Шақырылған қонақпен дәріс өткізу аясында әл-Фараби атындағы Қазақ Ұлттық университеті Халықаралық қатынастар факультетінде «Халықаралық қатынастар», «Халықаралық құқық», «Әлемдік экономика», «Аймақтану» мамандықтарының 1 курс студенттерімен факультетінің түлегі Қазақстан Республикасы Президентінің Қазақстан Республикасы Парламентіндегі (Президент Әкімшілігі) Өкілі Ахметов Ерік Бауыржанұлымен кездесу өтті.

2024 жылдың 21 мамырында Тұрақты дамудың 4 мақсаты аясында халықаралық құқық кафедрасының оқытушылары Л.Б. Нысанбекова, К.Ж. Алтаева Ы. Алтынсарин атындағы № 159 мектеп гимназияда кәсіптік бағдар беру жұмыстарын жүргізді. Біздің оқытушылар «Халықаралық құқық» ББ таңдау бойынша, білім алушыларды сапалы оқыту туралы, осы бағдарлама бойынша оқуды аяқтаудың артықшылықтары мен мүмкіндіктері және "Халықаралық құқық" мамандығын таңдауда мансаптық өсу туралы кейбір ерекшеліктерін түсіндірді.

Өйткені, оқушы үшін мамандық таңдау-бұл:

- Оның болашағына әсер ететін, жауапты және маңызды қадам.

- Өз мүдделерін, таланттары мен қабілеттерін жүзеге асыру мүмкіндігі.

- Оған қанағат сезімін әкелетін жұмыс табу мүмкіндігі.

Мамандық таңдауда қателеспеу маңызды, өйткені адамның болашағы осыған байланысты.

2024 жылдың 27 сәуірінде Әл-Фараби ат. ҚазҰУ халықаралық қатынастар факультетінде 2024 жылғы халықаралық құқық бойынша республикалық пәндік олимпиада өтті.

«Халықаралық құқық бойынша Республикалық олимпиада әл-Фараби атындағы ҚазҰУ қабырғасында Қазақстанның 8 жоғары оқу орнынан 17 ең мықты және ең жарқын студенттерді біріктірді.

«Халықаралық құқық» пәні бойынша Республикалық пәндік олимпиаданың қорытындысы бойынша «Тұран-Астана» университетінің студенті Эльмира Қабілжапарова бірінші дәрежелі дипломның иесі атанды.

II дәрежелі дипломмен Тұран университетінің студенті Тұрсынбай Бекзат Серікұлы марапатталды.

Бөкетов атындағы Қарағанды университетінің студенті Әділ Ғарипуллаев ІІІ дәрежелі дипломмен марапатталды.

2024 жылғы 17 сәуірде ТДМ 4 аясындағы әл-Фараби атындағы ҚазҰУ-дың халықаралық қатынастар факультетінде «Азаматтық іс барысындағы дәлелдемелер. Дәлелдеу» тақырыбында ашық дәріс өткізілді. Дәрісті арнайы шақырылған қонақ, Алматы облыстық адвокаттар алқасының заңгері Аленов Абдрахман Амирадинович оқыды.

Дәріс барысында Абдрахман Амирадинович азаматтық істерді қараудағы өз тәжірибесіне кеңінен тоқталды. Сотта қандай материалдар мен құжаттар дәлелдеме болып есептелетінін, дәлелдемелерді қалай ұсынуға болатынын, ал нені дәлелдеуге жатпайтынын атап өтті. Адвокаттың айтуынша, соттағы әрбір дәлелдің маңызы зор, бірақ барлық дәлелдерді салыстырып, екі тараптың ұстанымын бағалау одан да маңызды. Тәжірибе көрсеткендей, қолыңызда күшті дәлел болсада сіз істі жеңіліске ұшырауыңыз мүмкін, дегенмен керісінше жағдайлар да кездеседі.

2024 жылдың 11 сәуірінде әл-Фараби атындағы ҚазҰУ-дың 90 жылдығына арналған III Халықаралық Фараби форумының жабылу салтанаты аясында студенттер мен жас ғалымдар түрлі номинациялар бойынша марапатталды.

Халықаралық қатынастар факультетінде 1 орынды «Халықаралық құқық» ОБ 4 курс студенті Райымкулов Заманбек иеленіп, Әл-Фараби ҚазҰУ ректоры - Басқарма төрағасы Жансейт Түймебаевтың қолынан Диплом және ақшалай сертификатпен марапатталды.

