«Араб әлемі» үйірмесі
10.02.2016
Көрулер: 3903
Шығыстану факультетінің Таяу Шығыс және Оңтүстік Азия кафедрасында «Араб әлемі» атты студенттердің үйірме жұмысы бірнеше жылдан бері жұмыс жасап келеді. «Араб әлемі» атты үйірме жұмысының басты мақсаты – студенттерге араб елдерінің тілі мен тарихы, мәдениеті мен әдебиеті, салт-дәстүрлері туралы танымдық ақпараттар беріп, олардың ғылыми-шығармашылық қабілетін арттыруға мүмкіндік жасау.
«Араб әлемі» үйірмесінің алға қойған міндеттері:
-Араб шайырлары мен жазушыларының шығармаларын оқып, өзара пікір алмасу және араб өлеңдерін қазақ және орыс тілдеріне тәржіма жасау;
- араб елдерінің мәдениеті, салт-дәстүрлері, тарихы туралы дөңгелек стол, пікір-таластар өткізу, мақала жазу;
- араб ұлттық тағамдарын дайындап үйрену.