұлттық университеті философия және саясаттану факультетінде ағымды жылдың 27 қаңтар күні докторанттардың кезекті ғылыми-әдістемелік семинары өтті. Аталған іс-шараға Философия және саясаттану факультетінің деканы, философия ғылымдарының кандидаты, қауымдастырылған профессор Б.Б. Мейрбаев, деканның ғылыми зерттеу жұмысы және халықаралық байланыс жөнінен орынбасары А.Б. Альчимбаева, философия кафедрасының меңгерушісі Ә. Құранбек, кафедра меңгерушілерінің ҒЗЖ және ХБ жөнінен орынбасарлары А.М. Текесбаева, А.А. Абжаппарова, З.М. Садвакасова, А.С. Мустафина және факультеттің 1,2,3 курс докторанттары қатысты.
2023 жылдың 26 қаңтарында әл-Фараби атындағы Қазақ ұлттық университетінің Философия және саясаттану факультетінде тарих ғылымының докторы, профессор, Францияның Гавр университетінің мәдениет, тұрақты даму және әлеуметтік жауапкершілік жөніндегі вице-президенті Жан-Ноель Касториомен кездесу өтті.
Әл-Фараби атындағы Қазақ ұлттық университеті Философия және саясаттану факультетті Философия кафедрасының меңгерушісі, философия ғылымының кандидаты Құранбек Әсет Абайұлы Қазақстан Республикасы Ғылым және жоғары білім министрінің Алғыс хатымен марапатталды.
Алматыда әл-Фараби атындағы Қазақ ұлттық университетінде радикализмді алдын-алудағы Қазақстан мен Түркияның тәжірибесін саралайтын қысқы мектеп жұмысын бастады. Үш күнге созылатын іс-шараға 100-ден аса тыңдарман қатысады. Радикализмнің алдын-алу мәселелері өте өзекті. Ұйымдастырушылардың айтуынша, бұл мемлекеттің қауіпсіздігі және ішкі тұрақтылықты сақтау үшін маңызды.
Қазақстан Республикасы Қорғаныс Министрлігі Тәрбие және идеологиялық жұмыстар департаментінің ұйымдастыруымен 2023 жылдың 18-ші қаңтар күні Радиоэлектроника және байланыс әскери-инженерлік институтында «Қазақстан Республикасының қарулы күштеріндегі психологиялық жұмыстың перспективалары және жетілдіру жолдары» тақырыбында ғылыми-теориялық конференция өтті. Аталған іс-шараға әл-Фараби атындағы Қазақ ұлттық университеті Философия және саясаттану факультетінің бір топ ғалымдары қатысып, тұшымды баяндамалар жасады.
13.01.2023 күні әл-Фараби атындағы ҚазҰУ философия және саясаттану факультеті докторанттарының кезекті ғылыми-әдістемелік семинары өтті. Семинарға факультет деканы, философия ғылымдарының кандидаты, қауымдастырылған профессор Б.Б. Мейрбаев, деканның ғылыми зерттеу жұмысы және халықаралық байланыс жөнінен орынбасары А.Б. Альчимбаева, Дінтану және мәдениеттану кафедрасының меңгерушісі, профессор А.Д. Курманалиева, факультет профессорлары К.М. Бишманов, Н.У. Шеденова, кафедра меңгерушілерінің ҒЗЖ және ХБ жөнінен орынбасарлары А.М. Текесбаева, А.А. Абжаппарова, А.С. Мустафина және 1,2,3 курс докторанттары қатысты.
