Құрметті 1 курс студенттері!
Өздеріңіз білетіндей, күзгі семестрде оқу үдерісі қашықтықтан өтеді. Осыған байланысты біз сізді деканмен кездесуге шақырамыз, онда сіз онлайн режимінде оқу процесін ұйымдастырылуы туралы ақпарат аласыз, сонымен қатар сіз өз сұрақтарыңызға тікелей жауап ала аласыз.
Платформа: Zoom
Күні мен уақыты: 1 қыркүйек, сағат 12.00
Конференцияның идентификаторы: 764 6629 1753
Кіру коды: 8VuYnQ
Қадірлі ұстазымыз, Әл-фараби атындағы Қазақ ұлттық университетінің биология және биотехнология факультетінің деканы, биология ғылымдарының докторы, профессор Заядан Болатхан Казыханұлы маусымның 26 жұлдызында Қазақстан Республикасының Ұлттық Ғылым Академиясының академигі болып сайланды.
Болатхан Казыханұлы Сізді академик болып сайланған үлкен жеңісіңізбен шын жүректен құттықтаймыз!
Ғылымда қанатыңыз талмай самғай беріңіз, Қазақстан ғылымына әлі де қосатын үлесіңіз зор, Сізді қазіргі әлем ғылымындағы тың бағыттар Биоэнергетика, Фотобиотехнология салаларының биік шыңынан көрейік!
ҒАЛЫМ БОЛУ – ҚАЖЫМАС ЕҢБЕКТЕР ЖИЫНТЫҒЫ
Заядан Болатхан Қазыханұлы «Фототрофты микроорганизмдер, оларды биотехнология және биоэнергетикада пайдалану» бағыты бойынша Қазақстанда алғаш жаңа ғылыми мектебін ашты, оның жетекшілігімен әл-Фараби атындағы ҚазҰУ-нің биология және биотехнология мәселелері ҒЗИ –нің Фотобиотехнология зертханасы жұмыс жасайды. Аталмыш зертхананың негізінде фототрофты микроорганизмдер биологиясы және биотехнологиясына бағытталған ҚР БҒМ және ҚР ҰҒА қаржыландыратын 17 ғылыми-зерттеу жобалары оның жетекшілігімен жүзеге асырылды. Оның ғылыми мектебінің негізгі зерттеу бағыттары медицинада және ауыл шаруашылығына арналған биологиялық белсенді қоспалар (ББҚ) мен биологиялық белсенді жемдік қоспалар (ББЖҚ) алу, биожанармай және биотыңайтқыштар алу, қоршаған ортаның ластанған объектілеріне биомониторинг және биоремедиация жүргізу үшін болашағы мол маңызды фототрофты микроорганизмдерді іздеу және зерттеумен байланысты.
2017 жылы "Болашақ энергиясы" тақырыбына арналған Астанадағы "ЭКСПО 2017 шеңберінде биодизель алу мақсатында фотобиореакторларда микробалдырларды жаппай өсіру және мониторингілеу" жобасын басқарды.
Б.Қ. Заядан өмірінің көп уақыты мен күшін жоғары білікті маман дайындауға бөледі. Оның жетекшілігімен 6 кандидаттық және 8 PhD диссертация, 30 магистрлық диссертациялары қорғалды.
Б.Қ. Заяданның жетекшілігімен өндірістік биотехнологияда болашағы мол табиғи және мутантты 90 штаммнан тұратын әл-Фараби атындағы Қазақ Ұлттық университетінің цианобактериялар мен микробалдырлар коллекциясы (CCM KazNU - Culture Collection of microalgae, Al-Faraby Kazakh National university) құрастырылды.
Б.Қ. Заядан АҚШ, ҚХР, Польша, Ресей, Чехия, Жапония және Ұлыбританияның ірі ғылыми зерттеу орталықтарымен бірлесіп белсенді зерттеу жұмыстарын жүргізеді.
