Жұмыс берушілермен кездесу («Oilsert International/Ойлсерт Интернешнл» ЖШС)
02.05.2022Физикалық химия, катализ және мұнайхимия кафедрасымен «Oilsert International/Ойлсерт Интернешнл» ЖШС ұжымы арасында студенттердің оқу және өндірістік практикаларын ұйымдастыру мен өткізу, алда дуалды білім беру жүйесін қалыптастыру мақсатында компания басшылығымен өзара мазмұнды да, салиқалы, әріптестік деңгейде кездесу болды.
«Oilsert International/Ойлсерт Интернешнл» ЖШС директоры Ибранова Гульнар Турашевнаның атап өткеніндей, 15 жыл бұрын Қазақстан экономикасының мұнай – газ секторында өнімнің, қызметтердің және сапа менеджменті жүйелерінің сәйкестігін тестілеу және растауға маманданған алғашқы тәуелсіз отандық компания - "Oilsert International/Ойл Серт Интернешнл"ЖШС құрылды. Компания мұнай-газ саласындағы экспорттық-импорттық операциялардың сапалық көрсеткіштерін бағалау мен бақылауда тәуелсіз сарапшы болып табылады. Негізгі мақсаты адамдардың өмірі, денсаулығы және қоршаған орта үшін сертификатталған өнімнің (қызметтердің) қауіпсіздігіне кепілдік беру және берілетін сынақ нәтижелерінің сенімділігі болып табылады.
Кездесу соңында студенттердің мұнай-газды өңдеу саласында алған теориялық білімді практикамен ұштастыруда практикалық база ретінде екіжақты меморандум жасауға қол жеткізілді.