2023 жылы 20-23 қыркүйек аралығында Түркістан қаласында Түркі әлемінің математикалық қоғамы (Turkic World Mathematical Society, TWMS) Қазақстан Республикасының Ғылым және жоғары білім министрлігінің, Түркістан облысы әкімдігінің және Қ. А. Ясауи атындағы Халықаралық қазақ-түрік университетінің (ХҚТУ) қолдауымен өткізілген Түркі әлемі математиктерінің VII Дүниежүзілік Конгресіне (TWMS Congress-2023)  Әл-Фараби атындағы ҚазҰУ-нің механика-математика факультетінің механика кафедрасының 1-курс магистранттары Абдидин Алина, Елдосқызы Құралай, Момыш Назерке, Бодау Бекет қатысып, баяндамалар жасады.

19 қыркүйекте механика кафедрасында Erasmus бағдарламасының халықаралық білім беру жобасы аясында AGH Ғылыми техникалық университетінің профессоры Марчин Кот (Краков, Польша) дәріс оқыды.

ACA конференциялар сериясы компьютерлік алгебра Қосымшаларының барлық түрлерін ілгерілетуге және компьютерлік алгебра жүйелері мен пакеттерін жасаушылардың зерттеушілер мен пайдаланушылармен (соның ішінде ғалымдармен, инженерлермен, оқытушылармен және математиктермен) өзара әрекеттесуін ынталандыруға бағытталған. Дәстүрлі түрде ACA компьютерлік алгебраның барлық негізгі аспектілері мен қосымшаларын қамтитын ғылыми сессиялар түрінде ұйымдастырылады. Биыл конференция Варшава жаратылыстану ғылымдары университетінің - SGGW Ақпараттық технологиялар институтында өтті, Варшава.

Механика-математика факультеті, механика кафедрасының оқытушы құрамы Досжан Н.С., Лязат Ж.Т., Сахаева А.К., Ногайбаева М.О. Берлин техникалық университетінде (Германия Берлин қ.) GEOCLIC жобасы, Эрасмус + бағдарламасының аясында 20.08.2023 ж. – 26.08.2023 ж., ғылыми тағылымдамадан өтті.

Әл-Фараби атындағы ҚазҰУ механика кафедрасының постдокторанты, профессор қызметін атқарушы Беляев Е.К. “Journal of Thermal Analysis and Calorimetry” журналының 3-ші конференциясына және Чехия-Мажарстан-Польша-Словакияның термиялық талдау бойынша 9-шы бірлескен V4 конференциясына (Термоаналитикалық конференция https://akcongress.com/jtacc/) қатысты.

2014 жылы "Күрделі планетарлық жүйелер" кітабының сәттілігінен кейін CPSII осы бағытта алынған соңғы нәтижелерді ұсынуға және болашақта әртүрлі пәндер арасында жаңа ынтымақтастық құруға тырысады. CPSII симпозиумы Намур университетінде (Бельгия) "Күрделі планетарлық жүйелер" тақырыбына арналды. Бұл кездесуде әр ғалым планетарлық жүйелер тақырыбына қатысты күрделі мәселелерді шешудің өзіндік тәжірибесін ұсынды.

Бұл симпозиумда «Investigation of the dynamic evolution of planetary systems with isotropically varying masses» атты постер ұсынылды, постердің авторлары: M. Zh. Minglibayev, A. N. Prokopenya, A. B. Kosherbayeva.

2022-2023 оқу жылының бітіруші түлектері 100 ге жуық бакалавр, 8 магистрант дипломдық жұмыстарымен диссертацияларын сәтті қорғап шықты.

2010 жылдан бастап "Қазіргі жұлдызды астрономия" циклының жыл сайынғы конференциялары Ресейдің әртүрлі астрономиялық мекемелерінде ұйымдастырылады. Олар осы және онымен байланысты салаларда жұмыс істейтін астрономдардың кездесуі мен пікір алмасу алаңын ұсынады. Биыл конференцияны РҒА астрономия институты, Мәскеу мемлекеттік университеті, М.В. Ломоносов (ШАИ, физика факультеті), астрономиялық қоғамы ұйымдастырды. Конференция Волгоград қаласында, Волгоград мемлекеттік университетінде (ВолМУ) өтті.

Баку қаласында Geoclic жобасының әріптес елдері бас қосып, ұйымдастырылған кездесуде атқарылып жатқан жұмыс барысы талқыланды.

Әл-Фараби атындағы ҚазҰУ мен «Қазмұнайгаз инжиниринг» институтының арасында жасалған Меморандум негізінде Механика - математика факультеті механика кафедрасының 4 - курс студенттері Елдосқызы Құралай мен Курумбаева Наргиза Астана қаласындағы «Қазмұнайгаз инжиниринг» институтында өндірістік және дипломалды практикалардан өтті.