Б.Қ. Заядан жақын және шет елде, Қазақстанда жарияланымға шыққан 20- дай патент және 400-ден астам ғылыми жұмыстардың авторы, оның ішіне 15 кітап, 5 монография және International Journal of Hydrogen Energy, Journal of Biotechnology, Genome Announcements, FEMS Microbiology Letters, Photosynthesis Research, Russian journal of Plant physiology, Microbiology, Applied Microbiology and Biotechnology сияқты жоғары рейтингті халықаралық журналдарда жарияланған 80-нен астам мақалалары кіреді.
Соңғы 5 жылда публикациялар сілтемелері 448, h- индекс хирша -10 көрсетті.
Заядан Болатхан Қазыханұлы университеттердегі биология және биотехнологияны оқытудың заманауи талаптарына сәйкес келетін, биология ғылымдарының күрделі мәселелерін айқын және толық мазмұндайтын «Биомониторинг водных экосистем на основе микроводорослей», «Фототорфты микроорганизмдер биотехнологиясы», «Экологическая биотехнология фототрофных микроорганизмов» монографиялары, «Тағам биотехнологиясы», «Экологиялық биотехнология», «Basics of Biotechnology», «Биотехнология фототрофных микроорганизмов» оқулықтары және «Environmental biotechnology», «Су тоғандарының микрофлорасы», «Биотехнология негіздері», «Микробалдырлардың таза дақылдарын бөліп алу және оларды белсенді өсіру тәсілдері», «Биология талапкерлерге дәнекер», «Фототрофты микроорганизмдердің биотехнологиясы бойынша зертханалық практикум» оқу құралдары жарық көрді.
Заядан Б.Қ. биотехнология және биология мамандықтары бойынша Әл-Фараби атындағы ҚазҰУ мамандандырылған Докторлық Кеңесінің мүшесі, ҚазҰУ хабаршы (Экологиялық серия) журналының бас ғылыми редакторы. Республикалық оқу-әдістемелік Кеңесінің биология мамандықтары бойынша комиссия төрағасы.
Заядан Б.Қ. педагогикалық, ғылыми және қоғамдық қызметтеріндегі жетістіктері үшін «Қазақстан Республикасының Жоғарғы оқу орындарының үздік оқытушысы» атағына екі рет ие болды (2008ж. 2018ж.), ҚР ғылым мен техниканың дамуына үлесін қосқан ғалымдар үшін мемлекеттік ғылыми стипендиясының (2014) иегері атанды.
2016 жылы педагогикалық қызметіндегі жетістіктері үшін ҚР БҒМ «Ы. Алтынсарин» төс белгісімен марапатталды.
2017 жылы Web of Science Core Collection мәліметтері бойынша "Жасыл энергетика" саласындағы қазақстандық ғалымдар арасында 2012-2016 жылдар аралығындағы жоғары дәйексөзге келтіргені үшін Қазақстан Республикасы Білім және ғылым министрлігінің дипломымен марапатталды.
2017 жылы Springer Nature баспасының мақалаларында жарияланған жарияланым белсенділігінің жоғары көрсеткіштері үшін сертификатпен марапатталды.
2018 жылы "Қазақстан Республикасының ғылымын дамытуға сіңірген еңбегі үшін" Қазақстан Республикасы Білім және ғылым министрлігінің төс белгісімен марапатталды.
2019 жылы Қазақстан Республикасы Білім және ғылым министрлігінің "Қазақстан Республикасының Білім беру ісінің құрметті қызметкері" төс белгісінің иегері.
2019 жылы Top researcher in Engineering and technologies" номинациясында Scopus Award-2019 дипломымен марапатталды.
2019 жылы Әл-Фараби атындағы ҚазҰУ "Ерең еңбегі үшін" медалімен марапатталды.
