Әл-Фараби атындағы Қазақ Ұлттық Университеті механика-математика факультеті механика кафедрасында 2024 жылдың 25-26 сәуір аралығында механикадан Республикалық студенттік пәндік олимпиада өтті.
2023 жылғы 12 сәуірде Ақордада Қазақстан Президенті Қасым-Жомарт Тоқаевтың төрағалығымен Президент жанындағы Ғылым және техника жөніндегі Ұлттық кеңестің бірінші отырысы өтті, оған Әл-Фараби атындағы Қазақ ұлттық университеті «Механика» кафедрасының профессоры Қазақстан Республикасы Ұлттық инженерлік академиясының академигі, профессор Айдархан Қалтаев қатысты.
ҚазҰУ-ның Механика-математика және Ақпараттық технологиялар факультеттерінің студенттері 2024 жылдың BRICS FutureSkills Challenge Халықаралық чемпионатында Digital Industry - Цифровтық өндіріс (Индустрия-4.0) компетенциясында 3-ші орынды алды және ҚР тарапынан Казан қаласында болатын BRICS FutureSkills Challenge 2024 Суперкубогына, Екатеринбург қаласында болатын Жоғары Технологиялық Компаниялардың Шетелдік чемпионаты ХАЙТЕК және Санкт-Петербург қаласында болатын ROBOTICS SKILLS 2024 чемпионатына қатысуға шақырту алды!
Францияның Сыртқы істер және халықаралық даму министрлігі қолдайтын «The Eiffel Excellence Scholarship Program 2024» бағдарламасының нәтижелері белгілі болды, әлемнің түкпір-түкпірінен магистратура мен PhD дәрежесінде 350 лауреаттардың бірі әл-Фараби атындағы ҚазҰУ механика-математика факультеті, механика кафедрасы «Механика және Энергетика» қос дипломды білім беру бағдарламасының 1 курс магистранты Абдидин Алина.
«Механика және энергетика» мамандығының 1 курс магистранттарының педагогикалық тәжірибесі аясында «Механика» мамандығының қазақ бөлімінің 2 курс бакалавриат студенттеріне «Жер экожүйесін сақтау» тақырыбында ашық сабақ өткізілді. Механика-математика факультеті аумағында эдвайзер Алибаева Қарлығашпен және студенттермен бірлесе отырып, 4 түрлі (каштан, каталпа, гибискус, туя) ағаш көшеттерін отырғызу шарасы сәтті ұйымдастырылды.
Ғылым қызметкерлерінің күні қарсаңында механика кафедрасының профессорлары Әлібай Ысқабайұлы Ысқақбаев пен Кеңес Бәжкенұлы Жақыповқа Қазақстан Республикасының Ғылым және жоғары білім министрі Саясат Нұрбектің атынан құттықтау келді. Біз де ғалымдарымызды мерекелерімен құттықтаймыз!
2024 жылдың 8 сәуірі мен 20 сәуірі аралығында әл-Фараби атындағы ҚазҰУ механика кафедрасында Лотарингия университетінің (Франция) Қауымдастырылған профессорі, доктор Оливье Ботелла іссапармен жүр. Екі университет арасындағы қос дипломдық магистратура бағдарламасы аясында ол «7M05405 – Механика және энергетика» мамандығы бойынша бірінші курс магистранттарына (М1) дәріс оқиды. Дәрістер офлайн режимінде және ағылшын тілінде, «Сандық талдау» және «Есептеу гидродинамикасы» пәндері бойынша жүргізіледі. Келесі жылы таңдалған студенттер Абай-Верн стипендиялық бағдарламасының қолдауымен Франциядағы магистратураның екінші курсында (М2) оқуын жалғастыруға мүмкіндік алады.
05-11.04.2024 күндері ҚазҰУ - да өткізілген Студенттік бизнес-инкубаторлары инновациялық жобаларының байқауына 60 жоба қатысты. Байқаудың нәтижесі бойынша «Қоқысты немесе басқа да заттарды жинап, реттеуші автономаттандырылған робот» жобасы ең үздік деп танылып, «Робототехникалық жүйелер» мамандығының 1 курс докторанты Рахматулла Заңғар 150 000 теңге ақшалай сыйлыққа ие болды және арнайы Дипломмен марапатталды. Жоба жетекшісі, кафедра оқытушысы Сагитжанов Берікті және Рахматулла Заңғарды жеңістерімен құттықтаймыз.
«Фараби Әлемі» атты студенттер мен жас ғалымдардың Халықаралық ғылыми конференциясының пленарлық мәжілісінде 3-орын жеңімпазы атанған «Механика» мамандығының 4-курс студенті Карлина Елизаветаны және жетекшісі профессор м.а. Беляев Ержан Келесұлын да құттықтаймыз!
