«Діни экстремизм мен терроризмнің алдын алу» тақырыбында кездесу
21 қарашада Дінтану және мәдениеттану кафедрасының аға оқытушысы Елнар Берікбаев Халықаралық қатынастар факультетінің 1-курс студенттеріне «Діни экстремизм мен терроризмнің алдын алу» тақырыбында кездесу өткізді.
Студенттерге дін саласындағы мемлекеттік саясат, деструктивті діни ағымдардың қауіптілігі және террористік әрекеттердің заманауи әдістері туралы айтылды. Сарапшы мемлекеттің зайырлы құрылымын сақтаудың маңыздылығын атап өтіп, экстремистік идеяларды таратқаны үшін жауапкершілік туралы ескертті.
Кездесу барысында студенттермен көптеген маңызды және өзекті мәселелер талқыланды. Студенттер сондай-ақ, әлеуметтік желілердегі ақпараттық қауіпсіздік ережелері, деструктивті діни ағымдардың әсерінен өзіңізді қалай қорғауға болады және т. б. сұрақтарға жауабын алды.