Құрметпен, шәкірттері
Бүгін, 15 маусымда қалпына келтіруден кейін Алматы қаласының негізгі ботаникалық бағы келушілер үшін ашылды. ҚР БҒМ ботаника және фитоинтродукция институтының ботаниктеріне қала тұрғындары болып қолдау көрсетіп, алғыс айтамыз! Біздің әріптестеріміз бұл іске барлық жан-тәнін салғаны сезіледі. Біздің ботаникалық бағымыз - Қазақстанның ботаника ғылымдарының мақтанышы. Бізге көптеген экспозициялар жақсы танымал! Бұл экспозициялар: «Дәрілік өсімдіктер», «Сирек және жойылып бара жатқан өсімдіктер», «Солтүстік және Оңтүстік Америка дендрологиясы», «Шығыс Азия», оранжерея және т.б. Бақта белгілі ғалым флористтер мен ресурс зерттеушілер, дендрологтар мен фитопатологтар жұмыс істейді. Мерекелеріңізбен, әріптестер, сіздерді әл-Фараби атындағы ҚазҰУ ботаниктері құттықтайды.
Ботаникалық бақта дипломдық жұмыстар мен магистрлік диссертациялар үшін бай материалдар бар. Керемет ағаштардың көлеңкесінде отырып, осы көктемде жиналған студенттердің гербарийлерін тексере алдық. Осы уақытта бізге ересек қала тұрғындары келіп, біздің жұмысымызды қызығушылықпен бақылады. «Хабар» телеарнасының журналистері мен блогерлері сұхбат беруді сұрады. Күн өте қызықты және есте қаларлық болды!
Профессор Назарбекова С.Т.
Биоалуантүрлілік және биоресурстар кафедрасы
СҮЙІНШІ!!!
QS WORLD UNIVERSITY RANKING әлемдік үздік оқу орындарының рейтингісінде әл-Фараби атындағы ҚазҰУ-і алғаш рет топ-200ке кіріп, 165-орынды иеленіп айтарлықтай жетісітікке жетті.
Аталмыш жетістік ҚР ғылым мен техниканың еңбек сіңірген қайраткері, техника ғылымдарының докторы, профессоры, ҚР Ұлттық ғылым академиясының академигі, Ғалымқайыр Мұтанұлы Мұтановтың білікті басшылығымен, ұйымдастыру қабілетінің жоғары деңгейі әрі университет ұжымынының ерекше табандылығының арқасында келді, оған себеп университеттің басқару секторы үздік нәтижеге қол жеткізуі үшін басқару жүйесінде кешенді кластерлі модернизациялауды пайдаланды, атап айтсақ: жаңа әдісті қолдану - ұтымды жүйені енгізу - анықталған кемшіліктерді ескеру - шешу жолдарын анықтау - қажетті нәтижелерге қол жеткізу қағидасын негізге алған университетіміздің басшылығы мен барлық құрылымдарының жұмыла жүргізген еңбегінің жемісі деп білеміз!
Кафедра биоразнообразия и биоресурсов
СОVID-19 пандемиясына қарсы жалғасып келе жатқан карантинге байланысты биоалуантүрлілік және биоресурстар кафедрасы әл-Фараби атындағы ҚазҰУ-дың 1150 жылдығына арналған Түлектер күнін қашықтықтан өткізді.
Онлайн іс-шараға шамамен 40 адам қатысты, оның ішінде биология және биотехнология кафедрасы мен факультетінің түлектері.
Факультет деканы, б.ғ. д., профессор Заядан Б. К. іс-шараға қатысқан барлық түлектерді құттықтады. Деканның айтуынша, кафедра профессорлары-біздің университеттің мақтанышы және биоалуантүрлілік және биоресурстар кафедрасын дамытуға одан әрі өз үлестерін қосуға үндеу жасады.
Іс-шараның модераторы және биоалуантүрлілік және биоресурстар кафедрасының меңгерушісі, б.ғ.д. Құрманбаева М. С. да өз құттықтауларын айтып, кафедраның болашақ түлектеріне барлық жақсылықтарды тіледі. Кейін қатысушылар университеттің әнұранын тыңдап, ҚазҰУ ректорының құттықтауларын тыңдады. Әл-Фараби атындағы Қазақ ұлттық университеті, т.ғ.д., профессор Мұтанов Ғ. М. және Қазақстан Республикасы Конституциялық Кеңесінің Төрағасы, Түлектер Қауымдастығының Президенті атынан әл-Фараби атындағы ҚазҰУ, з.ғ.д., профессор Мәми Қ. А. шара барысында "ҚазҰУ: болашаққа ұмтылған Университет" атты бейнеролик көрсетілді.
