Химия және химиялық технология факультетінің студенттері әрқашан белсенді қоғамдық өмір сүреді. 2019 жылдың басында әл-Фараби атындағы ҚазҰУ Мұнай инженерлерінің қоғамына кірді (SPE – Society of Petroleum Engineers). Жыл бойы SPE мүшелері-студенттері барлық қоғамдық жұмыстарға қатысты. Алматыдағы SPE төрағасы Асқар Мұңалұлы Далбаевтың және Әл-Фараби атындағы ҚазҰУ-нің қолдауымен 2020 жылдың 11 ақпанында «Студенттерді жұмысқа орналастыру дағдылары» тақырыбында қонақ дәрісін өткізді.

2020 жылдың 6 ақпанында Химиялық физика және материалтану кафедрасының куратор-эдвайзерлері және оқытушылары № 13 жатақханада «Химиялық физика және материалтану» кафедрасының ашық есік күнін өткізді.

әл-Фараби атындағы ҚазҰУ химия және химиялық технология факультетінің студенттері әр түрлі байқауларға қатысады. «6D060600-Химия» мамандығының 2 курс PhD-докторанты Рахым Акмарал (ғылыми жетекші – х.ғ.д., проф. Сейлханова Г.А.) «Fame Lab» Ұлттық конкурсының финалына дейін жетті (https://www.youtube.com/watch?v=Xs7Sxr9lZ_4&t=2583s). 2019 жылдың желтоқсанында Рахым А. «5В072000-БЗХТ» мамандығының 3 курс студенті Шиянова Радмирамен «Өз бизнесіңді қалыптыстыр» байқауында («Сәби» Қоры) өздерінің жобасын ұсынды. Олардың жобасын келесі сілтемеден көруге болады (https://www.instagram.com/p/BujBrGQH5YZ/?igshid=16lqpjnb9vain).

Химия және химиялық технология факультетінде 2020 жылдың 5-7 ақпан аралығында жыл сайынғы «Үздік химик-зерттеуші» Байқауы өтті, оған құрамында Шиянова Радмира, Жигаленок Ярослав, Стародубцева Алена бар «RaYAL» командасы қатысып, 2-орын алды. Жарайсыңдар! Алға!

31 қаңтарда физикалық химия, катализ және мұнайхимия кафедрасына High Tech Academy мектебінің 10 сынып оқушылары келді. Оқушылардың келу себебі университетіміздің лабораторияларымен, ғылыми бағыттармен және де мамандықтармен танысу болды. Оқушылардың сұрақтарына кафедрамыздың профессоры Сейлханова Г.А. жауап беріп, ең бірінші химик-зерттеуші, технологтарға не қажет екенін атап көрсетті.

31 қаңтар күні 13 жатақханада физикалық химия катализ және мұнайхимиясы кафедрасы аға оқытушылары PhD Құдайбергенов Н.Ж. және PhD Бәкірова Б.С. бірлесе отырып «Кешегі тарих – ертеңгі жетістік баспалдағы» атты тарихи танымдық іс – шарасын өткізді. Тәрбиелік сағат мақсаты – кафедрамен таныстыру және кешегі күнді білу арқылы жарқын болашаққа нық қадам басуға, сонымен қатар, кафедраның бетке ұстар азаматтары өмірін үлгі ете отырып, білімге, ғылымға құштарлықтарын ояту.

            Кеш 1936 жылдан бастау алатын тағылым мол кафедра тарихынан сыр шертуден басталды. Әрі қарай сұрақ – жауап түрінде өз жалғасын тапты. Студенттер жағынан кафедрада оқытылатын сабақтар және ғылыми бағыттар жөнінде сұрақтар көбірек қойылды. Аталмыш кеш студенттерге физикалық химия, катализ және мұнайхимиясы кафедрасы туралы толыққанды ақпарат берді.

