2020 жылдың 27-ші наурызында әл-Фараби атындағы Қазақ ұлттық университеті Экономика және бизнес Жоғары мектебінің "Менеджмент" кафедрасы, ұлы ғалым Абу Наср ибн Мухаммед әл-Фарабидің 1150 жылдығына арналған «Индустрия 4.0 жағдайындағы менеджмент» тақырыбында «Менеджмент» мамандығы бойынша XII Республикалық студенттік пәндік олимпиадасын онлайн форматта (Zoom платформасында) өткізді.

2020 жылдың 5 наурызында әл-Фараби атындағы ҚазҰУ Экономика және бизнес жоғары мектебінде Almaty Management University (AlmaU) президенті, негізін қалаушысы, әл-Фараби атындағы ҚазҰУ түлегі және меценаты, іскерлік әкімшілік докторы, «Қазақстанның Азаматтық Альянсы» ЗТБ президенті – Асылбек Қожахметов мырзамен кездесу өтті. Ол ЭжБЖМ-нің ПОҚ мен білім алушыларына арналған «Заманауи бизнес-білім: перспективалары, кедергілері, даму тенденциялары» тақырыбында мастер-класс өткізді.

«QS World University Ranking by Subject 2020» пәндік рейтингісінің қорытындысы бойынша әл-Фараби ат. ҚазҰУ өз көрсеткіштерін жақсартып, позициясын күшейтті. Аталмыш рейтингке басқа мамандықтармен қатар «Экономика және эконометрика» (451-500) мамандығы алғаш рет енді.

2020 жылдың 3 наурызында әл-Фараби ат. ҚазҰУ-нің оқу ісі жөніндегі проректоры А.К. Хикметов атынан әл-Фарабидің 1150 жылдығына арналған «Білім беруді цифрландыру жағдайында әл-Фарабидің педагогикалық тұжырымдамасының заманауи интерпретациясы» атты 50-ші халықаралық ғылыми-әдістемелік конференцияға белсенді қатысқаны үшін «Менеджмент» кафедрасының оқытушылары сертификаттармен марапатталды.

«Айналаңды нұрландыр» жобасы аясында "Экономика" кафедрасының аға эдвайзерлері И.У.Кулиев пен Д.Р.Тураров студенттермен Алматы қаласы Ақжар кентіндегі «Аманат»  балалар үйінде қайырымдылық іс-шарасын өткізді.

2020 жылдың 21 ақпанында ҚазҰУ Экономика және бизнес жоғары мектебінде Erasmus+ ENINEDU жобасы аясында Ерниязов Қуанышбекпен кездесу өтті. Ол «Жылдың үздік кәсіпкері» жастар сыйлығының иегері, Алматы қаласы бойынша «Бастау» және «Жас кәсіпкер» жобаларының жетекшісі, «Атамекен» ҚР ҰКП бизнес-тренері. 

"Экономика" кафедрасының оқытушылары мен студенттері «100 жаңа кітап» және «Рухани жаңғыру» бағдарламасы шеңберінде Абай Құнанбайұлының 175 жылдық мерейтойына арналған іс-шара өткізді.

Әл-Фараби атындағы ҚазҰУ делегациясының Үндістан Республикасына сапары аясында ЭжБЖМ деканы, э.ғ.д., профессор Сағиева Римма Қалымбекқызы Қазақстан Республикасының Үндістандағы Елшілігінің және Джавахарлал Неру атындағы университетінің қолдауымен Нью-Дели қаласында ҚазҰУ ұйымдастырған Әбу Наср әл-Фарабидің 1150-жылдық мерейтойына арналған дөңгелек үстелге қатысты.

2020 жылдың 13-14 ақпанында Нұр-Сұлтан қаласында жоғары деңгейде Қазақстан-Катар бірлескен комиссиясының бесінші отырысы өтті. ЭжБЖМ-нің ҒИЖ және ХБ бойынша деканның орынбасары, PhD Жидебекқызы Ақнұр үкіметаралық комиссияның сараптамалық тобының отырысына қатысты.

Erasmus + ENINEDU жобасы бойынша серіктес - Афины Экономика және бизнес университеті Кәсіпкерлік және инновациялар орталығында университетте кәсіпкерлікті қолдау бойынша онлайн курстар өткізді.