Халықаралық Жер-Ана күніне арналған жалпы қалалық сенбілік
Көрулер: 683
2023 жылдың 22 сәуірі Халықаралық Жер-Ана күні. Әл-Фараби атындағы ҚазҰУ биология және биотехнология факультетінің «Молекулярлық биология және генетика» кафедрасының әкімшілігі, қызметкерлері, оқытушылар құрамы мен студенттері осы күнге арналған жалпықалалық сенбілікке қатысты.
Сенбілік абаттандыру, көгалдандыру және санитарлық тазалау жұмыстарын жүргізуге бағытталды. Күннің шуақтылығы мен көтеріңкі көңіл-күй кафедраға бөлінген аумақты қоқыс пен құрғақ жапырақтардан тазартуға мүмкіндік берді.
Халықаралық Жер-Ана күні біздің әрқайсымызға планетамызға және оның экожүйелеріне қарыздар екенімізді еске салуға мүмкіндік береді. Осы Халықаралық Жер-Ана күнінде бәріміз, адам мен табиғаттың үйлесімділігіне ұмтылуымыз керектігін түсінуіміз керек. Халықаралық Жер-Ана күні бізге планетаны құтқару үшін адамзат алдында тұрған қиын міндеттер туралы білуге мүмкіндік береді.
Молекулалық биология және генетика кафедрасының ұжымы