Әл-Фараби атындағы Қазақ ұлттық университетінің Басқарма Төрағасы-Ректоры Жансейіт Қансейітұлы Түймебаев мырзаның бастамасымен Мемлекеттік сыйлықтың иегері, Еңбек ері, жазушы Дулат Исабековтің ҚазҰУ-дағы көшбасшылық дәрісі өтті. Ректор Дулат Исабековке университеттің "Құрметті профессор" атағын тапсырды.
Әл-Фараби атындағы Қазақ ұлттық университетінде кезектен тыс президент сайлауында дауыс беру үшін үш сайлау учаскесі жұмыс істеуде.
2022 жылдың 18 қаршасында ЖОО-ға дейінгі білім беру факультетінде ф.ғ.к., доцент Қоңырова Ақбота Тұрағұлқызының "Қарым-қатынас жасаудың кезеңдері" атты семинар-тренингісі өтті. Коммуникацияның сәтті жүзеге асу жолдары түсіндірілді. Мазмұнды, тартымды берері мол шара болды.
Әл-Фараби атындағы Қазақ ұлттық университеті жатақханаларға күрделі жөндеу жүрізіп, бөлмелерді кеңейту арқылы орын тапшылығын шеше бастады. Осы тәсіл арқылы оқу орны алдағы уақытта жатақханалардағы орын санын 2000-ға көбейтуді көздеп отыр.
12.11.2022ж. Жоғары оқу орнына дейінгі дайындық кафедрасында “Шамшырақ” мәдени-танымдық клубының аясында “Мың бір мақал, жүз бір жұмбақ” атты білім сайысы өтті. 📚Сайыстың мақсаты: Тіл шеберлігін қалыптастыру, сөз мәдениетін дамыту. Сайыс 7 турдан тұрды: Сайысты 3 топ тыңдаушысы Космановт Дамыс жүргізді. Сайысқа қатысушы үміткерлер екі топқа бөлініп, білімдерін сынады. Мақал сайысы мақал-мәтелдің мәнің түсіндіру, жұмбақ жасыру, тұрақты тіркестердің мағанасын ашу сияқты сайыстарда топ мүшелері қызықты да қызу жарысқа түссе, топ басылары жаңылтпашты мүдірмей қатесіз айту жарысында сайыстың көркін қыздыра түсті. Нәтижесінде “Алғырлар” тобы 23 ұпай, ал “ Жас-Ұлан “ тобы 28 ұпаймен алға шығып білімділіктерін көрсетті.Сайыс соңында “Шамшырақ” клубының жетекшілері: Ж.С. Әділханова, Г.Т. Тилеужанова, Г.М. Мужигова екі топтың ұпайлар санын анықтап, қазақтың тіл байлығындағы асыл қазынамызды жастар есінде мәңгі сақтап, ұмытпай өмірлеріне азық ететін білім алды шәкірттерімізге білім игеруде қанаттары талмай, биік белестерді бағындыра берулеріне тілектерін айтты.
Әл-Фараби атындағы ҚазҰУ-дың дәстүрлі түрде өтетін “Farabi fest”-2022 ж. Халық биі номинациясы бойынша Бас жүлде иегері Моңғолия Республикасынан келген 8 топ тыңдаушысы Хайрол Ахгүл атанды. Универтитеттің барлық факультетінен қатысқан жастар арасында моңғолдың дәстүрлі биін кәсіби түрде орындап шыққан Ахгүл барлық кезеңнен сүрінбей өтіп, қазылар алқасын өнерімен тәнті етті. Ахгүлге жарқын болашақ тілейміз! Алар асулары көп болсын!
Әл-Фараби атындағы ҚазҰУ-дың дәстүрлі түрде өтетін “Farabi fest”-2022 ж. Халық биі номинациясы бойынша 2 орын жүлдегері Қытай Халық Республикасынан келген ЖОО-ға дейінгі дайындық кафедрасының 6 топ тыңдаушысы Әбдіхалел Бейбіт атанды. Бейбітті қолдап, құттықтау үшін дайындық кафедрасының тыңдаушылары мен ұстаздары бұл шараға белсенді ат салысты. Бейбіт, жеңісіңіз құтты болсын!! Әрқашан биіктерден көрінуіңізге тілектеспіз!!!
Әл-Фараби атындағы ҚазҰУ алғаш рет QS Азия өңірі жоғары оқу орындарының рейтингіне еніп, 44-орынға ие болды. Сондай-ақ, ҚазҰУ «QS Asia University Rankings 2023: Орталық Азия» рейтингінде 1-ші орын алып, Орталық Азиядағы бірінші жоғары оқу орны болып танылды. 2023 жылғы шығарылымда әл-Фараби атындағы ҚазҰУ QS Asia University Rankings рейтингінде үздік 6% қатарына енді.
2009 жылдан бастап жыл сайын шығарылатын QS Asia University Rankings рейтингі жыл сайын Азияның үздік университеттерін бөліп көрсетеді.
ҚазҰУ «QS Asia University Rankings» рейтингіне алғаш рет әлемге әйгілі Сингапур Ұлттық университеті, Пекин университеті, Токио университеті, Малай университеті, Корей университеттермен қатар алғаш рет қатысуда.
2022 жылдың 3 қарашасында жоғары оқу орнына дейінгі білім беру факультетінде Баян-Өлгей аймағының әкімі Бақытжан Дәлелұлымен кездесу өтті. Кездесу барысында Бақытжан мырза тыңдаушыларға өзінің ақыл-кеңесін айтып,сұрақтарға жауап берді.Факультет деканы С.Қ.Суатай келген қонаққа университет атынан сый-сияпатын табыстап,алғысын білдірді.Кездесуге жиналған қауым тыңдаушылар дайындаған шағын концерттік бағдарламаны тамашалады. Кездесуден кейін Бақытжан Дәлелұлы әл-Фараби атындағы Қазақ ұлттық университетінің кітапханасына барды.Ұлы ғұлама бабамыз әл-Фарабидың рухани мұраларына арналған әл-Фараби мұражайын көріп,кітапхананың құрылымдық бөлімдерімен танысты.
ЖОО-ға дейінгі дайындық кафедрасының тыңдаушыларының қатысуымен ағылшын пәні сабағынан заманауи халықаралық мерекелердің Halloween-ды атап өтті. Ашық сабақта шетелдік мерекенің маңызы, шығу тегі, тарихы айтылды. Осы мереке тақырыбында тыңдаушылар "Halloween Quiz" сұрақтарына жауап берді.
