Республика күніне орай әл-Фараби атындағы ҚазҰУ-нің Басқарма Төрағасы – Ректоры Ж.Қ. Түймебаев мырзаның бастамасымен ұйымдастырылып отырған «SUPER STUDENT» атты телевизиялық таланттар байқауына ЖОО-ға дейінгі дайындық кафедрасының тыңдаушылары 1 турда өнер көрсетті. Байқауда тыңдаушылар әр номинация бойынша өнер көрсетті, атап айтсақ, «қара жорға» биі, домбырамен күй шерту, моңғол биі, жеке ән орындау. ЖОО-ға дейінгі дайындық кафедрасының талантты жастарына сәттілік тілейміз!

ЖОО-ға дейінгі дайындық кафедрасының ОПҚ құрамы мен топ тыңдаушыларының қатысуымен кафедраның үйірме-клуб және стартап-ның ашылуы өтті. Жиналыс барысында әр үйірме-клуб жетекшілері мақсаттары мен жоспарын таныстырып, тыңдаушыларды үйірме-клуб мүшесі болуға шақырды.

Әл-Фараби атындағы ҚазҰУ-дың жоғары білім беру кафедрасының меңгерушісінің ғылыми – иноовациялық қызмет және халықаралық байланыстар бойынша орынбасары,  Амангелді Нұргүл ZOOM платформасында 2022жылдың 26қазанында  «2023-2025жылдарға арналған  ғылыми  және (немесе) ғылыми-техникалық жобалар бойынша жас ғалымдарды гранттық қаржыландыруға арналған конкурсы» туралы мәліметтерін ұсына отырып, конкурсқа қалай тіркелу  керектігі жайында бағыт-бағдар берді. 

Әл-Фараби атындағы Қазақ ұлттық университеті Республика күніне орай ұйымдастырып отырған “Алтын күз" атты мерекелік іс-шарасына Жоғары оқу орнына дейінгі дайындық кафедрасының ОПҚ, тыңдаушылар және "Жас шебер" үйірмесі қатысып, көрме ұйымдастырды. Көрмеге түрлі қолөнер бұйымдарын шығарды. Мерекелік іс-шарада кафедраның талантты жастары өнер көрсетіп, келген қонақтарды тәнті етті. Ұйымдастырылған көрмеге университетіміз басқарма-төрағасы ректор Ж.Қ. Түймебаев мырза жоғары бағасын берді.

Әл-Фараби атындағы Қазақ ұлттық университетінде Республика күніне арналған салтанатты жиын өтті. Оған оқу орнының басшылығы, профессор-оқытушылар құрамы және білім алып жатқан жастар қатысты.

Республика күніне орай әл-Фараби атындағы Қазақ ұлттық университетінің Басқарма Төрағасы-Ректоры Жансейіт Қансейітұлы Түймебаев мырза Жоғары оқу орнына дейінгі дайындық кафедрасының оқу-әдістемелік, тәрбие жұмыстар бойынша кафедра меңгерушісінің орынбасары Тілеужанова Гүлхан Тұрарқызын университетке сіңірген Ерен еңбегі үшін төс белгісімен марапаттады.

Кафедра ұжымының атынан әріптесімізді шын жүректен құттықтаймыз!!!

Әл-Фараби атындағы ҚазҰУ Жоғары оқу орнына дейінгі білім беру  факультетінде 21 қазан күні Республика күніне арналған "Атамекенге қош келдіңіздер!" атты мерекелік іс-шара  өтті. Шараның мақсаты: факультетімізге оқуға түскен шетелдегі қазақ диаспора өкілдерінің атажұртқа келіп, тарихи Отанына сіңісу, қаны бір қазақтың ел-жермен қауышып жаңа ортаға үйірлесуін қамтамасыз ету. 

Әл-Фараби атындағы ҚазҰу Жоғары оқу орнына дейінгі білім беру факультетінің  Жоғары оқу орнына дейінгі дайындық кафедрасында Республика күніне орай "Жас шебер" үйірмесінің аясында қолөнер бұйымдарының көрмесі өтті. Көрмеде қолдан тоқылған жас ерекшеліктеріне қарай түрлі-түсті киімдер және өзге де қолөнер бұйымдар көрсетілді. Факультеттегі шетелдік тыңдаушылар, студенттер және ОПҚ құрамы көрмені қызықтап, көрменің ұйымдастырылуын, қойылған қолөнер бұйымдарының ерекшеліктерін жоғары деңгейде бағалады. Көрме жетекшілері: Ибрагимова М.Н., Тастемирова Г.А., Тилеужанова Г.Т.

2022 жылдың 19 қазанында ZOOM платформасында ЖОО-ға дейінгі дайындық кафедрасының ұйымдастыруымен Республика күніне орай «Қазақстан еліне саяхат» атты онлайн ​ мерекелік іс-шарасы өтті.   

Ұйымдастырушылар: Тастемирова Г.А., Тилеужанова Г.Т., Сапаева Г.Е., Ибраимова Ж.Т., Әбдібекова К.Ж., Өзенбек С.Б.

Халқымыздың біртуар перзенті, Отанын сүйген нағыз азамат, Тәуелсіз Қазақстан Республикасының берік тұғыры – Ата заңымыздың негізін қалаған ғұлама ғалым, көрнекті қоғам қайраткері Сұлтан Сартаевтың 95 жылдығына орай Әл-Фараби атындағы Қазақ ұлттық университеті заң факультетінің ұйымдастырумен «Біз Конституциялық кеңістікте өмір сүреміз»: академик С.С. Сартаевтың саяси-құқықтық көзқарастары атты халықаралық ғылыми-практикалық конференция ұйымдастырылды. Конференцияға алыс және таяу шетел ғалымдары, заңгерлермен қатар асыл ағаның ұлағатты ұрпағы, немересі Сартаев Спатай Алтынбекұлы жетекшілік етіп отырған ЖОО-ға дейінгі дайындық кафедрасының профессор-оқытушы құрамы да белсене қатысты. Конференция ғұлама ғалымның саяси ұстанымы мен еңбектері ғылыми тұрғыдан сараланып, зерделенген маңызды шара болды.