Механика кафедрасының түлегі, профессор А.Қалтаевтың шәкірті, PhD докторы Бекбауов Бақберген Ермекбайұлы «Ғылым күні» мерекесі қарсаңында өзінің білім алған ордасы механика кафедрасын 85 жылдық мерейтойымен және «Геоэнергетика» білім беру бағдарламасының 10 жылдығымен құттықтады. Ол әл-Фараби атындағы ҚазҰУ механика-математика факультетінің барлық ұжымына жаңа шығармашылық және ғылыми жетістіктер, әрі қарай үлкен және маңызды істе бұдан да үлкен жетістіктерге жетуіне тілек білдірді!

Қазіргі уақытта «Абай – Верн» стипендиясының 100 иегерлері Францияда тәлім алып жатыр, олардың 90-ы магистранттар мен 10 докторанттар Қазақстанның түрлі университеттерінің түлектері. Соның қатарында, Әл-Фараби атындағы Қазақ ұлттық университеті механика-математика факультеті механика кафедрасының түлегі, Туртаева Зарина Нанси қаласында орналасқан Лотанрингия Университетінің LEMTA (LABORATOIRE D'ÉNERGÉTIQUE ET DE MÉCANIQUE THÉORIQUE ET APPLIQUÉE) лабораториясында өзінің докторлық диссертациясы бойынша жұмыс жасауда.

Педагогикалық практика жоспарына сәйкес магистранттар - тыңдаушыларға тиісті мамандықтар пәндері бойынша студенттерге бірнеше дәрістер, семинарлар мен зертханалық сабақтар өткізу қарастырылған.

Бүгіннен бастап, коронавирустың жаһандық өршуі себбебінен халықаралық денсаулық сақтаудың төтенше жағдайына байланысты, механика кафедрасының магистранттары - практиканттары қашықтықтан дәрістер жүргізе бастады.

Ақпан айының 28-де педагогикалық практика аясында Д.Е. Туралинаның жетекшілігімен 1 курс магистранттары Жұмабек Маржан, Жұманова Маржан, Қамбарбек Алишер және Аршабекова Әйгерім №6 жатақхана студенттеріне “Mechanics and Energy” қос дипломды білім беру бағдарламасы бойынша кәсіби бағыт-бағдар беру мақсатында ашық сабақ өткізді. 

Кеше, 27 ақпанда, әл-Фараби атындағы ҚазҰУ механика-математика факультетіндегі У.А. Жолдасбеков атындағы мәжіліс залында академик Жолдасбеков Өмірбек Арысланұлын еске алу күні өтті.

Шараны механика кафедрасы ұйымдастырды.

Бұл шара механика кафедрасының 85 жылдық мерейтойын мерекелеудің бастамасы болып табылады.

Ақпанның 27-де әл-Фараби атындағы Қазақ ұлттық университетінде механика кафедрасы академик Өмірбек Арысланұлы Жолдасбековті еске алу күнін өткізеді.

Өтетін орны: механика-математика факультетінің қызыл залы

Уақыты: 27.02.2020, 14.00

Механика-математика факультетінің студенттері, профессорлары мен оқытушылары шақырылады.

Әл-Фараби атындағы Қазақ ұлттық университетінің механика-математика факультеті механика кафедрасының студенті Бекзат Аджан «Болашақ» стипендиясын жеңіп алды.

Бүгінгі таңда Бекзат Аджан АҚШ Иллинойс штатындағы Урбана-Шампейндегі Иллинойс университетінің магистранты. Ол «Mechanical Engineering» мамандығының «Fluid mechanics & CFD» бағыты бойынша білім алуда.

2019 жылғы қараша айының 26 – сында Алматыда «Рахат Палас» қонақ үйінде Германиядан келген делегацияның қатысуымен Қазақстанда жаңартылатын энергия көздері бойынша Қазақстан-Герман форумы өтті. Германиядан келген экономикалық делегацияның сапарының мақсаты қазақстандық кәсіпорындармен іскерлік байланыс орнату, сондай-ақ Қазақстан нарығында күн және жел энергиясы саласындағы тауарлар мен қызметтерді ұсыну болды.

Аталған форумға механика кафедрасының оқытушылары, доцент Туралина Д.Е., доцент А.Т. Төлепбергенов және докторант Г.Жұмабаева да қатысты.

2019 жылғы қараша айының 21-23 аралығында университеттің спорт кешенініде Қазақстан Республикасының Тәуелсіздігі Күніне арналған әл Фараби атындағы Қазақ ұлттық университеті студенттерінің арасындағы бокстан факультетаралық  біріншілігі өтті. Осы біріншілікте 80 кг салмақ дәрежесінде механика-математика факультеті Механика кафедрасының 1-курс студенті Абилханов Ислам 1-орынды иеленді.

Құттықтаймыз! 

2019 жылы 12 қарашада Алматы қаласы РФММ-да Қазақстанның жоғары оқу орындарының қатысуымен " Білім жәрмеңкесі -2019"  білім көрмесі өтті.

            Іс-шараның басты мақсаты жоғары сынып оқушылары мен ата-аналарына Қазақстанның алдыңғы қатарлы жоғары оқу орындарында жүзеге асырылатын білім беру бағдарламалары туралы толық және нақты ақпарат беру, мектеп бітірушілерге болашақтағы мамандығын таңдауға көмектесу.

Іс-шараға Қазақстанның 10-нан астам жоғары оқу орындарының өкілдері қатысты. Солардың ішінде Әл-Фараби атындағы ҚазҰУ механика-математика факультеті механика кафедрасының оқытушылары Жумашева Ж. және Болысбек Д.  те болды.