Негізгі бөлімде кафедра жетістіктерімен видеоролик көрсетілді – жылыжайлар (Smart Green House), Жолдасбеков атындағы студенттер сарайында орналасқан «Қысқы бақ көрсетілді», «Аквапоника» (университет аумағындағы жасанды су айдыны), «Балықтар мен өсімдіктердің сәндік түрлерін өсіру орталығы» ҒЗО, кафедра жүргізетін ландшафтық және басқа да жұмыстар. Видеоролик факультет пен кафедра түлектерінің зор үміт артып отырған баяндамаларымен жалғасты. Бірінші кезекте б.ғ.д., МАН ЖМ корреспондент-мүшесі, профессор Шалахметова Тамара Минажевна сөз сөйледі. Одан кейін "MG" ЖШС индустриалдық форель шаруашылығының директоры Тұрсынәлі Марлен сөз сөйледі, одан кейін Нұрсұлтан Назарбаев Университетінің биоинженирия зертханасының меңгерушісі Аскарова Шолпан сөз сөйледі. Сонымен қатар докторант, Дүниежүзілік банк грантының иегері Нұркенов Туленды сөз сөйледі, ол қазіргі уақытта Америка Құрама Штаттары, Иллинойс университетінде бір жылдық тағылымдамадан өтуде. Бейнероликті кафедра докторанты, Rufford Small Grants грантының иегері және жас зоолог-энтузиаст Бижанова Назерке Әлімқызы аяқтады.
Онлайн іс-шараның қорытынды бөлімінде факультеттің атақты түлектері: биология ғылымдарының докторлары, кафедра профессорлары Мухитдинов Н. М., Сапаров К. А., Нуртазин С. Т., Мусабеков К. С., Шалахметова Т. М. сөз сөйледі. Х. Досмұхамедов атындағы ҚазҰМУ Қоғамдық денсаулық сақтау мектебі деканының орынбасары Скакова Р. Т. өз алғысын білдірді. Америкадан уақыт айырмасына қарамастан, кафедра докторанты Нұркенов Т. сөз сөйледі.
Онлайн қарым-қатынас қызу өтті, қатысқан түлектер риза болды. Соңында кафедра меңгерушісі М.С. Құрманбаеваның құттықтау сөзінен кейін, іс-шараға қатысушылар университет дайындаған "Армандастар" әнін тыңдап, ән шырқады.
Кафедраның ең ірі онлайн іс-шарасын ұйымдастырушылар: кафедра меңгерушісі Курманбаева М. С. (модератор), аға оқытушы Манкибаева С. А. (бас ұйымдастырушы), оқытушы және докторант Бижанова Н. Ә. (Бейне-оператор), оқытушылар Зорбекова А. және Тлешова М., кафедра магистранты Пангереев Б. (ұйымдастырушылар). Кафедраның магистранты Бердикулов Б., сонымен қатар оқытушылар Зорбекова А.және Тлешова М. түлектердің сөйлеген сөздері бойынша бейнені редакциялау және жасау бойынша жұмыс жасады.
