2021 жылдың 18-19 қарашасында ЭжБЖМ"Экономика" кафедрасының меңгерушісі Ғ.Р. Даулиева EXPO-2020 Dubai Қазақстан павильонында ҚР Үкіметінің қолдауымен өткен Қазақстанның, Орталық Азия елдерінің, АҚШ-тың, Испанияның және әлемнің басқа елдерінің қоғам қайраткерлерінің, креативті бизнес-вумен және әлеуметтік кәсіпкерлерінің бірінші халықаралық форумының жұмысына қатысты. Форум жұмысына қатысу "Жоғары оқу орнының үздік оқытушысы - 2020" мемлекеттік гранты есебінен қаржыландырылды. 

Бұл форум - Қазақстанның жетекші коучтары мен менторларының, сондай-ақ даму саласындағы шетелдік тәуелсіз сарапшылардың басын қосқан трансформациялар және жедел ұлғаймалы өзгерістер әлеміндегі басты оқиғалардың бірі. Сонымен қатар, форум жұмысына Қазақстанда, Орталық Азияның басқа елдерінде және БАӘ-де өмірдің барлық салаларында коучинг технологияларын қолдануға байланысты өзекті мәселелерді талқылау үшін белгілі саяси көшбасшылар, қоғам қайраткерлері, ірі компаниялардың басшылары қатысты.

Форумның хедлайнерлері Гарри МакДэниел - PhD, Franklin University, HR саласындағы профессор, ICU кеңесінің мүшесі, ICU мастер-тренер; Михаил Дернаковский - ICU Кеңесінің мүшесі, ICU мастер-тренер, Беларусь, Ресей, Украина, Балтық жағалауындағы ICU коучинг институттарының жетекшісі; Энрике Хименес Солер - ICU Президенті (Испания, Латын Америкасы), ICU Университетінің Президенті, ICU Кеңесінің мүшесі; Илья Шмелев - PhD, Certified Professional Master Trainer ICU, Certified Professional Master and Trainer of Coaching and Executive Coach, "Экономика Жоғары Мектебі" Ұлттық Зерттеу университетінің аға оқытушысы, Ғалия Бағдат - Қазақстандағы ProfessionalCoachICU Халықаралық қауымдастығының директоры,"Бизнес, қоғам және мемлекет байланыстары жөніндегі ассоциациясы" ЗТБ вице-президенті; Аяжан Өтеуова - "Бизнес, қоғам және мемлекет байланыстары жөніндегі ассоциациясы" ЗТБ президенті, «Зерттеу және консалтинг орталығының"жетекшісі.

Форумның "Өзгерістер және инновациялар кезеңіндегі коучинг: табысты мемлекет, әртараптандырылған бизнес және азаматтық қоғам" тақырыбы EXPO-2020-ның "Ақыл-ойды біріктіре отырып, болашақты жасай отырып" басты слоганымен үндес болды және VUCA - әлемі мен экономиканың турбуленттілігі жағдайында экономиканың негізгі субъектілерінің теңгерімді өзара іс-қимылының өзекті мәселелерін талқылауға бағытталды. Форум нетворкинг, халықаралық коллаборация, тәжірибе алмасу және білім берудегі коучинг технологиясы саласында біліктілікті арттыру үшін тиімді алаң құрды. Жаңа сын-қатерлер білім беру үдерісіне жаңа талаптар қояды. Білім берудегі коучинг қазіргі заманғы оқыту тәсілдерінің бірі, білім алушылардың қызығушылықтарынтудырып, мотивацияны және нәтижелер үшін жауапкершілікті арттырады.

Форумға қатысушылардың кәсіби және бейресми қарым-қатынасы ортақ мақсатты – өзгерістер мен инновациялар кезеңінде сын-тегеуріндерге жауап беретін бірлескен тәсілдерді табуды көздеді.