"Tarzhimanclub" клубының жас аудармашыларының кездесуі
Әл-Фараби атындағы ҚазҰУ-дың шетел филологиясы және аударма ісі кафедрасындағы "Tarzhimanclub" жас аудармашылар клубының ұйымдастыруымен 2020 жылы 15 желтоқсанда аударма кеші өтті.
Кешке "Аударма ісі" бөлімінің 1-4 курс студенттері, эдвайзерлер Адилия Әлімбаева, Рауана Төреханова, клуб жетекшісі Ләйла Мұсалы қатысты. 2020 жылдың қорытындысы ретінде өткен бұл кеште осы оқу жылында өткізген іс-шаралардың есебі берілді. Клуб төрайымы, 4 курс студенті Қайыржанова Данаға өз міндетін жақсы атқарғаны үшін кафедра тарапынан алғыс хат тапсырылды. "Аударма ісі" бөлімінің 4 курс студенттері 1 курс студенттеріне кеңес-тілектерін бейнекөрініс арқылы жолдады.
Клубтың жаңа төрайымы болып "Аударма ісі" бөлімінің 2 курс студенті Ақниет тағайындалды. Өз кезегінде Ақниет болашаққа жоспары көп екенін айтты. Болашақ аудармашылар бас қосқан бұл шараны ұстаздар қорытындылап, аударманың қызық та қиын еңбек екенін айтып, жастарға табыс тіледі.
|