Химия және химиялық технология бойынша XI Халықаралық Беремжанов cъезді
Әл-Фараби атындағы Қазақ ұлттық университетінде химия және химиялық технология бойынша 19-20 қараша күндері аралығында XI Халықаралық Беремжанов конгресі өтті. Конгресс жұмысына Қазақстаннан, жақын және алыс шетелден 250-ден астам ғалым қатысты. Пленарлық және секциялық отырыстарда 170-тен астам ғылыми және ғылыми-техникалық баяндамалар тыңдалды. Конгрестің мақсаты – Қазақстандағы химия ғылымы мен химия білімін дамыту үшін университеттерді, ғылыми ұйымдарды және мамандандырылған кәсіпорындарды бір-бірімен байланыстырып, біріктіру.
Секциялық отырыстарда келесі бағыттар бойынша баяндамалар тыңдалды:
• Минералды және техногендік шикізатты өңдеудің заманауи әдістері;
• Іргелі және қолданбалы материалтану;
• Органикалық синтез, өсімдік және көмірсутек шикізатын өңдеу;
• Қазіргі заманғы химия біліміндегі тенденциялар;
• Өнеркәсіп пен экологиядағы заманауи химиялық талдау;
• Қазақстанда тамақ өнімдерін өндіру технологиясының дамуы.
