Іс-шаралар күнтізбесі
Уақыт бізді таңдады
15.02.2019Түркістан облысының Шымкент қаласында Кеңес әскерлерінің Ауғанстаннан шығарылғанына 30 жыл толуына орай: «Уақыт бізді таңдады» атты танымдық-патриоттық кездесу өткізілді. Бұл кездесуге Түркістан облысының Ауған соғысы ардагерлері қатысты. Іс-шара осы облыстта соғыста құрбан болған Ауған соғысы ардагерлеріне арнайы қойылған тағзым ету ескерткішінен басталды. Осы күні ардагерлер соғыстың аяқталғанына 30 жыл толуына орай құрбан болған боздақтарға арнап, құран бағыштап, артынан ауған соғысының қасіретті күндерін еске алды.
«Ұлы ұстазды ұлықтаймыз»
14.02.2019"Рухани жаңғыру" бағдарламасы аясында Әл-Фараби атындағы ҚазҰУ-дың филология және әлем тілдері факультеті, қазақ тілі мен әдебиеті мамандығының 1 курс студенттері т.ғ.к, профессор Қозыбакова Ф.А. ғылыми жетекшілігімен 101 топтың студенттерінің ұйымдастыруымен өтті
Ауған алауы жадымызда
14.02.2019Түркістан облысы, Қазығұрт ауданы, Қазығұрт селосының орталық мәдениет үйінде Кеңес әскерлерінің Ауғанстаннан шығарылғанына 30 жыл толуына орай: «Ауған алауы жадымызда» атты танымдық-патриоттық іс-шараға кездесу өткізілді. Бұл кездесуге аудан әкімшілігі, мектеп дирекцисы және осы ауданнан Ауған соғысында болған ардагерлер қатысты. Іс-шараға қатысушыларға Ауған соғысының тарихынан дәріс оқып, бұл соғыстың қанды қасіреті туралы әңгімеленді.
"Мұстафа Шоқай-Түркі әлемінің көсемі"
13.02.2019Әл-Фараби атындағы Қазақ Ұлттық университетінің филология және әлем тілдері факультеті, жалпы тіл білімі және Еуропа тілдері кафедрасы, екі шетел тілі мамандығының 1 курс студенттерінің, т.ғ.д профессор Қозыбакова Ф.А ғылыми жетекшілігімен, "Рухани жаңғыру" және "Ұлы даланың жеті қыры" бағдарламаларының аясында "Мұстафа Шоқай-Түркі әлемінің көсемі" атты ғылыми танымдық конфренциясы өткен болатын.
«Түркі халқының төл перзенті»
13.02.2019әл-Фараби атындағы Қазақ Ұлттық Университеті
Филология және әлем тілдері факультеті, 1курс Қазақ тілі мен әдебиеті -102 топтың, Қозабақова Фатима апайдың жетекшілігімен ұлылардың ұлы ісімен артында қалдарыған асыл мұрасын ұрпақтарға дәріптеу мақсатында өткізілген , жастарға ой салар химеттердің авторы, сопылық поэзияның негізін салушы, даналықтың данышпаны,Түркістандық ғұлама «Түркі халқының төл перзенті- Қожа Ахмет Яссауи» атты ғылыми конференция.
«Жүсіп Баласағұн мұрасы»
13.02.2019
Ауғанның отты жылдары
13.02.2019Түркістан облысы, Қазығұрт ауданы, Турбат селосының орта мектебінде Кеңес әскерлерінің Ауғанстаннан шығарылғанына 30 жыл толуына орай: «Ауғанның отты жылдары» атты танымдық-патриоттық іс-шараға кездесу өткізілді. Мектеп оқушыларына Ауған соғысының тарихынан дәріс оқылып, бұл соғыстың қанды қасіреті туралы әңгімеленді. Іс-шараның барысында патриоттық әндер шырқалып, оқушылар тағлымды әсерлер алды және өз ойларымен бөлісіп, танымдық мәні бар сұрақтар қойды.
«Ұлы даланың ұлы есімдері: зерттеудің методологиялық әдістері» атты республикалық дөңгелек үстел
12.02.20192019 ж. 12 ақпанда Елбасының «Ұлы даланың жеті қыры» бағдарламалық мақаласындағы тапсырмасын орындау мақсатында «Ұлы даланың ұлы есімдері: зерттеудің методологиялық әдістері» атты Республикалық дөңгелек үстел өтті. Іс-шара мақсаты – Елбасы Н.Ә.Назарбаевтың «Ұлы даланың жеті қыры» бағдарламалық мақаласындағы тапсырманы іске асыру аясында «Ұлы даланың ұлы есімдері» жобаны орындау шеңберінде ғылыми зерттеулерді жүзеге асырудың жалпы әдіснамалық тәсілдерін әзірлеу «Ұлы даланың ұлы есімдері» оқу-ағарту энциклопедиялық саябағын құру тұжырымдамасының Жобасын және ғалымдар қауымдастығы мақұлдаған әрі жалпыұлттық мүдделерге сай келетін, ғылыми тұрғыдан қалыптастырылған «Ұлы даланың ұлы есімдері» тізімін талқылау.
Дөңгелек үстелдің модераторлары ретінде ҚР БҒМ Ғылым комитеті төрағасының орынбасары Е.Т. Садықов пен институт директоры З.Е. Қабылдинов болды. Дөңгелек үстел жұмысына Р.Б. Сүлейменов ат. Шығыстану институтының директоры, профессор Д.Б. Әбсаттар, Философия, саясаттану және дінтану институтының директоры А.Қ. Бижанов, А. Байтұрсынов ат. Тіл білімі институтының директоры Е.З. Қажыбек, ҚР ҰҒА-ның құрметті академиктері – Қ.Т. Жұмағұлов, М.Қ. Қойгелдиев, Т.О. Омарбеков, әл-Фараби ат. ҚазҰУ «Тарих, археология және этнология» факультетінің деканы М.С. Ноғайбаева, Мемлекет тарихы институтының ғалым хатшысы А.Ж. Ғабдуллина сияқты кәсіби тарихшылар, көрнекті қоғам қайраткерлері, мемлекеттік органдардың өкілдері, докторанттар мен магистранттар, сонымен қатар БАҚ өкілдері қатысты.
Ауған соғысының ақиқаты
12.02.2019Алматы қаласындағы Қазақстан-Ресей Медициналық Университетіде өткізілген Кеңес әскерлерінің Ауғанстаннан шығарылғанына 30 жыл толуына орай: «Ауған соғысының ақиқаты» атты танымдық-патриоттық кездесу өткізілді. Осы университет студенттеріне Ауған соғысына қазақстандықтардың қатысуы, бұл соғыстың қилы кезеңдері, соғыстағы адам және экномикалық-техникалық шығындар туралы айтылды. Әсіресе дәрігер мамандығында оқитын студенттер бұл кездесуде санитарлық шығындар туралы сұрақтар қойып, өз ойларымен бөлісті.