2021 жылдың 12 ақпан күні «Steppe & World» баспасының негізін қалаушы Қадыр Раиса Сайранқызымен ZOOM платформасында онлайн кездесу өтті. Бұл кездесуді әл-Фараби атындағы Қазақ Ұлттық университетінің Журналистика факультеті Баспагерлік-редакторлық және дизайнерлік өнер кафедрасы ұйымдастырды.
2021 жылы 12 ақпанда Якутия, Саха Республикасының астанасы Якутск қаласында басылып шығарылатын «Илин» журналының бас редакторы, филология ғылымдарының кандидаты Олег Сидоровтың бірегей халықаралық онлайн шеберлік сағаты өтті.
2021 жылдың 29 қаңтарында Zoom платформасында ф.ғ.д. проф А.Рамазанның бастамасымен болашақ редакторларға, баспагерлерге және дизайнерлерге арналған алғашқы онлайн шебелік сағаты өтті. Белгілі публицист, журналист, республикалық «Юридическая газетаның» бас редакторы Бахтияр Тохтахунов кафедрамызда қонақ болып, жас мамандарға кеңесін айтып, тәжірибесімен бөлісіп, сұрақтарына жауап берді.
Қазақ әдебиетіне жаңаша серпін берген жазушы, ақын, ғалым, журналист, ұстаз, халықаралық «Алаш» сыйлығының лауреаты Нұржан Қуантайұлы 50 жасқа толды. Осыған орай, әл-Фараби атындағы ҚазҰУ Журналистика факультетінде Баспагерлік-редакторлық және дизайнерлік өнер кафедрасының ұйымдастыруымен "Баспа ісі және әдеби үдеріс: жазушы, редактор, оқырман" атты халықаралық дәрежедегі ғылыми-тәжірибелік онлайн конференция өтті.
Әл-Фараби атындағы ҚазҰУ «Баспа ісі», «Полиграфия», «Дизайн», «Журналистика» мамандықтары бойынша студенттер мен магистранттарға арналған «Әлемдік және ұлттық баспа мәдениеті» оқулығын шығарды.
3-Халықаралық конференция Elsevier Қазақстандағы ғылым күні 2020 жылдың 2-3 желтоқсанында онлайн форматта өтті. Екі күндік форум жас ғалымдардың, соның ішінде әл-Фараби атындағы ҚазҰУ-дың зерттеушілерінің назарын аударды.
18.09.2020 ж. әл-Фараби атындағы ҚазҰУ-да Журналистика факультеті Баспагерлік-редакторлық және дизайнерлік өнер кафедрасының ұйымдастыруымен журналист, ұстаз, ғалым, жазушы Әбілфайыз Ыдырысовтың туғанына 90 жыл толуына арналған «Бұқаралық ақпарат құралдарын және баспа өнімдерін безендіру өнерінің қазіргі мәселелері» атты халықаралық ғылыми-тәжірибелік гибрид-онлайн конференция өтті.
13 қараша күні әл-Фараби атындағы Қазақ ұлттық университетінің журналистика факультетінде белгілі баспа ісі және полиграфия саласының қайраткері, библиограф-ғалым, баспагерлік-редакторлық және дизайнерлік өнер кафедрасының доценті Қоңыр Мұқатаеваның 70 жылдығына арналған «Баспа, полиграфия және web-технологиялар жүйесін оқыту-зерттеу мәселелері» атты халықаралық ғылыми-тәжірибелік онлайн конференция өтті.
2020 жыл «Абай жылы» ретінде есте қалғаны анық. Хакімнің мерейтойына еліміздегі жоғары оқу орындары түгел дерлік атсалысып, бірі ғылыми конференция өткізсе, бірі Абай мұраларын ән кештерімен дәріптеді. Осындай бағытта Қазақ ұлттық қыздар педагогикалық университетінде өткен «Өлең-сөздің патшасы» атты республикалық жас ақындар айтысында «баспа ісі» мамандығының студенті Нұрбол Жауынбаев бас жүлде иеленіп, мерейімізді асырды.
2020 жылы қазақтың ұлы ақыны Абай Құнанбаевтың 175 жылдық мерейтойына арналған студенттер мен магистранттар арасында ұйымдастырылған «Абай әлемі» үздік ғылыми жұмыс байқауында «Баспа ісі» мамандығының студенті Әзімбек Қойлыбай жеңімпаз боп танылды.
