Баспа ісі және БАҚ дизайны кафедрасы «журналистика» мамандығымен қоса «баспа ісі» мамандарын даярлауға бейімделіп келе жатқандықтан тың бағытта ғылыми-зерттеу жұмысын жүргізу міндетін де атқаруына тура келуде. Бұл ретте бакалавриатты тәмамдаушы студенттердің бітіру жұмыстары тың тақырыпта жазылуларымен құнды. Үстіміздегі жылы кафедра ұшырған түлектің дені диплом жұмыстарын «өте жақсы» бағыта қорғады. Кафедраның ғылыми жұмысы ойдағыдай жалғасын тауып, жағымды жаңалықтары мен аталып өтуге тиіс нәтижелерге қол жеткізілгенімен қорытындыланып отыр. Жыл сайын «ҚазҰУ хабаршысы журналистика сериясының» сандарын шығаруға кафедра ұжымы ұйытқы болуда. Кафедра профессор-оқытушылар құрамының жариялаған ғылыми еңбектері де соның нақты дәлелі.