Бәсекеге қабілетті маман даярлау, ғылым мен өндірісті ұштастыру, отандық ғылымның прогрессивті шешімдерін өндірістік секторға енгізу Президент алға қойған маңызды міндеттер қатарында екені мәлім. Осы орайда Әл-Фараби атындағы ҚазҰУ мен «Семізбай U» ЖШС арасында жасалған Келісім шарт негізінде Механика – математика факультеті механика кафедрасының 4 – курс студенттері Есберген Жандаулет пен Мейрамбекова Нұрай Ақмола облысындағы «Семізбай U» кенішінде өндірістік және дипломалды практикалардан өтті.

Әл-Фараби атындағы Қазақ ұлттық университеті механика-математика факультеті, Механика кафедрасының оқытушысы, робототехникалық жүйелер мамандығының 3 курс докторанты Берік Сағитжанов 21 ғылыми бағыт бойынша 16 шет мемлекеттер қатысқан халықаралық конференциядан I дәрежелі «ҮЗДІК ҒЫЛЫМИ ҚЫЗМЕТКЕР - 2023» медалі және дипломымен марапатталды.

2023 жылы 3 - 31 наурыз аралығында Францияның Нанси қаласында орналасқан Лотарингия университетінің қауымдастырылған профессоры Джулия Майнка әл – Фараби атындағы Қазақ ұлттық университеті механика – математика факультеті механика кафедрасының «7М05405 - Механика және энергетика» білім беру бағдарламасының бірінші курс магистратура студенттеріне «Энергетикалық жүйелердің термодинамикасы» тақырыбы бойынша қашықтан сабақ жүргізді.

2023 жылдың 12 сәуірінде Гумилев атындағы Еуразия Ұлттық Университеті ғылым күні аясында ұйымдастырған “Ғылым және білім-2023” халықаралық ғылыми конференциясына ҚазҰУ студенттері қатысып жүлделі орын алды.

Әл-Фараби атындағы Қазақ Ұлттық Университетінің механика-математика факультеті «Механика» кафедрасының 4 курс студенттері Абдидин А.Н. мен Момыш Н.Б. аталған конференцияның « Машина жасау және энергетика саласындағы инновациялық даму тенденциялары» бөліміне қатысып, 2-орын иеленді.

Әль – Фараби атындағы Қазақ ұлттық университеті механика – математика факультеті механика кафедрасының аға оқытушысы Джамалов Нутпулла Камалович Қазақстан Республикасының білім және ғылым саласын дамытуға елеулі үлес қоса отырып, өркендеу жолында атқарған абыройлы еңбегі мен адал қызметі үшін ҚҰРМЕТ ГРАМОТАСЫМЕН марапатталды.

Әл-Фараби атындағы Қазақ ұлттық университеті механика математика факультеті механика кафедрасында жас ғалымдар мен студенттердің «Фараби әлемі» конференциясы оффлайн режимде өтті.

"Тұтас орта механикасы", "Теориялық және қолданбалы механика", "Ғарыштық техника және технологиялар",  секциялары бойынша жеңімпаздар анықталды.

«Механика және энергия» мамандығының 1 курс магистранттары педагогикалық практика аясында «Тұрақты дамудың 17 мақсаты», «Таза су және санитария», «Климаттың өзгеруіне қарсы күрес», «Қолжетімді және таза энергия көздері», «Жер сілкінісі», «Жауапты тұтыну және өндіріс», және «И.Д.Малюков» тақырыптарында ашық сабақ өтті.

2023 жылдың сәуір айының 6 күні механика – математика факультеті, механика кафедрасында «Фараби әлемі» атты тұтас орта механикасы,теориялық және қолданбалы механика, ғарыштық техника және технологиялар бөлімдері бойынша студенттер мен жас ғалымдардың халықаралық ғылыми конференциясы өтті.

Студенттік-бизнес инкубатор (СБИ) атты бизнес жобалар жарысына механика – математика факультеті механика кафедрасы робототехникалық жүйелер мамандығының 2-курс магистранты Әзіл Заманбек «Temirqanat» бизнес проектісімен қатысып, 3 орынды иеленді.