әл-Фараби атындағы Қазақ Ұлттық университетінің спорт кешенінде халықты ұлты мен тіліне, дінімен түр-түсіне бөлмей өзіне ынтызар еткен спортшылардың бірі Серік Сәпиевпен кездесу өтті. Аталмыш кездесуді жастардың спортқа деген қызығушылығын оятып, танымын кеңейту мақсатымен Алматы қаласы жастар саясаты ұйымдастырған еді. Кездесуге жиналған студенттер Серік Сәпиевке көкейінде жүрген сұрақтарын қойып, жүрек жарды лебіздерін білдіріп жатты.
2013 жыл 6 қазан күні география және табиғатты пайдалану факультеті, рекреациялық география және туризм кафедрасының студенттері Алматы қаласы әкімдігімен бірге елімізде тұңғыш рет өткізілген 16 әлем елдерінен 150 спортшы қатысқан "Tour Of Almaty 2013" халықаралық веложарысты ұйымдастыруға ерікті түрде қатысты.
Қазан айының 9 (арулар) және 10 (жігіттер) күндері Студенттер Сенатының ұйымдастыруымен жыл сайын өтетін дәстүрлі «Ана тілі» аруы» және «Жігіт сұлтаны» байқауының І іріктеу кезеңі өткелі отыр.
әл-Фараби атындағы ҚазҰУ-дың Ғылыми кітапханасы Тәрбие жұмысы жөніндегі Департаменттіңқолдауымен «Алтын формуляр» сайысының басталғанын хабарлайды. Сайыс «ҚазҰУ-дың студенті оқуға тиіс 100 кітап» жобасы аясында университет студенттері мен оқытушылары, қызметкерлері арасында өтеді.
«Smart GIS» – студенттік жобаcы іздестіру компаниясы көптеген инженерлік-геодезиялық қызметтерді ұсынады. Олардың ішінде топографтық-геодезиялық, картографиялық және жерге орналастыру жұмыстары бар.
4-5 қазанда әл-Фараби атындағы ҚазҰУ-да ТМД-дағы экономикалық мәдениет және қоршаған ортаны қорғау жылы аясында «Экологиялық мәдениет пен қоғамның қалыпты дамуының заманауи мәселелері» атты халықаралық ғылыми-тәжірибелік конференция өтті. Шараға ТМД, АҚШ, Қытай елдерінің эколог ғалымдары, ҚР Қоршаған ортаны қорғау министрлігі мен Алматы қаласының Табиғи ресурстар және табиғатты пайдалануды реттеу басқармасы өкілдері қатысты.
Мемлекет және құқық теориясы мен тарихы, конституциялық және әкімшілік құқығы кафедрасы Медеу аудандық халыққа қызмет көрсету орталығымен бірлесіп «Халыққа қызмет көрсету орталығының нормативтік-құқықтық негіздері құрылымы» тақырыбында ғылыми-тәжірибелік семинар өткізді.
Тілдік және жалпы білім беру кафедрасының шетелдік студенттері «Green campus» бағдарламасының аясында ЖОО дейінгі білім беру факультеті ғимаратының аумағында ағаш отырғызды.
Филология, әдебиеттану және әлем тілдері факультетінде «КӨКЖИЕК» ғылыми-шығармашылық клубының ұйымдастыруымен қазақ прозасының көрнекті өкілдері М.Әуезов, Ш.Мұртаза, О.Бөкеевтің туған күніне орай «ПАРАСАТҚА ТАҒЗЫМ» атты әдеби-сазды кеш өтті.
Құрметті ҚазҰУ студенттері! Сіздерді 5 қазан күні сағат 15:00-де «Жастар алаңында» өтетін «Kaznucityfest» атты 1-курс студенттерін қалашыққа қабылдау салтанатына шақырамыз! Кеш барысында «Ақсүйек in the city» ойыны ойнатылады. Ойынның басты мақсаты – 1 курс студенттерін қалашықпен таныстыру. Ойынға ҚазҰУ жатақханаларының 13 командасы қатысады.