Әл-Фараби атындағы ҚазҰУ халықаралық құқық кафедрасы 1-4 сәуір аралығында «Инклюзивті және тең сапалы білім беруді қамтамасыз ету және барлығы үшін өмір бойы білім алу мүмкіндіктерін ілгерілету» атты мастер-класс ұйымдастырды. Іс-шара қонағы – заң ғылымдарының докторы, Ташкент мемлекеттік заң университетінің халықаралық құқық және адам құқықтары кафедрасының профессоры Муаттара Рахимова халықаралық экономикалық құқық бойынша дәріс оқыды.

  Қатысушылар: әл-Фараби атындағы ҚазҰУ «Халықаралық құқық» білім беру бағдарламасының студенттері мен магистранттары.

Шеберлік сабақтарында халықаралық экономикалық құқықтың өзекті мәселелері, оның мемлекеттер арасындағы экономикалық ынтымақтастықты дамытудағы функциялары талқыланды, практикалық бөлімде Орталық Азиядағы аймақтық экономикалық ынтымақтастықты жүзеге асыру тәжірибесі бойынша жағдайлар қарастырылды.

  Студенттер Өзбекстан Республикасының аймақ елдері арасындағы экономикалық ынтымақтастықты дамыту және осы саладағы заңнаманы жетілдіру бастамасы бойынша тәжірибесіне қызығушылық танытты.

      Магистратура студенттері өздерін толғандырған сұрақтарға жан-жақты жауаптар алды. Нағыз бастаушы зерттеушілер ретінде магистранттар қызығушылықпен проф. М.А.Рахимов мемлекетаралық ынтымақтастықты дамыту жөніндегі халықаралық шарттарды іске асыру тәжірибесі туралы.

2024 жылғы 2 сәуірде әл-Фараби атындағы ҚазҰУ халықаралық қатынастар факультетінің халықаралық құқық кафедрасында ТДМ №5 «Гендерлік теңдік», сондай-ақ ТДМ №10 «Теңсіздікті азайту» іске асыру шеңберінде Ташкент мемлекеттік заң университетінің «Халықаралық құқық және адам құқығы» кафедрасының профессоры, з.ғ.д. М.А.Рахимовамен кездесу ұйымдастырды.

Кездесу барысында Орталық Азия елдеріндегі гендерлік теңдік мәселелері талқыланды.

Профессор М.А. Рахимова Жаңа Өзбекстанның мемлекеттік саясатының басым бағыттарының бірі гендерлік теңдікке қол жеткізу, әйелдердің құқықтарын, бостандықтары мен заңды мүдделерін қамтамасыз ету, олардың қоғамдық және мемлекеттік өмірдегі рөлін күшейту болып табылатынын атап өтіп, Өзбекстан Республикасының гендерлік құқықтарды іске асыру тәжірибесі туралы ақпаратпен бөлісті.

2024 жылғы 28 наурызда әл-Фараби атындағы ҚазҰУ халықаралық қатынастар факультетінде ТДМ 16: Бейбітшілік, әділдік және тиімді институттар жетістіктері аясында «Жастар арасында суицидтің алдын алу: Қазақстан және халықаралық тәжірибе» атты дөңгелек үстел өтті.

Дөңгелек үстелді халықаралық құқық кафедрасы ұйымдастырды: PhD докторы Баймағамбетова З.М., PhD докторы Алтаева К.Ж., 1 курс магистранттары Ayatullah Nemati, Ибраева Адема, Оразбек Бекарыс, Тоқтарбекова Мадина, Ван Си.

Іс-шараның мақсаты: жастар арасында суицид мәселелері бойынша құқық бұзушылықтардың алдын алу және құқықтық сауаттылықты арттыру, қазақстандық және халықаралық тәжірибені талдау.

14.03.2024 ж. Халықаралық қатынастар факультетінде ТДМ 16 жетістіктері аясында "Отбасындағы тұрмыстық зорлық-зомбылықтың алдын алу" тақырыбында дөңгелек үстел өтті. Ұйымдастырушылар: PhD докторы З.М. Баймағамбетова, "Халықаралық құқық" ББ 1 курс магистранттары: Қанатқызы Жұлдыз, Тұрсынбеков Санжар.

     Іс-шараның мақсаты: студент жастарды рухани-адамгершілік тәрбиелеу, отбасылық құндылықтар институтын нығайту, құқықтық сауаттылықты арттыру, отбасындағы тұрмыстық зорлық-зомбылыққа қарсы тұруда қоғамда нөлдік төзімділікті қалыптастыру.