Әл-Фараби атындағы Қазақ ұлттық университетінде Жоғары оқу орнына дейінгі дайындық факультетінің (2011 ж.), Журналистика факультетінің (2015 ж.) түлегі Саид Самим Фарамарзға арналған «Ауғанстандағы журналистика» атты Қазақстандағы ауған жастары күні өтті.

Әл-Фараби атындағы Қазақ ұлттық университеті журналистика факультетінің 85 жылдығына орай Баспасөз және электронды БАҚ кафедрасының ұйымдастыруымен “ТЕЛЕРАДИОЖУРНАЛИСТИКА” апталығы негізінде факультетімізге КТК телеарнасы ақпарат бөлімінің тілшісі Сымбат Ғалымбакұлы арнайы келіп өз тәжірибесімен бөлісті.

«Ретро FM»-ның бас редакторы, Қазақстан сән апталығының PR-директоры, «Unity» отбасылық фестивалінің директоры, ҚазҰУ журналистика факультетінің түлегі – Ботагөз Алдоңғарова шеберлік сағатында журналистика мамандығы, журналистика этикасы, сондай-ақ өзінің ҚазҰУ-дағы студенттік өмірі туралы шеберлік сағатын өткізді.

17 қазан күні журналистика факультетінде «Ұлттық рух ұясы» апталығының аясында белгілі радиожурналист Маржан Тұрысбекқызының «Өнернама» атты кітабының таныстырылымы болып өтті.

Әл-Фараби атындағы қазақ ұлттық университеті журналистика факультетінің 85 жылдығына байланысты Баспасөз және электронды БАҚ кафедрасының ұйымдастыруымен 14-26 қазан аралығында «Ұлттық рух ұясы» атты апталықтар өткізілуде.

14 қазанда журналистика факультетінің үлкен залында Баспасөз және электронды БАҚ кафедрасының «Ұлттық рух ұясы» апталықтарының аясында факультет түлегі, «Кaspi Bank» АҚ баспасөз хатшысы Ербол Азанбектің студенттерге шеберлік сыныбы болып, «Мінбер» журналистерді қолдау орталығынан 2019 жылы жарық көрген «Іскерлік журналистика» - көмекші құралының таныстырылымы болып өтті. 

2019 жылдың 7 қазанында әл-Фараби атындағы ҚазҰУ-дың журналистика факультетінде Сидней университетінің медиа және коммуникациялар бөлімінің құрметті қызметкері, доктор Беате Джозефидің «Worlds of Journalism Study»,  тақырыбында дәрісі өтті, онда ол журналистиканың өзекті мәселелері бойынша жаңа кітабын және WJS халықаралық зерттеу жобасының соңғы нәтижелерін таныстырды. 

2019 жылдың 11 қыркүйегі «Qazaqstan» телеарнасы 6B03201 Журналистика мамандығының 1 курс студенттеріне арнайы саяхат ұйымдастырды. Мақсаты: болашақ журналистерді телевидениенің қыр-сырымен таныстыру, тәжірибемен бөлісу.

        28 тамыз күні, Біріккен Ұлттар Ұйымының жаңа ғимаратында Халықаралық ядролық сынақтарға қарсы күнге арналған халықаралық дөңгелек үстел өтті.