2024 жылдың 11 сәуірінде әл-Фараби атындағы ҚазҰУ-дың 90 жылдығына арналған III Халықаралық Фараби форумының жабылу салтанаты аясында студенттер мен жас ғалымдар түрлі номинациялар бойынша марапатталды.

Шараға Ұлттық инженерлік академиясының президенті Бақытжан Жұмағұлов, Қазақстан Республикасы Ғылым және жоғары білім министрлігі Ғылым комитетінің төрағасы Ғалымжан Жанқуатов, әл-Фараби атындағы ҚазҰУ ректоры - Басқарма төрағасы Жансейіт Түймебаев, Алматы қаласы шығармашылық индустрия басқармасының басшысы Қайсар Сарыбаев, отандық және шетелдік ғалымдар, профессорлық-оқытушылар құрамы және жас студенттер қатысты.

«Фараби әлемі» студенттер мен жас ғалымдардың халықаралық ғылыми конференциясы аясында халықаралық қатынастар факультеті 14 секция жұмысын ұйымдастырды, онда халықаралық қатынастар, аймақтану және әлемдік экономиканың заманауи мәселелері талқыланды; Қазақстанның халықаралық және ұлттық құқығының өзара әрекеті; халықаралық қатынастар саласындағы шет тілдері мен дипломатиялық аударманың рөлі.

Халықаралық қатынастар факультетінде 1 орынды «Халықаралық құқық» ОБ 4 курс студенті Райымкулов Заманбек иеленіп, Әл-Фараби ҚазҰУ ректоры - Басқарма төрағасы Жансейт Түймебаевтың қолынан Диплом және ақшалай сертификатпен марапатталды.

Халықаралық қатынастар факультеті Райымқұлов Заманбекті және ғылыми кеңесшісі заң ғылымдарының докторы, халықаралық құқық кафедрасының профессоры Шакиров Кәрімжан Нұрымұлын жоғары нәтижемен құттықтап, жаңа ғылыми жетістіктер тілейді!