2022 жылы 18 қарашада филология факультетінің шет тілдер кафедрасының аға оқытушылары «Айналаңды нұрландыр» жобасы аясында «Қазақстан қалалары» тақырыбында Химия және химиялық технология факультетінің 1-ші курс, тарих, археология және этнология факультетінің 4 курс, биология және биотехнология факультетінің 1 курс студенттерімен танымдық іс-шара өткізді. Бұл іс-шара екі тілде өтті: ағылшын және неміс. Іс-шара химия және химиялық технология факультетінің 221 аудиториясында өтті.

Қараша айының 17-жұлдызында "Айналаңды нұрландыр!"университет жобасы аясында унивеситетіміздің Филология факультетінің Шет тілдері кафедрасының оқытушыларының ұйымдастыруымен Жолдасбеков атындағы корпустың сары залында халықаралық студенттер күніне арналған "Ең тәтті, студенттік өмір" атты іс-шара ұйымдастырылды.

2022 жылдың 16 қарашасында сағат 17:00-де «Қазақстандағы түркі диахрондық этнотілтанымдық мәдени компаративистиканың даму болашағы туралы ой толғаулар» атты Халықаралық ғылыми-әдістемелік семинар өтті.

2022 жылдың 16 қарашасында Халық жазушысы Ә. Нұршайықовтың 100 жылдығына орай әл-Фараби атындағы Қазақ ұлттық университеті филология факультетінің Орыс филологиясы және әлем әдебиеті кафедрасы авторды еске алуға арналған дөңгелек үстел (әдеби кеш) өткізді.

2022 жылғы қараша күні сағат 16.00 – де "Әл Фараби: Ізгі қала тұрғындары" тақырыбы нда іс шара өткізілді.

2022 жылдың 15 қарашасында Философия және саясаттану факультеті 1 курс магистранттары «Әділетті Қазақстан» атты дөңгелек үстел өткізді.

2022 жылғы 8 және 15 қарашада Әл-Фараби атындағы Қазақ ұлттық университетінің филология факультетінің қазақ әдебиеті және әдебиет теориясы кафедрасы мен "Жәдігер" клубы "Қоңырсын қалам" әдеби-музыкалық кешін ұйымдастырып, өткізді.

Оның мақсаты – факультеттер мен университеттердің студенттері арасында шығармашылық байланыстар орнату және дамыту.

Әдеби-музыкалық кешке ҚазҰУ-дың филология, тарих факультеттерінің студенттері мен С. Демирел атындағы Университеттің студенттері қатысты. Кездесу аясында музыкалық композициялар орындалды. Студенттер өздерінің поэтикалық шығармаларын оқыды. Олар өздерінің шығармашылық жоспарлары мен идеяларымен алмасты.

ҚазҰУ-дың филология факультеті А. Байтұрсынұлы атындағы Қазақ тіл білімі кафедрасының оқытушысы Ш.Ә.Рамазанова 2022 жылдың 15 қарашасында «Алматы дарыны» орталығының ұйымдастыруымен өткен «Жыл оқушысы» атты Республикалық конкурсының қалалық кезеңіндегі байқауда қазылар алқасының құрамында қазылық етті.

2022 жылдың 14 қарашасында физика-техникалық факультетінде «Жетістіктің бастауы – ҚазҰУ!» ("The First Steps to Success start at KazNU") атты іс-шара өтті. Іс-шараға «Физика», «Физика және астрономия», «Техникалық физика», «Физика және нанотехнология», «Электр энергетикасы», «Өндірістік электроника және басқару жүйелері» және «Жылу энергетикасы» мамандықтарының қазақ және орыс бөлімдерінің 1 және 2 курс студенттері қатысты.

Әл-Фараби атындағы ҚазҰУ филология факультетінің аға оқытушысы: Шет тілдері кафедрасынан Тлеулинова Мейрамкүл Бейсенбайқызы мен қазақ әдебиеті және әдебиет теориясы кафедрасынан Шегебаев Айбек Маратұлы бірлесіп ағылшын тілін оқыту платформасын әзірледі: SPACEENGLISH.KZ.