Бүгін әл-Фараби атындағы ҚазҰУ-дың халықаралық қатынастар факультетінде тұңғыш рет шешендік өнер клубы ашылды. Құрылғанына 15 жыл толған факультетте неміс, орыс, жапон, қытай және т.б. тілдерінің арнайы клубтары қызмет етіп келеді.

Бұл клуб ұлттық нақышты үгіттеуге бағытталған. Бүгінгі таңда елшілікте, билік орнында жүрген азаматтарымыз ресми тілді көп қолданып, ана тілі ұмыт болып бара жатқандай. Осыған байланысты халықаралық қатынастар факультетінің 1-2 курс студенттері ана тілін дәріптейтін клубтың ашылуын мақсат тұтты. Ата-бабадан қалған өсиетті сөздер мен шешендік өнер тәлімін жаңғырту, әрі жастар арасында кеңінен насихаттау жұмысы қолға алыну керектігін атап өтті.

12 сәуірде әл-Фараби атындағы ҚазҰУ-дың Жастар ұйымдары комитеті Қазақ ұлттық аграрлық университеттінің белсенділерімен кездесті. Кездесуге Жастар ұйымдары комитетінің жетекшісі Назира Болдурукова, «Сұңқар» Студенттер кәсіподағы төрайымы Әлия Қарақожаева, Студенттер кеңесінің төрайымы Сәуле Аязбаева, «Блютус» клубының жетекшісі Ақмарал Асылбекова, «Жас көшбасшы мектебі» жетекшісі Сәуле Ишангалиева қатысты. Басты мақсат студеттік өзін-өзі басқару саласында өзара тәжірибе алмасу.

ҚазҰУ белсенділері бүгінде жұмыс атқарып жатқан студенттік өзін-өзі басқарудың үлгісімен, студеттік ұйымдардың жұмысымен таныстырды.

Сәуірдің 11-жұлдызында механика-математика факультеті ұжымының ұйымдастыымен факультетке КСРО халық әртісі Асанәлі Әшімов келіп, студенттермен кездесу өткізді. Кездесу «Ақпараттық жүйелер» мамандығының 2-курс оқу озаты Милана Имранованың Асанәлі өмірінің қызықты да қиын кезеңдерін суреттеумен басталды. Ол қонағы­мыздың студенттік кезеңдеріне тоқтала келе Асанәлінің жас кезінде тіл шеберлігін арттыру мақсатымен ҚазМУ-дың филология факультетінде сырттай оқығанын әңгімелеп берді.

Бұл – ел тұлғала­рының қара шаңырақ ҚазҰУ-мен байланысын аңғартса керек.

Халықаралық қатынастар факультетінде «Германияның қазіргі сыртқы саясатының негіздері және Қазақстан Республикасымен ынтымақтастық бағыттары» тақырыбында елші сағаты өтті. Студенттер мен оқытушылардың қонағы Герман Федеративті Республикасының Бас консулы Герольд Амелунг болды.

14 сәуір күні сағ. 11.00-де әл-Фараби атындағы ҚазҰУ-дың әскери кафедрасында профессорлар Владислав Григорьев пен Ләйлә Ахметованың авторлығымен «Яростный 1941. Размышления историков» атты кітаптың тұсаукесері өтеді.

Биыл Ұлы Жеңістің 70 жылдығы аталады. Кітап осы мерейтой аясында жарық көріп отыр. ХХ ғасырдың негізгі оқиғалары, жеке тұлға мен қоғам, этнос және ұлттық қауіпсіздік, саясат және идеология, психология мен мораль, мәдениет пен дін арасындағы қақтығыстар қамтылған.

4-9 сәуір аралығында ҚазҰУ шығыстану факультетінің ирантану және үндітану кафедрасының ұйымдастыруымен ҚР Тәуелсіздігінің 20 жылдығы аясында парсы тілі апталығы өтті. Апталықтың ең бір маңызды оқиғасы - Иран Ислам Республикасының Қазақстандағы Төтенше және өкілетті елшісі Ғорбан Сейфидің студенттерге оқыған «Қазақстан тәуелсіздігі тарихындағы Қазақстан мен Иран байланысы» дәрісі болды. Құрметті қонақты ҚазҰУ-дың бірінші проректоры Мұхамбетқали Бүркітбаев қарсы алды.

«Елші сағатына» факультет студенттері мен оқытушы-профессорлар құрамы, ҚР Қорғаныс Министрлігі Құрлық Әскерлері Институтының курсанттары қатысты.

12 сәуірде ҚазҰУ-дың Ғылыми мәжіліс залында салтанатты түрде (15-қабат, ҚазҰУ-дың мәжіліс залында) «әл-Фараби» Олимпиадасының жабылу рәсімі өтті.

Олимпиаданың салтанатты жабылу рәсіміне ҚазҰУ ректоры Ғалымқайыр Мұтанов пен «Дарын» республикалық ғылыми-тәжірибелік зерттеу орталығының директоры Ділдәш Бейтуова жеңімпаздарды құттықтап, І, ІІ, ІІІ-орын иегерлеріне дипломдарды табыстады. Сондай-ақ, ҚазҰУ-дың оқу ісінің проректоры Гүлнәр Балақаева, барлық факультет декандары қатысты.

11 сәуір күні әл-Фараби атындағы ҚазҰУ-дың кезекті ректорат мәжілісінде ЖОО-ға дейінгі дайындық факультетін құру мәселелері жөнінде Мәлік Ауған баяндама жасады.

Оның басты мақсаты – уақыт талабына сай ЖОО-ға дейінгі дайындық курстарын өткізу жұмыстарын жүйелеу, әрі тиімді пайдалану. Университетке талантты жастарды тарту үшін арнайы іріктеу тураларын өткізу керектігі айтылды.

10-сәуір күні әл-Фараби атындағы Қазақ ұлттық университеті Ө.Жолдасбеков атындағы Студенттер сарайының алаңында «Қош келдің, әз-Наурыз!» мейрамы тойланды. Концерттік бағдарламаны дәстүрлі түрде ҚазҰУ-дың «Фараби сазы» ұлт-аспаптар оркестрі Түркештің «Көңілашар» күйімен ашты.

Алматы қаласы әкімінің орынбасары Серік Сейдуманов, ҚР ҰҒА президенті, академик Мұрат Жұрынов, академик Төлеген Қожамқұлов және қазақ эстрадасының әншілері арнайы қонақ болды.

10-сәуір күні сағат 11.00-де әл-Фараби атындағы Қазақ ұлттық университеті Ө.Жолдасбеков атындағы Студенттер сарайы алаңында «Қош келдің, әз-Наурыз!» мерекесі өтеді.

Көктем мерекесін тойлау университет кампусында “Наурыз – жаңару иедеясы” атты тазалық жұмыстарын жүргізуден басталды.