Сенбі күні, яғни 26.10.2019 ж. сағат 9.00-14.00 аралығында механика кафедрасының ұйымдастыруымен ҚазҰУ спорт кешенінде Механика кафедрасының 85-жылдығы қарсаңында «Шапшаң, биік, әрі күшті!» атты спорт жарысы өтеді. Жарыс спорттың келесі түрлері бойынша өтеді: волейбол, футбол, теннис, шахмат, нарда, тоғыз-құмалақ, арқан тартыс, асық ату. Спорттық жарысқа механика кафедрасының студенттері мен оқытушылары қатысады
Қазан айының 10-12 аралығында бүкіл әлемде #Erasmus Days 2019 хэштегімен әлемдік ауқымдағы іс-шараны қолдауға арналған «Erasmus Day» өтті.
Эразмус+ – білім беру, кәсіптік оқыту, жастар саясаты және спорт жүйесін жаңғырту мен тұрақты дамытуға бағытталған Еуропалық Одақтың бағдарламасы.
11.10.2019 ж. Алматы энергетика және байланыс университетінің (АЭБУ) ұйымдастыруымен өткен #Erasmus Day атты студенттер арасындағы бизнес идеялар конкурсына 14 команда қатысты. Осы байқауға әл – Фараби атындағы Қазақ ұлттық университеті механика-математика факультеті механика кафедрасының FLYUP Group стартап компаниясының командасы да «SMART TABLE» жобасымен қатысып, екінші орынға ие болды.
ҚазҰУ командасы 2019 жылы Қытайдың Сиань қаласында өткен Жібек жолының робототехникадағы инновациялары байқауына (SRRIC) қатысып, Дипломмен марапатталды.
Бұл байқауға ҚазҰУ командасы, профессор Ж.Байгунчековтың жетекшілігімен, «Robot Humanoid Ai-Gerim» жобасын ұсынды.
Механика кафедрасының оқытушылары (Б. Аманов пен Б. Сағитжанов) және студенттері (Азиль Заманбек пен Рахымжан Заңғар) құрастырған Гуманоид робот әлеуметтік робот болып табылады. Ол физикалық мүмкіндіктері шектеулі адамдарға жұмысқа орналасуда көмектесетін бірқатар функцияларды орындайды . «Айгерім» роботының ерекшеліктері - дизайнның қарапайымдылығы, бағасының арзандығы және Wi-Fi байланысы арқылы мүмкіндіктері шектеулі оператор-адамдардың қашықтықтан басқара алуында.
Қыркүйек айының 17-21 аралығында біздің университетімізде «Адами мұра және жоғары технологиялар үйлесімі негізінде жетілу» тақырыбында QS World Wide халықаралық форумы өтті. Аталған форум ғылым мен жоғары білім беру саласындағы озық тәжірибелермен алмасу және тарату бойынша әлемдегі бірегей және ірі платформа болып табылады. Осы Форум аясында Малайзияның ПЕТРОНАС технология университетінің (UTP) профессоры Ханита Дауд бастаған ғалымдары механика-математика факультетінде зертханаларды аралап, білім - ғылым саласында ақпараттармен алмасты.
Әл-Фараби атындағы Қазақ ұлттық университеті механика-математика факультеті механика кафедрасының 2-курс магистранты Зарина Туртаева докторлық бағдарлама бойынша «Абай – Верн» бағдарламасының стипендиясын жеңіп алды.
«Абай – Верн» стипендиялық бағдарламасының қабылдау комиссиясы магистратуға 90, докторантураға 10 кандидаттарды мақұлдады. Докторанттық бағдарлама бойынша жеңімпаздар 36 ай бойы ай сайын 1200 еуро көлемінде стипендия, сондай-ақ осы уақыт аралығында тегін білім алатын болады. Олар мемлекеттік жоғары оқу орындарында тіркеу жарнасын төлеуден босатылады, ұзақ мерзімді тегін визаға және студенттер жатақханаларында орындар бөлінгенде басымдыққа ие болады.
2019 ж. Қазақстан инженерлік білім ассоциациясының Республикалық рейтинг агенттігі (RRA-KazSEE) өткізген «Қазақстан-2050 - Инновация және академиялық шеберлік бойынша Ұлттық рейтинг» университеттер мен білім беру бағдарламаларының рейтингісінің нәтижелері бойынша әл-Фараби атындағы Қазақ ұлттық университеті келесі білім беру бағдарламалары бойынша бірінші орындарға ие болды
2019 ж. Қазақстан инженерлік білім ассоциациясының Республикалық рейтинг агенттігі (RRA-KazSEE) өткізген «Қазақстан-2050 - Инновация және академиялық шеберлік бойынша Ұлттық рейтинг» университеттер мен білім беру бағдарламаларының рейтингісінің нәтижелері бойынша әл-Фараби атындағы Қазақ ұлттық университеті келесі білім беру бағдарламалары бойынша бірінші орындарға ие болды
Әл - Фараби атындағы Қазақ ұлттық университетінің 85 жылдығы қарсаңында механика – математика факультеті механика кафедрасының меңгерушісі ф.-м.ғ.к, профессор Зауре Баяновна Ракишева білім беру саласындағы ерекше еңбегі үшін Қазақстан Республикасы Білім және ғылым министрлігінің ведомстволық наградасы «Қазақстан Республикасының Білім беру ісінің құрметті қызметкері» төс белгісімен марапатталды.
2019 жылдың 26-сәуірінен 3- мамыры аралығында Жапонияның Токио университетінің профессоры Шиничи Накасука әл-Фараби атындағы Қазақ ұлттық университетінде болды.
Механика кафедрасының 1 курс докторанттары Тукешова Г., Меркибаева Б. және Кайыров Р. педагогикалық практика аясында "Махаббат - өмір өзегі" тақырыбында ашық кураторлық сағат өткізді(11.04.2019) .
