2024 жылдың 15 ақпанында Zoom платформасында Халықаралық құқық кафедрасы «Жеке деректерді қорғауды қамтамасыз етудің оңтайлы әдіснамасын таңдау» тақырыбында ғылыми семинар өткізді.
2024 жылдың 3 ақпанында Халықаралық коммерциялық арбитраж (TKS Mutcourt) бойынша Бірінші Алматы студенттері байқауының финалы өтті. Әл-Фараби атындағы ҚазҰУ халықаралық құқық кафедрасынан екі команда құрылып, финалға жолдама алды. Жарыстың іріктеу финалдық кезеңіне Қазақстан, Қырғызстан және Өзбекстаннан 16 үздік команда қатысты.
ҚазҰУ студенттерінен құралған N 52 команда жарыстың финалында екінші орын алды. Студенттер екі миллион теңге көлемінде ақшалай сыйлықпен марапатталды.
Әл-Фараби атындағы Қазақ Ұлттық университетінің Халықаралық қатынастар факультетінде 2024 жылғы 26-27 қаңтарда университеттің 90 жылдық мерейтойына және оның №16 «Бейбітшілік, сот төрелігі және тиімді институттар» ТДМ-ға қол жеткізуге қосқан үлесіне арналған «балалар саудасына қарсы іс-қимыл: Қазақстанның халықаралық-құқықтық тәжірибесі мен практикасы» атты жас ғалымдарға арналған Халықаралық қысқы мектебі өтті.
Халықаралық мектептің ашылуына халықаралық қатынастар факультетінің деканы, PhD докторы Л.Ф. Деловарова және кафедра меңгерушісі, заң ғылымдарының кандидаты, қауымдастырылған профессор Ж.Т. Сайрамбаева қатысты.
Халықаралық құқық кафедрасының аға оқытушысы Н.Б.Бекқайыров Республика күні қарсаңында ҚР Президентінің Жарлығы бойынша «Ерен еңбегі үшін» медалімен наградталды.
Халықаралық құқық кафедрасы PhD доктор, доцент Нысанбекова Ляззат Бегимжановнаны Республика күніне орай әл-Фараби атындағы Қазақ ұлттық университетінің Басқарма төрағасы – Ректор Ж.Қ.Түймебаев мырза атынан Университеттің дамуына үлес қоса отырып, өркендеу жолында атқарған абыройлы еңбегі мен адал қызметі үшін Алғыс хат иегері болуымен құттықтайды!
13 қазанда LEX пікірсайыс клубында «Сыбайлас жемқорлыққа қарсы күресте БАҚ және азаматтық қоғамның рөлі» тақырыбында дөңгелек үстел өтті. Шара Тұрақты дамудың он алтыншы мақсаты – бейбітшілік, әділдік және күшті институттарға арналды. Студенттер баяндама жасап, сертификаттармен марапатталды.
2023 жылдың 21-23 қыркүйек аралығында Г.С. Сапарғалиев атындағы Мемлекет және құқық институты «Қазақстан Республикасының ұлттық мүдделері мен халықаралық-құқықтық міндеттемелерінің арақатынасы» тақырыбында І Республикалық жасөспірімдер олимпиадасын өткізді.
Қазақстанның жетекші жоғары оқу орындарынан 5 топ қатысты, оның ішіндеәл-Фараби атындағы ҚазҰУ-дың «халықаралық құқық» мамандығының студенттері де бар.
Олимпиада қорытындысында біздің команда 2-орынға ие болды.
ЮНИСЕФ пен әл-Фараби атындағы ҚазҰУ бірлескен «UniSat: Launch your dreams» білім беру бағдарламасы жобасының мүшесі Халықаралық құқық кафедрасы оқу-әдістемелік және тәрбие ісі жөніндегі орынбасары, аға оқытушы Байтукаева Дана Өмірбекқызы 2023 жылдың 22 қыркүйегінде Грузияның Тбилиси қаласында өткен «1st Edition of Women CCA Awards» шарасында «10-жылдық әйел: қыздар мен бойжеткендер арасында білім беруді (ғарыш саласы) дамытуға қосқан үлесі үшін» марапатын жеңіп алуымен құттықтайты.
Әл-Фараби атындағы Қазақ ұлттық университеті "Халықаралық құқық" білім беру бағдарламасының студенттері арасында "ҚР БП ҚСжАЕК ақпараттық жүйелері" тақырыбында семинар өткізілді.
Іс-шара барысында Сотқа дейінгі тергеп-тексерудің бірыңғай тізілімінің функционалы мен мүмкіндіктері көрсетілді, оған сотқа дейінгі тергеп-тексерудің басталу себептері, олар бойынша қабылданған іс жүргізу шешімдері, жүргізілген іс-қимылдар, қылмыстық іс жүргізу қозғалысы, қылмыстық процеске өтініш берушілер мен қатысушылар туралы мәліметтер енгізіледі.
Халықаралық құқық кафедрасында «Тәжірибелік оқыту кәсіптік білім берудің негізгі бөлігі ретінде» атты әдістемелік семинар өтіп, іс-шараға оқытушылар мен «Қазақхолдинг» халықаралық холдингінің басшысы – Думан Базарбеков шақырылды. Шара барысында студенттерді дайындау және олардың еңбек нарығындағы бәсекелестікке дайындығына қатысты мәселелер талқыланды. Базарбеков бітірушілердің мемлекеттік органдармен жұмыс істеуге, құжаттамамен айналысуға психологиялық дайындығы, сондай-ақ шешендік өнері мен өз көзқарасын қорғай білу деңгейі туралы пікірімен бөлісті.