Бижанов Н.Ә., оқытушысы және докторант
Биоалуантүрлілік және биоресурстар кафедрасы
Биология және биотехнология факультеті, молекулалық биология және генетика кафедрасының биылғы түлектер кездесуі онлайн форматта ZOOM платформасында өтті. Жиынға кафедра меңгерушісі Жунусбаева Жазира Кабуловна бастаған кафедра ұжымы, аға буыннан жас буынға дейінгі түлектеріміз, сонымен қатар осы 2020 оқу жылының бітіруші түлектері қатысты. Сөз басын кафедра меңгерушісі Жазира Кабуловна Әл-Фарабидің 1150 жылдық мерейтойымен, және бүгінгі атаулы күн - “Түлектер күнімен” құттықтау сөздерімен бастады. Әрі қарай жиын қатысушылары университетіміздің ректоры Мутанов Ғалымқаир Мутановичтың білімнің қара шаңырағының барлық түлектерін “Түлектер күнімен”, Ұлы ұстаз әл-Фарабидың 1150 жылдық мерейтойымен құттықтау бейне үндеуіне қосылды. Сонымен қатар, түлектерді атаулы күнмен құттықтап Түлектер қауымдастығының президенті, ҚазҰУдың 1981 жылғы түлегі Қайрат Әбдіразақұлы Мәми өз видеоқұттықтауын жолдады. Іс-шарада әрі қарай кафедрамыздың дамуы мен келешегі туралы видеоролик көрсетіліп, құттықтау легі 1975 жылғы кафедрамыздың түлегі б.ғ.к. Калимагамбетов Айткали Мажитович, 2000 жылғы түлектеріміз Чунетова Жанар Жумабековна, Алтынова Назым Калихановна т.б қазіргі таңда ғылымда айтулы жетістіктерге жетіп жүрген түлектерімізде өз құттықтауларын жеткізді. 1990 жылғы кафедрамыздың ең алғашқы түлектерің бірі,қазіргі таңда профессор,академик Бисенбаев Амангелді Куанбаевич тұспа-тұс келіп отырған қос мерекемен видео-құттықтауын жолдады. Кафедрамыздың 2007 жылғы түлегі , мақтанышы әлемдік дүрбелең туғызған COVID-19 пен қарсы күресте тест-жүйе жасап шығаруда тікелей қатысқан Ұлттық биотехнология орталығының Алматы қалалық филиалының директор орынбасары Юрий Скиба да өзінің жүрек жарды тілектерімен бөліскен видеоролигін жолдады. Сонымен қатар әлемнің, еліміздің түкпір түкпірінде өз білімдерін жетілдіріп жүрген, кафедрамыздан түлеп ұшқан түлектеріміздің де видео құттықтауларын қабылдадық. Құттықтау шеруін биылғы 2020 оқу жылының бітіруші жас түлегі Қоныс Камилада өз құттықтауымен толықтырды.
Қара шаңырақтан түлеп ұшқан түлектердің жыл сайын өтетін мерекелік іс-шарасы осы жылы онлайн форматта өткізумен шектелгеніне қарамастан түлектеріміздің бір-біріне ақ тілектерін айтып, өскелең жас буынға өнегелі ақылын жеткізіп, ерекше көңіл-күйде өтті.
Жиын соңында барлық қатысушылар бірге “Армандастар” әнін ерекше толқыныспен шырқады.
Молекулалық биология және генетика кафедрасының құрметті түлектері!!!
Сіздерді online форматта өтетін дәстүрлі түлектер кездесуіне шақырамыз.
Күні және уақыты: 30 мамыр 2020 жыл, сағат 11.00
Байланыс телефоны: +7 707 838 51 17; +7 701 129 14 31;
+7 705 612 45 45
Құрметті ҚазМУ/ҚазҰУ түлектері!
Биофизика және биомедицина кафедрасы Сіздерді 2020 жылы 30 мамыр күні сағат 12.00-де онлайн форматта өтетін әл-Фарабидің 1150 жылдығына арналған дәстүрлі ҚазҰУ түлектерінің Форумына шақырады.
Кездесу онлайн режимде Zoom бағдарламасын қолдану арқылы өткізіледі.
Әл-Фараби атындағы ҚазҰУ-да Түлектер күні 2011 жылдан бастап аталып келеді, әрі бұл биология және биотехнология факультетінің молекулалық биология және генетика кафедрасының көптеген түлектері үшін дәстүрге айналған.
Биыл Қазақ ұлттық университетінің және молекулалық биология және генетика кафедрасының Түлектер күніне орай ұйымдастырылған мерекелік іс-шаралар әл-Фарабидің 1150 жылдығына арналған және 30 мамырда online режимінде өтеді.
