04.03.2020 күні Қытай Халық Республикасы Орталық Ұлттар университеті, Қазақ филологиясы факультетінің доценті, тарих ғылымдарының докторы, танымал түркітанушы Дүйсенәлі Әбділәшімұлы факультетімізде қонақта болып, «Түркітану» және «Шығыстану» мамандығының студенттері мен магистранттарына дәріс оқыды.Шараны ұйымдастыруға факультет деканы Ы.М. Палтөре мырза ықпал етіп, Түрксой және Қытайтану кафедраларының меңгерушілері мен оқытушылары ат салысты. Профессордың дәрісіне факультет ғалымдары Нәбижан Мұхаметқанұлы, Ұ.Т. Алжанбаева, Қ.Қалыбаева, Ф. Оразақынқызы, З. Шадкам, қатысып ой бөлісті. Негізгі тақырыптар қазіргі түркі халықтарының тарихы, мәдениеті мен тіліне қатысты болып, олардың ең өзекті тұстарына тоқталып, терең қорытындылар жасады. Профессор Дүйсенәлі Әбділәшімұлы осы жылдың қаңтар айынан бері еліміздің бірнеше ЖОО мен ғылыми-зерттеу институттарында болып, тың деректер негізінде дәрістер оқыған.

                                                                                                                                                                                                АБДУКАДЫРОВ Н.М.

                                                                                                                                                                                                ДӘЛЕЛҚЫЗЫ ҚАРАҚАТ