2023 жылдың 21 қыркүйегінде Халықаралық қатынастар факультетіндегі БҰҰ туралы Академиялық аймақтық ресурстық ақпарат орталығы БҰҰ Жаһандық коммуникациялар департаментінің Алматыдағы өкілдігінің қолдауымен Халықаралық бейбітшілік күніне арналған халықаралық дөңгелек үстел ұйымдастырды.

Дөңгелек үстелді орталық директоры Лейла Деловарова мен БҰҰ Жаһандық коммуникациялар департаментінің Алматыдағы өкілдігінің басшысы Властимил Самек ашты. Властимил Самек жастардың бейбітшілік пен 17 ТДМ-ны ілгерілетудегі рөлін, сондай-ақ маңызды идеялар мен бастамаларды ілгерілетудегі халықаралық қатынастар студенттерінің рөлін атап өтті.

Дөңгелек үстел аясында бейбітшілікке үлкен кедергі болып отырған халықаралық қатынастардың жаһандық мәселелері бойынша бейнероликтер, презентациялар, суреттер, баяндамалар ұсынылды. Студенттер мен жас ғалымдар да өскелең ұрпақтың бейбітшілікті сақтаудағы және Тұрақты дамудың 17 мақсатын жүзеге асырудағы рөлін атап өтті. Іс-шара барысында қатысушылар 1,2,3,4, 5,16 және 17 ТДМ қамтыды.

Дөңгелек үстелге қатысушылар ТДМ барлығын бейбіт, әділ және еркін қоғам құруға жақындатады деп келіседі. 

Шараға «Adal Urpaq» ерікті жастар қозғалысы демеушілік жасап, белсенді қатысушыларға естелік сыйлықтар табыс етті.

Іс-шара соңында серіктестер, факультет және орталық басшылығы 17 ТДМ тұрақты дамуы мен іске асырылуына жәрдемдесу жөніндегі алдағы жоспарларды талқылады.