Бүкіл әлемді дүр сілкіндірген ковид-19 пандемиясына байланысты туындаған алуан түрлі мәселелерге қарамастан, кафедраның әр жылдардағы түлектері бұл айтулы күнді - Түлектер күнін ұмытпай, Alma mater –ге өздерінің құттықтаулары мен тілектерін жолдауда:
«Мен әл-Фараби атындағы Қазақ Ұлттық университетінің биология факультеті молекулалық биология және генетика кафедрасының 2003 жылғы түлегімін. Қазақстандағы тұңғыш университет қабырғасында терең білім алып, оны әрі қарай тәжірибеде шыңдау мақсатында білім беру саласында жұмыс жасап келемін. Тынымсыз еңбектің арқасында Қазақстан Республикасының үздік ұстазы, білім саласының құрметті қызметкері секілді жетістіктерге жеттім. Қазіргі таңда Алматы қаласында орналасқан, үздік білім беру мекемелерінің бірі, номері 44-ші мектеп-гимназияның директоры болып жұмыс атқарамын.
Осындай нәтижелі жұмысқа жетуімнің басты себебшісі бізге тәлім берген оқытушылардың еңбегі деп білемін.
Осы орайда молекулалық биология және генетика кафедрасының меңгерушісі Жунусбаева Жазира Кабуловна мен барлық оқытушылар қауымына алғысымды білдіргім келеді. Сонымен қатар, маған табандылық пен қажырлы еңбек етуді үйреткен, ерінбей үздіксіз білім алуға тәрбиелеген, менің ғылыми жетекшім болған, биология ғылымдарының докторы, өз ісінің білгірі Бисенбаев Амангелді Қуанбайұлын ерекше атап өткім келеді. Сіздерден алған тәлімімнің арқасында шәкірттерімді ғылымға баулып, осы күнге дейін өзім оқыған білім ордасымен байланысымды үзбей, үнемі тығыз қарым-қатынаста жұмыс жасап келемін.
Сіздердің берген білімдеріңіз, бізге көрсеткен жолдарыңыз бен айтқан ақылдарыңыз үшін рахметімді айтқым келеді.
Құрметті әріптестер! Сөзімнің соңында барлықтарыңызды Бітірушілер күнімен құттықтаймын!»
«Қайырлы күн! Әл-Фараби атындағы Қазақ ұлттық университетінің оқытушылар қауымы және түлектері!
Сіздерді түлектер күнімен шын жүректен құттықтаймын. Сіздерге дендеріңізге саулық, еңбектеріңе мол табыс тілеймін. Мен осы аталған университеттің биология және биотехнология факультетінің молекулалық биология және генетика кафедрасының 2005 жылғы түлегімін. Университет қабырғасында алған терең білімімнің нәтижесінде Өсімдіктер физиологиясы және биотехнолониясы институтының аспирантурасына қабылданып, кандидаттық диссертациямды академик Палымбетова Фатима Абылқайырқызы мен молекулалық биология және генетика кафедрасының профессоры Айташева Зауре Гаинетдинқызының жетекшілігімен қорғап, «Болашақ» бағдарламасымен Амераика Құрама Штаттарында молекулалық генетика саласы бойынша ғылыми тағылымдамадан өттім. Қазіргі уақытта Нұрсұлтан қаласындағы С.Сейфуллин атындағы Қазақ агротехникалық университеті агрономия факультетінің егіншілік және өсімдік шаруашылығы кафедрасының қауымдастырылған профессоры қызметінде еңбек етудемін. Сонымен қатар, гранттық қаржыландыру бағдарламасы бойынша ғылыми жобалармен зерттеу жұмыстарын жүргізудемін.
Осы жеткен жетістіктерімнің барлығы үшін, бізге аянбай білім берген, білікті маман ретінде қалыптасуымызға зор үлесін қосқан университеттің, соның ішінде молекулалық биология және генетика кафедрасының профессорлық-оқытушылар қауымына үлкен алғысымды білдіремін».
«Құрметті түлектер! Сіздерді бәрімізге ортақ мереке - әл-Фараби атындағы Қазақ ұлттық университетінің Түлектер күнімен құттықтаймын!
