2023 жылғы 4 желтоқсан мен 26 желтоқсан аралығында Үндістанның Индустрия инженерлік-технологиялық колледжінің Инженерлік механика кафедрасының профессоры, д-р. Моханрадж Муругесан Механика кафедрасының профессор қызметін атқарушы Беляев Е.К. шақыруымен «Different Applications of Compression Heat Pumps» тақырыбында дәріс оқыды.
Әл-Фараби атындағы Қазақ ұлттық университеті механика-математика факультеті механика кафедрасының қауымдастырылған профессоры, PhD Беляев Е.К. ҚР Ғылым және жоғары білім министрлігі жариялаған дәстүрлі «Үздік ғылыми қызметкер – 2023» байқауының жеңімпазы атанды.
Механика-математика факультетінде педагогикалық практика барысында 1-курс докторанттары А.Абекова, Ж.Айтуганова, Б.Меркибаевалардың ұйымдастырыуымен Орнықты даму мақсаттары (ЦУР) аясында "Біз темекіге қарсымыз" атты тәрбие сағаты өтті.
Абай-Верн стипендиялық бағдарламасы Қазақстан Республикасының Ғылым және жоғары білім министрлігі мен Франция Республикасының Еуропа және Сыртқы істер министрлігінің бірлескен бағдарламасы болып табылады. Француз-қазақ аралас Комиссиясы отырысының қорытындысына сай магистратура аясында Францияда оқуға 30 үміткер мақұлданған. Сол жеңімпаздардың 7-і Әл-Фараби атындағы ҚазҰУ Механика-математика факультеті "Механика" кафедрасының магистранттары екенін қуана жеткіземіз.
7-10 қазан аралығында Сингапурда робототехника бойынша халықаралық жарыстар өтті, оған 191 елдің өкілдері қатысты. Бас жеңімпаз механика кафедрасының PhD докторанты, robomech ғылыми-білім беру орталығының белсенді мүшесі және USTEM FOUNDATION (Қазақстан және Орталық Азияда инженерия дамыту Қоғамдық қорының) негізін қалаушылардың бірі Досмағамбет Нұрдәулет Қайратұлы басқаратын Қазақстан құрама командасы болды.
Механика кафедрасының профессор қызметін атқарушы, АР14872287 «Континенталды климатта күн жылу энергиясын каскадты сақтау тиімділігін фазалық ауыспалы материалдар негізінде зерттеу» тақырыбындағы жоба жетекшісі, жетекші ғылыми қызметкер Беляев Е.К. 2023 жылдың 1 қазан мен 8 қазан аралығында Чехия, Далешчице қаласында Themophysics 2023 (http://thermophysics.fch.vut.cz/2023/index.php) жыл сайынғы халықаралық термофизика конференциясына қатысты.
Курсқа 14 елден 17 қатысушы қатысты. 17 шілдеден 1 қыркүйекке дейін созылған бұл тренинг үш кезеңнен тұрды. Бірінші кезеңде (17 шілде -20 тамыз) онлайн лекциялар Moodle жүйесінде жүргізілді. 21 тамыздан 30 тамыз аралығында Жапонияның Нихон университетінде практикалық бөлімі өтті. Курстың үшінші кезеңінде қатысушылар ArkEdge Space, IHI aerospace, IHI Corporation, INAMI Space Laboratory, Japan Manned Space Systems Corporation, NEC Corporation, Hatta Yamamoto Propulsion Engineering and Research компанияларының қызметкерлеріне наноспутниктерді және олардың ішкі жүйелерін жобалау бойынша дәріс беріп, лабораториялық сабақтар жүргізді.
әл-Фараби атындағы Қазақ ұлттық университеті ректорының 2023 жылдың 30-маусымындағы №367 бұйрығына сәйкес т.ғ.д., профессор м.а. Утенов Муратулла Умаралиұлы 70 жылдық мерейтойына орай Университеттің дамуына қосқан үлесі үшін Әл-Фараби атындағы Қазақ Ұлттық Университетінің «EREN ENBEGI USHIN» медалімен марапатталды.
әл-Фараби атындағы Қазақ ұлттық университеті ректорының 2023 жылдың 11-шілдесіндегі №392 бұйрығына сәйкес механика кафедрасының жетекші маманы Тұрарова Жанылкуль Қияшқызы 60 жылдық мерейтойына орай Университеттің дамуына қосқан үлесі үшін Әл-Фараби атындағы Қазақ Ұлттық Университетінің «EREN ENBEGI USHIN» медалімен марапатталды.
2022 жылдың 20 қазанында №536 ректордың бұйрығына сәйкес ф.ғ.к., профессор м.а. Рақышева Зәуре Баянқызы Университеттің дамуына қосқан үлесі үшін Әл-Фараби атындағы Қазақ Ұлттық Университетінің «EREN ENBEGI USHIN» медалімен марапатталды.
