2023 жылдың 23 маусымы мен 01 шілдесі аралығында э. ғ. д., "Менеджмент" кафедрасының профессоры Сансызбаева Г. Н., э. ғ. д., Менеджмент кафедрасының меңгерушісі Тургинбаева А. Н. және э. ғ. к., "Менеджмент" кафедрасының аға оқытушысы Аширбекова Л. Ж. "АР09260228 Пандемиядан кейінгі кезеңде Қазақстан Республикасының әлеуметтік саласын мемлекеттік реттеуді күшейту" ғылыми жобасы тақырыбы бойынша Индонезия университетінде (Депок қ.) ғылыми тағылымдамадан өтті. 

Индонезия университеті (UI) - мемлекеттік коммерциялық емес оқу орны. Университет әлемдегі ең үздік университеттердің топ-250 (QS #248) қатарында. Ол әлемдегі жетекші ғылыми университеттердің немесе академиялық мекемелердің бірі болып табылады, ол аймақтық және жаһандық деңгейде жаңалықтарды ашу, дамыту және кеңейту бойынша ең жоғары жетістіктерге қол жеткізуді жалғастыруда.   Тағылымдама аясында кафедра бейіні бойынша консультациялар алу үшін факультеттің жетекші ғалымдарымен кездесулер өткізілді. Жоба мүшелері пандемиядан кейінгі кезеңде Индонезия халқын әлеуметтік қолдау бағыттары бойынша талқылау үшін жобаның аралық қорытындыларыбойынша презентация жасады. Индонезия университетінің экономика және бизнес факультеті мен Әл-Фараби атындағы ҚазҰУ Менеджмент кафедрасы арасындағы бірлескен ғылыми жобалар мен бағдарламалар саласындағы ынтымақтастық мәселелері қаралды.