Математикалық және компьютерлік модельдеу кафедрасының профессоры, PhD Жакебаев Дәурен Бақытбекұлы мен механика-математика факультетінің белсенділері экологиялық сенбілікке қатысты
«Әл-Фараби атындағы Қазақ ұлттық университетінде экологиялық сенбілік ұйымдастырылып, оқу ордасының басшысы Жансейіт Түймебаевтың қатысуымен «Ағаштар аллеясына» 120 қырым қарағайы отырғызылды.
Әл-Фараби атындағы Қазақ ұлттық университетінде экологиялық сенбілік ұйымдастырылып, оқу ордасының басшысы Жансейіт Түймебаевтың қатысуымен «Ағаштар аллеясына» 120 қырым қарағайы отырғызылды.
Студенттер қалашығын көркейту, сән-салтанатын арттыру жұмыстары Наурыз айынан бастап қолға алынып келеді.
Ұлыстың ұлы күні «Ағаштар аллеясы» ашылып, онда ұжыммен бірге 160-тан астам қырым қарағайы мен алтай шыршасы отырғызылған болатын.
Ғылым қызметкерлері күнінде Елбасы Нұрсұлтан Назарбаев «Ұлы даланың жеті қырының» бірі ретінде атап өткен Сиверс алмасының 90 көшеті егіліп, ол «Ғалымдар бағы» деп аталды.
Игілікті іс бүгін жалғасын тауып, «Ағаштар аллеясына» тағы 120 түп қырым қарағайы қосылды.
Әл-Фараби атындағы Қазақ ұлттық университетінің Басқарма Төрағасы, Ректоры Жансейіт Түймебаев ел Президенті Қ.К.Тоқаевтың «Тәуелсіздік бәрінен қымбат» бағдарламалық мақаласындағы тапсырмаларға тоқтала келе, көзделген міндеттер ҚазҰУ қалашығында айқын көрініс табуы қажеттігін алға тартты. Сондай-ақ қалашықты жастардың жайлы, көпшіліктің көңіл қуантар мекеніне айналдыру үшін ауқымды жұмыстар жоспарланып, алдағы уақытта барлық жатақханалар маңын көріктендіру көзделгенін атап өтті.» деп хабарлайды Әл-Фараби атындағы ҚазҰУ-дың баспасөз қызметі
https://www.kaznu.kz/kz/3/news/one/24612/