«ҚЫТАЙДЫҢ ӘЛЕМДІК МҰРА НЫСАНДАРЫ» атты ХАЛЫҚАРАЛЫҚ ФОТОКӨРМЕ өтті
Көрулер: 858
2022 жылғы 29 қыркүйек күні ҚР Мемлекеттік орталық музейі Қытай Халық Республикасының Бас консулдығымен бірлесіп, Қытай Халық Республикасының құрылған күніне арналған «ҚЫТАЙДЫҢ ӘЛЕМДІК МҰРА НЫСАНДАРЫ» атты халықаралық фотокөрмесін ұйымдастырды.Көрмеге ежелгі өркениеттің інжу-маржандарының 59-дан астам фотосуреті қойылған. Шығармалардың авторлары – танымал Қытай фотографтары-Чжоу Цзяниен, СунЧжицзюнь, Тань Мин және т. б.Көрменің ресми ашылу салтанатында ҚР Мемлекеттік орталық музейінің директоры Рашида Харипова, Қытай Халық Республикасының Алматыдағы Бас консулы Цзян Вэй ханым сөз сөйледі.Аталмыш шараға, әл-Фараби атындағы Қазақ Ұлттық университетінің шығыстану факультеті, қытайтану кафедрасының аға оқытушысы Қатбаева Гүлмира 1 курс студенттерімен барып, тамашалап қайтты. Болашақ қытайтанушы студенттердің көрмеден алған әсері өте жоғары болып, осындай шаралар жиі ұйымдастырылып тұрса деген ұсыныстарын жеткізді.