Мен біздің университетіміздің биология және биотехнология факультетінің, молекулалық биология және генетика, биоалуантүрлілік және биоресурстар кафедрасының түлегімін. Бүгінде мен университетіміздің түлектерінің бірі Байкошкарова Салтанат Берденқызы құрған Қазақстандағы алғашқы «Экомед» экстракорпоралді ұрықтандыру орталығының директорымын. Біз өзіміздің университеттегі студенттік шақтарды үлкен ризашылықпен, күлімсірей еске аламыз. Біздің біліктілігі жоғары мамандар боуымызға орасан зор еңбек сіңірген барлық оқытушыларға үлкен алғысымызды білдіреміз. Осы орайда мен Шалахметова Тамара Минажевнаны, Бисенбаев Амангелді Қуанбайұлын, Саугабаев Қаламқас Магзамқызын ерекше атап өткім келеді».
Токубаева Анар Адильхановна:
«Мен, биология ғылымдарының РhD докторымын. Мен де қазақ ұлттық университетінің молекулалық биология және генетика кафедрасының түлегі болып табыламын, қазіргі таңда экстракорпоралді ұрықтандыру лабораториясының эмбриолог-генетигі болып қызмет атқарамын.
Мен молекулалық биология және генетика кафедрасының профессорлық-оқытушылық ұжымын Түлектер күнімен шын жүректен құттықтай отырып, алғысымды білдіремін, оның ішінде Шүлембаева Күлзия Қонысбаевна мен Айташева Зауре Гайнетдиновналарға алғысым шексіз».
Рахметова Нуржамал Ғалымжанқызы:
«Мен молекулалық биология және генетика кафедрасының түлегімін, қазіргі таңда экстракорпоралді ұрықтандыру лабораториясының эмбриологы баолып жұмыс атқарамын.
Мен де оқытушым Калимагамбетов Айтқали Мажитұлына, ғылыми жетекшім Бекманов Бақытжан Орақбайұлына үлкен алғысымды білдіргім келеді. Сіздерге үлкен рахмет. Баршаңызды Түлектер күнімен құттықтаймын».
«Мен әл-Фараби атындағы Қазақ ұлттық университетіндегі биология және биотехнология факультетінің молекулалық биология және генетика кафедрасының 2012 жылғы бакалавр, 2014 жылғы магистр түлегімін. Бүгінгі күнге орай, барлық түлектерді осы мерекемен шын жүректен құттықтаймын. Сондай-ақ барлық ұстаздарыма, кафедраға, өзім білім алған молекулалық генетика лабороториясына, әсіресе ғылыми жетекшілерім Амангелді Куанбаевич пен Назгүл Абдуллаевнаға үлкен рахметімді, алғысымды білдіргім келеді.
Қазақ ұлттық университетінің қабырғасында академиялық мобилділік бағдарламасы бойынша Германияның Штуртгарт қаласындағы Хоэнхайм университетінде білімімді жетілдіруге мүмкіндік алдым. Университет бітіргеннен кейін Назарбаев университетінде, Францияның Густав Росси клиникасымен бірлесіп геном тұрақтылығы және ДНҚ репарациясы саласында біраз зерттеу жұмыстарын жүргіздім. Қазіргі кезде өз білімімді жалғастыру үшін Америка Құрама Штаттарының Аризона штатының университетінде доктарантурамды жалғастырудамын. Клеткалық биология саласында. Бұйыртса, осы алған білімдерімді, ҚазҰУ-дан, осы жерден алған білімімді шыңдап Қазақстанның болашағын дамытуға өз үлесімізді қосамыз деп үміттенемін».
