Менің атым Мұхамеджан Саида және менің Польшадағы академиялық ұтқырлық тәжірибем менің білім алуымдағы жаңа саты болып саналады.Әл-Фараби атындағы ҚазҰУ университетінің Филология факультетінің үшінші курс студенті ретінде Ғылым және Жоғарғы Білім Министірлігінің студенттермен алмасу бағдарламасы арқылы Польша мемкелетінің Познань қаласындағы Адам Мицкевич Университетінде оқу мүмкіндігін пайдалануды шештім.

Польшадағы алғашқы апталар толқулар мен жаңа ортаға бейімделуге толы болды. Познаньдағы жаңа өмір мен үшін қызықты болды. Мұнда мен көпжақты мәдениетті кездестірдім, жаңа дәстүрлер мен тілге тап болдым. Жергілікті студенттермен және оқытушылармен қарым-қатынас менің көзқарасым мен білімімді кеңейтіп, тәжірибемді байытты.

Адам Мицкевич университетіндегі оқу процесі мен үшін мүлде жаңа деңгей болды. Дәрістер мен семинарлар маған пәндерді тереңірек зерттеуге мүмкіндік берді. Оқытушылар талқылауға ашық болды және әртүрлі елдердің студенттерімен пікір алмасу менің білім беру тәжірибемді одан да құнды етті.

Менің алмасуымдағы маңызды сәттердің бірі күнделікті өмірде тілдерді оқу мен тәжірибені біріктіру болды. Жергілікті тұрғындармен қарым-қатынас жасау және тіл клубтарына қатысу маған неміс және ағылшын тілдерін білу деңгейімді жақсартуға көмектесті. Бұл тек тілдік тәжірибеге ғана емес, сонымен қатар ел мәдениетіне ену мүмкіндігіне айналды.

Сонымен қатар, Польшада студенттермен алмасу маған бүкіл ел бойынша саяхаттауға және оның бай мұрасы мен әдемі табиғи пейзаждарымен танысуға бірегей мүмкіндік берді. Тарихи орындарға, фестивальдерге бару және жергілікті тұрғындармен араласу маған Польша мен оның ерекше тарихын жақсы түсінуге көмектесті.

Познаньда студенттермен алмасу мен үшін академиялық қиындық қана емес, сонымен қатар менің әлемге деген көзқарасымды өзгерткен және тұлғалық тұрғыдан байытқан керемет саяхат болды. Бұл тәжірибе менің білімімде және жеке дамуымдағы керемет қадам деп санаймын.