10.04.2024 күні Әл-Фараби атындағы ҚазҰУ делегациясы құрамында "цифрлық технологиялар және робототехника" ғылыми-білім беру орталығының директоры, академик Ж. Ж. Байгунчеков және механика-математика факультеті деканының орынбасары Н.С. Досжан Шаньдун провинциясы Ғылым Академиясының автоматтандыру институтында (SDIA) және Цилу университетінде (Qilu University of Technology) болды. 

«7М05404 – Механика» білім беру бағдарламасының 1 курс магистранттары Алакова А.С., Байзакова А. М., Жумабаева Т. А. физика-математика ғылымдарының докторы, профессор Василий Антонович Сапаның 102 жылдығына арналған «Василий Антонович Сапаның ғасырлық мерейтойы: уақытпен белгіленген өмір» тақырыбында ашық іс-шара өткізді.

Іс-шараға механика-математика факультетінің профессор-оқытушылар құрамы мен студенттері шақырылды.

Педагогикалық практика аясында әл-Фараби атындағы Қазақ ұлттық университеті, «Механика-математика» факультеті, «Механика» кафедрасының «Робототехникалық жүйелер» білім беру бағдарламасының 1 - курс докторанттары А.И. Акжолова, Б.Ә.Талпақова, Д.М. Уйпалакова 04.04.2024 жылы тұрақты дамудың 17 мақсаттарының бірі, 6-ншы мақсаты "Таза су және санитария" тақырыбында тәрбие сағатын өткізді.

Тұрақты даму мақсаттары-жер шарын қорғау және бейбітшілікті сақтау үшін қабылданған жаһандық мақсаттар. 2030 жылға дейінгі тұрақты даму мақсаттары 17 мақсатты іске асыру бойынша жұмыс істейтін болады.

Педагогикалық практика бойынша 29.03.2024 жылы Әл-Фараби атындағы ҚазҰУ-нің Механика-математика факультеті Механика кафедрасының, «8D07117 - Робототехникалық жүйелер» БББ 1 курс докторанты М.Қ. Сулейменов тұрақты дамудың 17 мақсаттарының бірі «Тұрақты қалалар мен елді мекендер» тақырыбында тәрбие сағатын өткізді.

2024 жылғы 27 наурызда ҚазҰУ механика-математика факультетінде. әл-Фараби "Қолданбалы және есептеу математикасының заманауи мәселелері" атты қалалық ғылыми семинардың үшінші отырысын өткізді.

Семинар жетекшілері: ҚР ҰҒА академигі т. ғ. д., профессор Жұмағұлов Б. Т., ҚР ҰИА академигі ф.-м. ғ. д., профессор Абдибеков У. С., ҚР ҰИА академигі ф.-м. ғ. д., профессор Темірбеков Н. М., PhD докторы, профессор Жакебаев Д. Б.

14-23 наурыз аралығында халықтық мерекені тойлауға арналған Наурызнама онкүндігі жарияланды. Бұл онкүндік төл мерекемізді тойлаудың жаңа дәстүрлерін қалыптастыруға, ең жақсы адами қасиеттерді – ашықтықты, шынайылықты, жауаптылықты, қайырымдылықты ашуға бағытталған. Әр күн белгілі бір тақырыпқа арналып, терең мазмұн-мәнге ие болды.

“Болам деген баланың бетін қақпа, белін бу” деген халқымызда кереметтей сөз бар. Осы мақсатта факультет магистранттарымен, докторанттарымен бірге факультет ұстаздарының басшылығымен семинарлар өткізіліп тұрады. Досмағұлова Қарлығаш пен Шәкір Айдостың ұйымдастыруымен 11 наурыз күні өткен семинарда Артыкбаева Жанар “Сингулярлы ауытқыған теңдеулер үшін шеттік есептер шешімдерінің асимптотикалық сипаты”, Даулетбай Бекарыс “Лаплас операторының дельта-бейнелі ауытқулары және олардың спектрлік анализі”, Искаков Алибек “Примитив рекурсивті көшірулер” атты баяндамаларымен таныстырды. Сонымен қатар, Кангужин Балтабек ағай мен Қошанов Бақытбек ағайлардың семинары да кезекті өтуде.

Есептеу ғылымдары және статистика кафедрасының 2 курс докторанты Марат Гаухар профессор Джульен Бергердің басшылығымен 4 қаңтар мен 17 ақпан аралығында Франция, Ла-рошель, Ла-Рошель университетінің, LaSIE лабораториясында зерттеу тағылымдамасынан өткендігі куәландырылады.

«Механика және энергетика» мамандығының 1 курс магистранттарының педагогикалық практикасы аясында Муталипова Камила мен Токтарова Айжан «Механика» мамандығының 2 курс бакалавриат студенттеріне «Театр әдебі» тақырыбында ашық сабақ өткізді. Дәрісте театрға бару әдебі жан-жақты талқыланып, қоғамдық орындарда өзін-өзі ұстау ережелері туралы қысқаша нұсқаулар жазылған брошюралар да таратылды.