«Мен әл-Фараби атындағы Қазақ ұлттық университетінің биология және биотехнология факультеті молекулалық биология және генетика кафедрасының 2003 жылғы түлегімін. Университет қабырғасында алған біліміммен әрі қарай жаңа биіктерді бағындыру мақсатында Чехия мемлекетінің Оңтүстік Чех университетінде докторантураның 3-курсында оқуымды жалғыстырудамын. Ал соның шырағы болған, жол бастаушы болған кафедрама, университетіме алғысымды білдіргім келеді. Барлық білім берген оқытушы-профессор құрамына алғыс айта отырып, ғылыми жетекшілерім биология ғылымдарының кандидаты Жунусбаева Жазира Кабуловна мен профессор Омирбекова Наргүл Жаппаровналарға алғысым шексіз. Сөзімнің соңында барлық түлектерді Әл-Фарабидің 1150 жылдығына арналған Түлектер күнімен құттықтаймын! Тәуелсіз еліміздің гүлденіп, өсіп өнуіне лайықты қызмет ету жолында баршаңызға зор денсаулық, мол табыстар тілеймін».
«Мен әл-Фараби атындағы Қазақ ұлттық университетінің биология және биотехнология, молекулалық биология және генетика кафедрасының 3 курс докторантымын. 2018 жылы мен «Абай Верн» грантының иегері атандым. Соған байланысты мен Париж-Сакле университетінде Қазақстан мен Франция арасындағы қос келісім бойынша оқуымды жалғастырудамын. Мен ғылыми жұмысымды Густав Росси институтында геномдық интеграция және канцерогенез зертханасында доктор Мұрат Сапарбаевтың басшылығымен өсімдіктер мен жануарлардың геномдық тұрақтылығы және ДНҚ репарациясы мәселелері бойынша ДНҚ репарациясы тобында зерттеумен айналысып жүрмін.
Қазақ ұлттық университеті маған өзімнің алған білімімді ғылым жлында жүзеге асыруға мүмкіндік берді. Молекулалық биология және генетика кафедрасының барлық оқытушыларына, әсіресе ғылыми жетекшім профессор және академик Биесбаев Амангелді Қуанбайұлына алғысымды білдіргім келеді. Біздің Alma Mater түлектерінің барлығын Түлектер күнімен құттықтаймын!».
«Мен әл-Фараби атындағы Қазақ ұлттық университетінің биология және биотехнология факультетінің молекулалық биология және генетика кафедрасының 2017 жылғы магистр түлегі болып табыламын. 28 мамырда Қазақ ұлттық университетінің қабырғасында Түлектер күні аталып өтеді және осыған орай мен өзімнің білім алған кафедраның оқытушылары мен профессорлық ұжымына, әсіресе өзімнің ғылыми жетекшім Бисенбаев Амангелді Қуанбайұлы мен Сабира Мықтыбекқызына үлкен алғысымды білдіремін.
Қазақ ұлттық университетінің қабырғасында білім ала отырып, мен Республикалық физика-математика мектебінде биология пәнін ағылшын тілінде оқыту және өзімнің дипломдық жұмысымды лабораториялық жағдайда жүргізу арқылы үлкен тәжірибе жинадым. Сонымен қатар Голландияның Утрехт қаласындағы Утрехт университетінде гендік терапия бойынша жаздық мектепке қатыстым, және өзімнің кафедрамның ұстаздарының ұсынысы бойынша мен магистратураның екінші жылын Париж-Сакле университетінде оқып шықтым. Бұл «Абай-Верн» стипендиялық программасының аясында жүзеге асты. Осы кезеңде мен Густав Росси онкологиялық институтында 6 ай тәжірибе жасап, соңында, осы жерде Франция мемлекетінің грантын ұтып алдым. Қазіргі таңда, үш жылдық докторант келісім-шартына қол қойып, Paris-Sud университетінің медицина факультетінде онкологиялық бағытта зерттеу жұмыстарын жүргізудемін. Қазіргі таңда ДНҚ-репарациясымен айналысып жүрмін».
«Мен әл-Фараби атындағы Қазақ ұлттық университетінің түлегімін. 2018 жылы биология және биотехнология факультетін бітірдім. Қазіргі уақытта мен Оксфорд университетінде магистрлік зерттеуімді жүргізіп жатырмын.
Үлкен ғылым әлеміне жол ашуға көмектескен білімі мен тәжірибесі үшін кафедраның барлық оқытушылар құрамына және жетекшім Бисенбаев Амангелді Қуанбайұлына алғысымды білдіремін».