Университетімізде ұзақ жылдар ұстаздық еткен физикалық химия, катализ және мұнайхимия кафедрасының ардагер ұстазы, химия ғылымдарының докторы, профессор Абланова Ермек Хасеновна және профессор Аубакиров Ермек Айтқазыұлының «Терминологиялық түсіндірме сөздік» атты 40,0 баспа табақтан тұратын оқу құралы университетіміздің баспасынан жарыққа шықты. Аталған құнды еңбектің тұсаукесері факультеттің Ғылыми кеңесінде салтанатты түрде өтіп, онда профессор Ермек Хасеновна түсіндірме сөздіктің бұған дейін жарық көрген сөздіктерден айырмашылығына кеңінен тоқталып, төл тіліміздің ғылыми тілге айналуында алатын ролін жан-жақты талқылап, тілдің ғылыми тіл деңгейіне дейін қалыптасу сатыларын саралап баяндап берді. Химия және химиялық технология сала мамандары мен ғалымдарына, сонымен бірге барша оқырман қауымына арналған сөздіктің алғашқы даналарын кафедра меңгеруішілеріне табыстады.

" 2019 - ЖОО Үздік оқытушысы " атағын тағайындау бойынша республикалық конкурсы қорытындыланды. Аталмыш конкурска республикалық 81 жоғары оқу орнынан 471 үміткер қатысты. Құрметті атаққа ие болған 200 республикамыздың оқытушылары арасында физикалық химия, катализ және мұнайхимиясы кафедрасы профессоры Сасыкова Лариса Равильевна бар!!! Физикалық химия, катализ және мұнайхимиясы кафедрасы шын жүректенөз ісінің білгірі екендегінің дәлелдемесі Сасыкова Лариса Равильевнаны - ҚР БҒМ мемлекеттік грантын жеңуімен және "2019 - ЖОО Үздік оқытушысы" атағын иемденуімен құттықтайды!!! Мықты денсаулық, бақыт, әрдайым үздік оқытушы және өз ісінің маманы, әріптестері мен іздасарларына жақсы үлгі болуына, сонымен қатар, барлық шығармашылық идеяларының жүзеге асуына шын ниетімізбен тілектеспіз!!! 

Химия» бөлімі (бакалавриат) бойынша 2019 ж. СҒЗЖ байқауына 7 жоғары оқу орнынан 16 жұмыс түсті.

Базалық жоғары оқу орнының комиссиясы ғылыми жұмысты қарап, төмендегідей марапаттауға усынуды шешті:

 ҚР білім және ғылым министірлігінің I дәрежелі дипломымен – 1 жұмыс:

1. Советова Құндыз – Әл-Фараби атындағы Қазақ ұлттық унниверситетінің 4 курс студентстуденті. Тақырыбы: «Хромды көміртекті сорбенттермен бөліп алу». Ғылыми жетекші: х.ғ.к., доцент Исмаилова А.Г.

Химия және химиялық технология факультетінің студенттері " Бейорганикалық заттардың 
химиялық технологиясы" және "Химия" мамандықтарының студенттері, сонымен қатар
 "Химия" мамандығының магистранттары Самал ауыз су зауытына барды. 
Компания суды даярлау, тазарту, құюға арналған шеберханаларға экскурсия 
ұйымдастырды. Тазалық, қызықты нұсқаулық, барлығына сыйлық пакеті және сапарға 
ақысыз жеткізу! Тамаша! Су өте керемет: тұщы (иондардың қосындысы 0,00-0,127 мг / л),
 жұмсақ (жалпы қаттылығы 0,79-1,12 мг-экв), рН бейтарап ортаға жақын, түсі мен иісі жоқ,
 ең бастысы дәмді!
Жалпы және бейорганикалық химия кафедрасының профессоры, Романова С.М.

Құрметті оқытушылар, студенттер, магистранттар және докторанттар!

 "ҚР БҒМ шетел ғалымдары мен мамандарын шақыру" бағдарламасы аясында біздің университетке дәріс оқу және бірлескен ғылыми зерттеулер жүргізу үшін Батыс Шотландия университетінің профессоры Моджаба Мирзаян (Mojtaba Mirzaeian) келді. Профессор Моджаб Мирзаян химиялық технология және химиялық инженерия саласындағы ғалым болып табылады, оның ғылыми қызығушылықтары беттік құбылыстарды, энергияны сақтауға, нано кеуекті көміртекті материалдарды, сутегіні сақтауға арналған материалдарды, энергия үнемдеудің электрохимиялық технологиясын (атап айтқанда, аса өткізгішті және LiO₂ аккумуляторларды) әзірлеуді қамтиды. Ол жоғары импакт-факторы бар мақалаларды қоса алғанда, 120-дан астам ғылыми еңбектердің авторы (h-индексі: 14).